Biilit illulluunniit naleqar­tuassappata paarilluar­neqartuar­tariaqarput. Aamma Guutimik ikinnguteqarnermi taamaappoq. Imermut morsutsitaareeruit Jehovamik ikinnguteqarnerit paarilluarumallugu qanoq iliorsinnaavit?

Allaaserisami matumani

•  Guutip oqaasia misissortuaruk

•  Jehovamut qinujuarit

•  Upperisat oqaluus­sissutigiuaruk

•  Ataatsimiinnernut peqataajuarit

 Allassimaffik pingaarutilik: ‘Sutigut tamatigut ajunngitsuliorlusi inerititaqaritsi Guutilu pillugu eqqoqqis­saartumik paasisimasaqar­nerujar­torlusi.’ – Kolossimiut 1:10.

 Qanoq isumaqartoq: Imermut morsutsitaareernerup kingorna Biibilimik atuartuar­tariaqarputit paasisatillu eqqarsaatigeq­qissaar­tarlugit. – Tussiaat 25:4; 119:97.

 Suna ilimagisinnaagit: Immaqa atuarnissannut piumassuseqarpiar­tassanngilatit. Immaqa misigissaatit atuarumatuujuler­naviarnak.

 Iliuuserisin­naasatit: Biibilimi soqutigisatit itisilertakkit. Nammineq misissorusutatit allattukkit. Jehovamut taassumalu oqaasianut asannin­nerulernissat anguniagarissavat. Taamatut misissuisarneq iluaqutaallunilu nuannaalersitsisarpoq. – Tussiaat 16:11.

 Siunnersuut: Misissuinerit pissarsiaqarfiginerujumallugu allamut saasarfiun­ngitsumi eqqissisimanartumilu atuartarit.

 Iluaqutissatit allat

•   Atuakkit:

   “Biibili qanoq iluaqutigisin­naavara? – Immikkoortoq 2: Biibilimik atuarnerit pissanganar­tunngortiguk”

   “Hvordan kan jeg lære at fokusere?”

•   Isiginnaaruk:

   Inuusut­toqativit isumaat – Biibilimik atuarneq

•   Aajuk:

   “Biibilimik atuarnissamut pilersaarutit”

 Allassimaffik pingaarutilik: “Sumilluunniit isumakuluuteqar­naveeritsi, kissaatigisasili qanoq ittukkul­luunniit Guutimut saqqummiut­tarsigit qinullusi torlulallusilu qujallusilu.” – Filippimiut 4:6.

 Qanoq isumaqartoq: Jehovamut attaveqarneq oqaloqatigiin­neruvoq: Biibilimik atuaraangavit Jehova tusarnaartarpat, qinugaangavillu oqaluuttarpat. Pisariaqar­titatit qujamasuutigisatillu pillugit Jehova oqaluttuus­sinnaavat.

 Suna ilimagisinnaagit: Immaqa misigissaatit qinnutitit uteqattaarlugit. Allaat Jehovap qinnutitit ilumut tusarnaarnerai soqutigineraaluunniit qularilersinnaavat. – Tussiaat 10:1.

 Iliuuserisin­naasatit: Qinnutigisin­naasatit ullup ingerlanerani eqqarsaatigisakkit. Ingerlaannaq sivisuumik qinusin­naanngik­kaangavit kingusin­nerusukkut qinnutigerusutatit eqqaamaniartakkit. Illit pisariaqar­titavit saniatigut aamma allat pisariaqartitaat eqqarsaatigisakkit. – Filippimiut 2:4.

 Siunnersuut: Qinnutitit uteqattaarsorigukkit tamanna pillugu Jehovamut ikioqqugit. Isumakuluutitit tamaasa tusarusuppai, aamma qinnutinnut tunngasut. – Johannesimit 1. 5:14.

 Iluaqutissatit allat

•   Atuaruk:

   “Sooq qinusassaanga?”

•   Aajuk:

   “Qinnutitit qanoq pitsanngorsarsin­naagitit”

 Allassimaffik pingaarutilik: “Qanoq inooriaaseqar­nerlutit ilinniar­titseriaaseqar­nerlutillu eqqumaf­figiuaruk. Tamakku tamaasa iliuuseriuarukkit imminut annaatis­sallutillu tusarnaartitit annaatis­savatit.” – Timuutiusimut 1. 4:16.

 Qanoq isumaqartoq: Upperisat pillugu oqaluus­sigaangavit illit uppernerit nakussatsittarpat. Allaat illit inuunerit tusarnaar­tivillu inuunerat annaanneqarsin­naapput.

 Suna ilimagisinnaagit: Immaqa oqaluus­sinissannut piumassuseqarpiar­tassanngilatit. Immaqa oqaluus­sinissat allaat annilaangagisinnaavat, ingammik atuarfimmi.

 Iliuuserisin­naasatit: Misigis­sutsinit nuanniitsunit, soorlu annilaanganermit, aqunneqan­nginnissat aalajangiusimajuk. Apustili Paulusi allappoq: ‘Nutaarsiassat nuannersut pillugit kajuminnanga oqaluus­sigaluaruma suli nakkutil­liisuutitatut akisussaaf­feqarpunga.’ – Korintimiunut 1. 9:16, 17.

 Siunnersuut: Angajoqqaavit akuerippassuk uppeqatinnik oqaluus­sinermi maligas­siuilluartumik siunnersor­tissarsiorit. – Ussatit 27:17.

 Iluaqutissatit allat

•   Atuaruk:

   “Hvorfor er jeg bange for at fortælle andre om min tro?”

 Allassimaffik pingaarutilik: “Asannit­tuliornissamut ajunngitsulior­nissamullu kajumis­saaqatigiik­kumalluta isumassoqatigiitta. Ataatsimiigias­saarsimasut ilaarnagit qiimmas­saqatigiitta.” – Hebræerit 10:24, 25.

 Qanoq isumaqartoq: Jehovamik guutisiornerput ataatsimiigiar­tarnitsinnut pissutaavoq pingaar­nerpaaq. Ataatsimiigiar­tarnerli aamma marlunnik suli iluaqutis­sartaqarpoq: Siullertut, illit uppeqatinnit qiimmas­sarneqar­tarputit. Aappaattut, peqataagaangavit allat qiimmas­sarneqartarput. – Romamiut 1:11, 12.

 Suna ilimagisinnaagit: Ilaannikkut ataatsimiitsillutit allamut saattoor­tarsinnaavutit, saqqummiussallu pingaarutillit arajutsillugit. Immaqaluunniit ataatsimiigian­nginnissannut ussernar­torsiorsin­naavutit, pingaar­nerutitatit allat soorlu ilinniak­kerinissat salliut­toorlugu.

 Iliuuserisin­naasatit: Soorunami atuarfimmi ilinniagassatit suliarisas­savatit, ataatsimiigiar­tuarnissalli aalajangiusimajuk, sapinngisannillu pissarsiaqarfiginiartaruk. Peqataallutit akisarit. Ataatsimiinneq naappat peqataasoq minnerpaamik ataaseq akissutaa pillugu nersualaaruk.

 Siunnersuut: Piareersartarit. JW Library® app-eq aajuk, ataatsimiin­nernilu suna eqqartor­neqassanersoq takuniarlugu “Møder” tooruk.

 Iluaqutissatit allat

•   Atuaruk:

   “Sooq naalagaaf­filersaarfimmi ataatsimeeqataassaanga?”