“GUUTI anersaajuvoq” inuit isimin­nik takusin­naan­ngisaat. (Johan­nesi 4:24) Biibilimili al­las­simavoq inuit ilaasa Guuti takusin­naasimagaal­lusooq. (Hebræerit 11:27) Qanoq? ‘Guuti takus­saan­ngitsoq’ takuneqarsin­naava? — Kolos­semiut 1:15.

Inuk inun­nguuseralugu tap­piitsuusoq as­sersuutigeriar­tigu. Tap­piitsuugami imaap­pa avatangiisiminiit­tunik paasin­nis­sin­naan­ngil­luin­nar­toq? Naamik. Tap­piitsup avatangiisigisani susoqar­neralu as­sigiin­ngitsutigut paasis­sutis­sarsif­figisar­pai. Angut tap­piitsoq ima oqarsimavoq: “Isigisin­naas­suseq isiniin­nani isumamiip­poq.”

Taamatul­li isin­nik Guuti takusin­naan­ngik­kaluarlugu ‘uum­mativit isaanik’ takusin­naavat. (Efesosimiut 1:18) Pingasutigut taamaaliorsin­naaneq sam­meriar­tigu.

Tap­piitsoq tutsarin­nerulersar­poq malus­sarin­nerulersarlunilu, taamaan­ninilu takusin­naan­ngisaminik paasis­sutis­sarsis­sutigisar­pai. Taamatul­li malugis­sutitit atorlugit silarsuup avatangiisigisavit misis­sor­neratigut Guuti takus­saan­ngitsoq pil­lugu paasisaqarsin­naavutit. “Takus­saan­ngitsuunerami, it­tuin­nar­tumik pis­saanera Guutius­susialu, silarsuup pin­ngor­titaaneraniil­li takus­saagaluar­put suliaasigul­lu ilisimaneqarlutik.” — Romamiut 1:20.

Nunarsuaq eq­qarsaatigeriaruk. Uagutsin­nut pin­ngor­titaavoq torral­lataq inuunermik nuan­naarutigin­nis­sin­naaq­qul­luta. Anorsaan­nguaq malugigaangatsigu, seqinermi kis­sas­simaaraangat­ta, paar­naq is­seqarluar­toq us­seraangatsigu tim­mis­sal­lu qitivit­tut tusaagaangatsigit iluarusungaar­tar­pugut. Tunis­sutit taak­ku Pin­ngor­titsisit­ta asan­nit­tumik isumas­suineranut tuk­kor­tuuneranul­lu ersiutaap­put, ilaa?

Avataarsuani takusin­naasan­nit Guuti pil­lugu sumik paasisaqarsin­naavit? Ilaatigut Guuti pis­saaneqangaar­toq. Ilisimatus­sutsik­kut paasisat nutaat tun­ngavigalugit oqar­toqarsimavoq avataarsuup isorar­tusiar­tor­nera suk­katsikiar­tuin­nar­toq! Ul­loris­sanik qimerluuileruit im­minut ima aperigit: Nukik avataarsuup isorar­tusiar­tor­neranut tamatumalu suk­katsikiar­tuin­nar­neranut pis­sutaasoq sumin­ngaan­neer­pa? Biibilimit paasitin­neqar­pugut Pin­ngor­titsisup ‘nakuus­susia pis­saas­susialu angeqisut’. (Esaja 40:26) Guutip pin­ngor­titarsuanit erser­poq taan­na tas­saasoq ‘Ajugaqan­ngitsoq — Pis­sarsuaq’. — Jobi 37:23.

Ar­naq isigiarsut­tunik marlun­nik qitor­nalik ima oqar­poq: “Taak­kua ilin­niar­tin­neran­ni oqalun­neq pingaar­ner­paat ilagaat. Isigisatit tusaasatil­lu tamaasa pil­lugit oqalut­tuut­tak­kit nas­suiaasaqat­taar­tuar­nis­sal­lu piareersimaf­figiuk. Il­lit isigisaqar­tip­patil­lusooq.” Taamatul­li ‘kial­luun­niit Guuti takusiman­ngisaan­naraluaraa’ Guutip er­nerata Jiisusip, “Ataatap saavaniit­tup, Guuti uatsin­nut nalujun­naarsip­paa”. (Johan­nesi 1:18) Guutip er­nituaralugulu pin­ngor­titaasa siul­lersaat­tut Jiisusip qilam­miit­tunik isigisaqar­tip­paatigul­lusooq. Guuti takus­saan­ngitsoq pil­lugu paasis­sutis­siil­luar­ner­paasin­naavoq.

Jiisusip, Ataataminik ukior­par­pas­suar­ni najor­teqarsimasup, taan­na pil­lugu oqaaserisimasaasa ilaat malugik­kit:

• Guuti qasusuil­luni sulivoq. ‘Ataataga suliuar­poq.’ — Johan­nesi 5:17.

•  Guutip pisariaqar­titavut ilisimavai. ‘Ataatas­si pisariaqak­kasi ilisimareer­pai suliluun­niit qin­nuigin­ngik­kis­sin­ni.’ — Mat­thæusi 6:8.

• Guutip isumas­sorluar­paatigut. ‘Ataatas­si qilan­niit­tup seqer­ni ajor­tunut ajun­ngitsunul­lu nueq­qusar­paa sial­lersitsisarlunilu iluar­tunut iluaatsunul­lu.’ — Mat­thæusi 5:45.

• Guutip inut­tut ataasiak­kaatut pingaar­tip­paatigut. “Qupaloraarsuit marluk skil­lingimik akilersil­lugit tunineqar­tan­ngin­ner­pat? Taak­kua ilaat ataaserluun­niit nunamut nak­kar­navian­ngilaq Ataatarsi najor­tiginagu. Ilis­simi nutsasiluun­niit tamarmik kisis­simap­put. Taamaat­tumik erseqinasi, ilis­si qupaloraarsup­pas­suar­nit pingaar­neruvusi.” — Mat­thæusi 10:29-31.

Tap­piitsup alan­ngoq tarrajut­tutut seqinermit qin­ngorfigineqan­ngitsutut maluginagu nil­ler­nerusutut seqinermit kis­satsin­neqarsiman­ngitsutut malugis­savaa. Soorlu tap­piitsup alan­ngoq seqer­nul­lu qaamar­na takusin­naan­ngik­kai, taamatul­li uagut ikior­neqan­ngik­kut­ta Jehova paasisin­naan­ngilar­put. Taamaat­tumik Jehova pis­susiminik kinaas­sutsiminil­lu ersersitsil­luin­nar­tumik aal­lar­titsivoq.

Aal­lar­titaq taan­na tas­saavoq Jiisusi. (Filip­pimiut 2:7) Jiisusip Ataatani pil­lugu oqalut­tuul­lutalu qanoq it­tuuneranik ersersitsivigaatigut. Jiisusip ajoqersugaa Filipi ima piumasaqar­poq: “Naalagaq, Ataataq uatsin­nut takutiguk.” Jiisusip ima akivaa: “Uan­nik takun­nit­tup Ataataq takuaa.” (Johan­nesi 14:8, 9) Jiisusip iliuusiinit Ataataq pil­lugu sunik ‘takusaqar­pit’?

Jiisusi asan­nit­tuul­lunilu maniguut­tuul­lunilu ilak­kuminar­tuuvoq. (Mat­thæusi 11:28-30) Inutsialaagami inun­nit or­niginar­tin­neqar­poq. Inuit al­lat an­niaataat aam­ma nam­mineq an­niaatigisar­pai nuan­naaraangatalu nuan­naaqatigisarlugit. (Lukasi 10:17, 21; Johan­nesi 11:32-35) Jiisusi pil­lugu Biibilimi oqalut­tuat atuar­til­lugit tusar­naar­til­lugil­luun­niit malugis­sutitit atuk­kit takorloorlugulu nam­mineq najuul­lutit. Jiisusip inun­nik pin­nit­tar­nera eq­qarsaatigeq­qis­saar­taruk­ku Guutip kinaas­susia nuan­ningaar­toq paasil­luar­nerus­savat taas­sumun­ngalu kajungilerlutit.

Tap­piitsup silarsuarmik paasin­nit­taasia pil­lugu atuak­kior­toq ima al­lap­poq: “An­nikitsuk­kuutaanik as­sigiin­ngitsut aq­qutigalugit (at­tor­tin­nermigut, naam­masaminit, tusaasaminit il.il.) paasis­sutis­sarsisar­poq, paasisanilu tamak­ku tamaasa arlaatigut katiter­tar­pai.” Taamatul­li Guutip pin­ngor­titarsua qimerloor­til­lugu, Jiisusip Ataatani pil­lugu oqaasii atuar­til­lugit taas­sumalu Guutip qanoq it­tuuneranik ersersitsineranik misis­suitil­lutit Jehovap kinaas­susia nuan­ningaar­toq ilin­nut erseq­qin­nerulis­saaq.

Jobip itsaq inuusup taman­na misigaa. ‘Oqaluuserisarsimagaluar­pai paasin­ngisani.’ (Jobi 42:3) Guutil­li pin­ngor­titai tupin­nangaar­tut eq­qarsaatigeq­qis­saareerlugit Jehovamut ima oqar­poq: “Sior­natigut al­lat pil­lutit oqaaserisaat tusal­latsiaan­narsimavak­ka, maan­nali nam­mineq isin­nik takuak­kit.” — Jobi 42:5.

Aam­ma il­lit taman­na misigisin­naavat. Jehova “ujaruk­ku naniumaar­pat”. (1 Nalunaarsuutit 28:9) Guutimik takus­saan­ngitsumik ujaasinin­ni Jehovap Nalunaajaasuisa ikiorusup­paatsit.