قۇداي پاتشالىعى دەگەن نە؟
كيەلى كىتاپتىڭ جاۋابى
قۇداي پاتشالىعى — ەحوبا قۇداي ورناتقان شىنايى ۇكىمەت. «قۇداي پاتشالىعى» كيەلى كىتاپتا «كوك پاتشالىعى» دەپ تە اتالادى، ويتكەنى كوكتەن بيلىك ەتەدى (مارقا 1:14، 15؛ ماتاي 4:17). قۇدايدىڭ ۇكىمەتى كوپ جاعىنان ادامي ۇكىمەتتەرگە ۇقسايدى، ٴبىراق ولاردىڭ قاي-قايسىسىنان دا اسىپ تۇسەدى.
بيلەۋشىلەرى. قۇداي وسى پاتشالىقتىڭ پاتشاسى ەتىپ يسا ٴماسىحتى تاعايىنداعان، ٵرى وعان ادامداردىڭ بيلەۋشىلەرىنىڭ ەشبىرىندە بولماعان بيلىكتى بەرگەن (ماتاي 28:18). يسا بۇل بيلىكتى تەك جاقسىلىققا قولدانادى، سەبەبى ول جەر بەتىندە بولعان كەزىندە سەنىمدى دە جاناشىر باسشى بولاتىنىن دالەلدەگەن (ماتاي 4:23؛ مارقا 1:40، 41؛ 6:31—34؛ لۇقا 7:11—17). قۇداي تاعالانىڭ نۇسقاۋىمەن ول وزىمەن بىرگە كوكتەن «جەر بەتىنە بيلىك جۇرگىزسىن» دەپ ٵرتۇرلى حالىقتان ادامداردى تاڭداعان (ايان 5:9، 10).
بيلىك ەتۋ مەرزىمى. كەلەتىن دە كەتەتىن ادامي ۇكىمەتتەردەن وزگەشەلىگى — قۇداي پاتشالىعى «ەشقاشان جويىلمايدى» (دانيال 2:44).
ازاماتتارى. جاراتقان يەنىڭ زاڭ-تالاپتارىن ورىندايتىن ٵربىر ادام، شىققان تەگىنە يا تۋىلعان جەرىنە قاراماي، قۇداي ۇكىمەتىنىڭ ازاماتى بولا الادى (ەلشىلەردىڭ ىستەرى 10:34، 35).
زاڭدارى. قۇداي پاتشالىعىنىڭ زاڭدارى (نە وسيەتتەرى) دۇرىس ەمەس ٴجۇرىس-تۇرىسقا تيىم سالىپ قانا قويماي، ٶز ازاماتتارىنىڭ مورالدىق قۇندىلىقتارىن جوعارىلاتادى. مىسالى، كيەلى كىتاپتا بىلاي جازىلعان: «ەحوبا قۇدايىڭدى بار جۇرەگىڭمەن، بۇكىل جان-تانىڭمەن، بارلىق اقىل-ويىڭمەن ٴسۇي!» ٴبىرىنشى ٵرى ەڭ باستى زاڭ — وسى. ەكىنشىسى دە سوعان ۇقسايدى: «وزگە ادامدى ٶزىڭدى سۇيگەندەي ٴسۇي» (ماتاي 22:37—39). قۇدايعا جانە ادامدارعا دەگەن سۇيىسپەنشىلىك پاتشالىقتىڭ ازاماتتارىن وزگەلەردىڭ مۇددەسىن ويلاۋعا تالپىندىرادى.
ٴبىلىم بەرۋ جۇيەسى. قۇداي پاتشالىعى ٶز ازاماتتارىنا جوعارى نورمالار ورناتىپ قانا قويماستان، سولارعا ساي ٶمىر ٴسۇرۋدى دە ۇيرەتەدى (يشايا 48:17، 18).
ماقساتى. قۇداي پاتشالىعىنىڭ بيلەۋشىلەرى ٶز ازاماتتارىنىڭ ەسەبىنەن بايىپ الۋدى كوزدەمەيدى. بۇل ۇكىمەت قۇدايدىڭ قالاۋىن جۇزەگە اسىرادى. سونىڭ ىشىندە قۇدايدى جاقسى كورەتىندەر جەر بەتىندەگى جۇماقتا ماڭگى ٶمىر سۇرەدى دەگەن ۋادەسى دە بار (يشايا 35:1، 5، 6؛ ماتاي 6:10؛ ايان 21:1—4).
قىزىقتى بولار مالىمەتتەر
ESSENTIAL BIBLE TEACHINGS
قۇداي پاتشالىعى دەگەن نە؟
يسا پايعامبار جەردە بولعاندا، باسقا تاقىرىپتارعا قاراعاندا قۇداي پاتشالىعى جايلى وتە كوپ ٴتالىم بەرگەن.
كۇزەت مۇناراسى
قۇداي پاتشالىعىنىڭ پاتشاسى كىم؟
كيەلى كىتاپتىڭ بىرنەشە جازۋشىسى قۇداي پاتشالىعىنىڭ بيلەۋشىسىن انىقتاۋعا كومەكتەسەتىن سيپاتتامالار جازعان. ادامزات تاريحىن الىپ قاراساق، سول سيپاتتامالارعا ساي كەلەتىن تەك ٴبىر عانا تۇلعا بار.
كيەلى كىتاپ. سۇراقتار مەن جاۋاپتار
قۇداي پاتشالىعى قانداي يگىلىك اكەلەدى؟
جەر بەتىنە قۇدايدىڭ ۇكىمەتى بيلىك ەتكەندە، ٶمىر قانداي بولاتىنى جايلى ٴبىلىڭىز.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.