“Phosa umthwalwakho kuJehova, yena uzokusekela. Angekhe avume bona olungileko awe.”

IRhubo 55:22

“Amano wokhutheleko ayamphumelelisa, kodwana boke abantu abenza izinto ngokupharhazela bazokutlhaga.”

IzAga 21:5

“Ungasabi ngombana nginawe. Ungatshwenyeki ngombana nginguZimakho. Ngizokuqinisa, ngizokusiza, ngizokubamba ngesandla sami sangesidleni sokulunga.”

Isaya 41:10

“Ngubani kini ongathi ngokutshwenyeka angezelele kancani ubude bokuphila kwakhe?”

Matewu 6:27

“Ningatshwenyeki ngelanga lakusasa ngombana nalo lizokuba namatshwenyekwalo. Ilanga ngalinye linemirarwalo.”

Matewu 6:34

 “Niqiniseke ngezinto eziqakatheke khulu.”

Filipi 1:10

“Ningatshwenyeki ngalitho kodwana kikho koke, iimbawo zenu azaziwe nguZimu ngomthandazo, ngokurabhela kunye nokuthokoza begodu ukuthula kwakaZimu okudlula koke ukuzwisisa kuzokuvikela iinhliziyo zenu nemicabangwenu ngoKrestu Jesu.”

Filipi 4:6, 7