UMBUZO 6
IBhayibheli Labikezelani NgoMesiya?
ISIPHOROFIDO
“Wena Bhetlehema Efrata, . . . kuwe kuzokuphuma ozokuba mbusi wami kwa-Israyeli.”
UKUZALISEKA KWASO
“Ngemva kokubelethwa kwakaJesu eBhetlehema yeJudiya emihleni yekosi uHerode, amadoda athukula ngeenkwekwezi avela ePumalanga eza eJerusalema.”
ISIPHOROFIDO
“Zihlukaniselana izambatho zami begodu zenza ifumbe bona zifumane isambatho sami.”
UKUZALISEKA KWASO
“Kwathi amasotja nasekaqedile ukubethela uJesu esigodweni, athatha izambatho zakhe zangaphandle azihlukanisa zaba ziingcenye ezine . . . Kodwana isambatho sangaphakathi besinganamthungo, silukiwe kusukela phezulu kuya phasi. Abonisana athi: ‘Asingasidabuli kodwana asenzeni ifumbe ukuqunta ukuthi sizokuba ngesakabani.’”
ISIPHOROFIDO
“Uvikela woke amathambakhe; alikho nalinye eliphuliweko.”
UKUZALISEKA KWASO
“Nawafika kuJesu, abona ukuthi sekahlongakele, azange ayiphule imilenzakhe.”
ISIPHOROFIDO
“Wahlatjwa ngebanga lemitjhaphwethu.”
UKUZALISEKA KWASO
“Elinye lamasotja lamhlaba ngomkhonto ehlangothini, kwaphuma iingazi namanzi.”
ISIPHOROFIDO
“Bangibhadela iimpaparwana zesiliva ezima-30.”
UKUZALISEKA KWASO
“Omunye wabaliTjhumi namBili, okuthiwa nguJudasi Iskariyodi, waya ebaphristini abakhulu wathi: ‘Nizongiphani bona ngimthengise kini?’ Bamthembisa iimpaparwana zesiliva ezima-30.”
