•  Sooq misigissutsit allanngorartartut

•  Iliuuserisinnaasatit pingasut

•  Inuusuttoqativit isumaat

 Inuusut­tun­nguler­nermi peroriar­tor­til­luni nuan­naarujus­suar­tar­neq nikal­lungarujus­sualer­tar­nerlu nalingin­naavoq. Inuusut­tun­nguler­nerit qangalili aal­lar­tereeraluar­toq im­maqa tupaal­laatigisar­pat misigis­sutsivit qanoq nalunar­tigalutil­lu paasiuminaatsigisin­naasar­nerat.

 Misigis­sutsivit al­lan­ngorar­nerat paasiuminaatsik­kuk­ku eq­qaamajuk taamatut misigisar­tutit hormonitit al­lan­ngoriar­tormata tamatumalu saniatigut im­minut tatigin­ngiler­taravit as­sigiin­ngitsutigul­lu nalor­ninar­torsior­taravit, misigis­sutsil­lu tamak­ku inersimasun­ngoriar­tor­nermi nalingin­naap­put. Qujanar­tumil­li sooq taama misigisar­nersutit paasisinnaavat misigis­sutsitil­lu aqun­nis­saat ilik­karsin­naal­lugu.

 Inuunermi ilinniagassaq: Inuusutsil­lutit misigis­sutsin­nik aqutsinis­samik ilin­niar­nis­sat pingaaruteqar­poq inersimasun­ngoruit pis­sutsini as­sigiin­ngitsor­pas­suar­ni misigis­sutsin­nik aqutsisin­naasariaqas­sagavit.

 Oqaluuserisakkit. Biibilimi ima al­las­simavoq: “Ikin­ngutaasup asan­nis­sutsi tamatigut takutit­tar­paa, qatan­ngutaasorlu er­niusimavoq an­nikil­lior­nermi ikior­tis­saal­luni.” – Us­satit 17:17.

 “Ilaqutariiulluta ikinnguteqarpugut uanga ilaqutattut isigisannik. Taassuma oqaasissaqaraangama tusarnaaqqissaartarpaanga, misigisarpungalu ammaffigisinnaallugu. Isiginnittaasera ajunngikkaangat tulluusimaarutigisarpaanga, kukkugaangamalu pitsaasumik naqqittarpaanga.” – Yolanda.

 Siunnersuut: Inuusut­toqatitit – im­maqa ilit­tul­li misigis­sutsik­kut al­lan­ngorar­ner­nik aq­qusaagaqar­tut – kisiisa oqaloqatigisar­nagit angajoq­qaan­nik inersimasumil­luun­niit tatigisan­nik oqaloqateqar­tarit.

 Allattuisarit. Biibilimi al­laatigineqar­poq Jobi isumatsaq­qangaarluni ima oqar­toq: “Naam­magit­taal­liuutik­ka nununagit aniatis­savak­ka isumatsas­simanin­ni oqalul­lunga.” (Jobi 10:1) Oqaloqateqar­tar­nivit saniatigut misigis­sutsin­nik ‘aniatitsisarsin­naavutit’ taak­kua al­laaserisar­nerisigut.

 “Allattaaveeqqanik nassataqartuaannarpunga. Eqqissiunnaarutigisannik pisoqaraangat allaatigisarpakka. Allanneq iluaallaatigisaqaara.” – Iliana.

 Siunnersuut: Al­lat­taaveqarit misigis­sutsitit aam­ma sooq taama misigiler­nersutit qanorlu taak­ku iliuuseqarfigisin­naanerlugit al­laaserisin­naanias­sagak­kit. Im­mersugas­saq al­laaserisamut matumun­nga atasoq al­laaserin­nin­nis­samut iluaqutigisin­naavat.

 Qinusarit. Biibilimi ima al­las­simavoq: “Naner­tuutigisat Naalak­kamut tun­niuguk, taava isumagiumaar­paatit.” – Tus­siaat 55:23.

 “Annikillioraangama Jehovamut qinusaqattaartarpunga. Uummammiunnik aniatitsivigereeraangakku tamatigut iluaallattarpunga.” – Jasmine.

 Siunnersuut: Qamuuna eq­qis­sisiman­ngik­kaluarlutit inuunin­ni qujamasuutigisin­naasatit pingasut eq­qarsaatigik­kit. Jehovamut qinugaangavit taas­sumun­nga ikioq­quin­nar­nak pil­luaq­qus­sutisiarisimasatit pil­lugit qutsavigisaruk.