مارقا 6:1—56
6 يسا سول جەردەن شىعىپ، وسكەن جەرىنە كەلدى+. شاكىرتتەرى وعان ەرىپ ٴجۇردى.
2 دەمالىس كۇنى ول ٴماجىلىسحاناعا كەلىپ، ٴتالىم بەرە باستادى. تىڭداپ وتىرعانداردىڭ كوبىسى تاڭدانىپ، بىلاي دەستى: «ول مۇنىڭ ٴبارىن قايدان بىلەدى+؟ وعان بىتكەن بۇل نە قىلعان دانالىق؟ قالايشا مۇنداي قۇدىرەتتى ىستەردى جاساي الادى+؟
3 ول اعاش ۇستاسى ەمەس پە+؟ ٴماريامنىڭ ۇلى+ جانە جاقىپ+، ٴجۇسىپ، ياھۋدا مەن شيموننىڭ اعاسى+ ەمەس پە؟ قارىنداستارى دا ارامىزدا تۇرادى عوي؟!» وسىلايشا وعان سەنگىسى كەلمەدى.
4 يسا ولارعا: «پايعامباردى وزگە جەردە قادىرلەسە دە، ٶز ەل-جۇرتى، تۋعان-تۋىستارى مەن ٷي ٸشى قادىرلەمەس»،— دەدى+.
5 ٴسۇيتىپ، بىرنەشە ناۋقاسقا عانا قولىن قويىپ ساۋىقتىرعاننان باسقا ەشقانداي قۇدىرەتتى ىستەر جاسامادى.
6 يسا ولاردىڭ سەنىمدەرىنىڭ جوقتىعىنا تاڭعالدى. بۇدان كەيىن سول ايماقتاعى اۋىلداردى ارالاپ، ٴتالىم بەردى+.
7 يسا 12 ەلشىسىن شاقىرىپ الدى دا، ولاردى ەكى-ەكىدەن جىبەرۋدى باستادى+، سونداي-اق ولارعا جىنداردى قۋىپ شىعاراتىن بيلىك بەردى+.
8 ول جولعا تاياقتان باسقا ەشتەڭە — نان دا، تاماق سالاتىن دوربا دا، اقشا* دا+،
9 قوسىمشا كيىم* دە — الماۋدى بۇيىردى، ٴبىراق ساندالدارىنىڭ باۋىن بايلاپ الۋدى تاپسىردى.
10 سوسىن بىلاي دەدى: «بارعان جەرلەرىڭدە قاي ۇيگە تۇسسەڭدەر، قايتا جولعا شىققانشا، سوندا قالىڭدار+.
11 ەگەر قايسىبىر جەردە سەندەردى قابىلداماسا نە تىڭداماسا، سول جەردەن شىعاردا ولارعا كۋالىك بولۋ ٷشىن اياقتارىڭداعى شاڭدى قاعىپ تاستاڭدار*+».
12 سونىمەن، ەلشىلەر جولعا شىعىپ، جۇرت كۇنالارىنا وكىنسىن+ دەپ ۋاعىز ايتتى،
13 كوپتەگەن جىنداردى قۋىپ شىعاردى+، كوپ ناۋقاسقا ماي جاقتى جانە ولاردى ايىقتىردى.
14 يسانىڭ ەسىمى ەل اراسىندا كەڭ تاراعاندىقتان، ول تۋرالى يرود* پاتشا دا ەستىدى. كەيبىرەۋلەر: «شومىلدىرۋ ٴراسىمىن جاساۋشى جاقيا قايتا ٴتىرىلىپتى. يسانىڭ قۇدىرەتتى ىستەر جاساپ جۇرگەنى دە سودان»،— دەستى+.
15 ال وزگە بىرەۋلەر: «بۇل — ٸلياس»،— دەسە، تاعى باسقالار: «ول دا ەجەلدەگى پايعامبارلار سياقتى پايعامبار»،— دەپ جاتتى+.
16 يرود مۇنى ەستىگەندە: «ٶزىم باسىن الدىرعان جاقيا قايتا ٴتىرىلىپتى»،— دەدى.
17 ويتكەنى ول ٶز باۋىرى ٴفىلىپتىڭ ايەلى يرودياعا ۇيلەنىپ، وعان جاعىنۋ ٷشىن جاقيانى بايلاتىپ، تۇرمەگە جاپتىرعان ەدى+.
18 سەبەبى جاقيا وعان: «تۋعان باۋىرىڭىزدىڭ ايەلىن العانىڭىز زاڭعا قايشى»+،— دەپ تالاي رەت ايتقان بولاتىن.
19 سودان يروديا جاقياعا كەك ساقتاپ، ونى ولتىرگىسى كەلىپ ٴجۇردى، ٴبىراق ويىن جۇزەگە اسىرا المادى.
20 سەبەبى يرود ونىڭ ٵدىل* ٵرى قاسيەتتى ادام ەكەنىن بىلگەندىكتەن ودان قورقىپ+، قورعاپ جۇرەتىن. ول جاقيانى تىڭداعان سايىن، وعان نە ىستەرىن بىلمەي ابىرجىسا دا، ٴسوزىن تىڭداعاندى جاقسى كورەتىن.
21 بىردە يرود لاۋازىمدى كىسىلەرىن، مىڭباسىلار مەن عاليلەيانىڭ بەدەلدى ادامدارىن جيىپ، تۋىلعان كۇنىن تويلاعاندا+، يرودياعا ويىن جۇزەگە اسىرۋدىڭ ورايى ٴتۇستى+.
22 يروديانىڭ قىزى كەلىپ، بي بيلەپ، يرودتىڭ جانە ونىمەن بىرگە داستارقان باسىنا جانتايعانداردىڭ كوڭىلىنەن شىقتى. سوندا پاتشا بويجەتكەنگە: «مەنەن قالاعانىڭدى سۇرا، بەرەمىن»،— دەدى.
23 سونداي-اق: «سۇراعانىڭنىڭ ٴبارىن، ٴتىپتى پاتشالىعىمنىڭ جارتىسىن سۇراساڭ دا، بەرەمىن»،— دەپ انت ەتتى.
24 قىز شىعىپ، شەشەسىنە: «نە سۇراسام بولادى؟»— دەدى. ول: «شومىلدىرۋ ٴراسىمىن جاساۋشى جاقيانىڭ باسىن سۇرا»،— دەپ جاۋاپ بەردى.
25 قىز تەزدەتىپ پاتشاعا بارىپ: «ٴدال قازىر ماعان شومىلدىرۋ ٴراسىمىن جاساۋشى جاقيانىڭ باسى تاباققا سالىنىپ اكەلىنگەنىن قالايمىن»،— دەدى+.
26 پاتشانىڭ قاتتى ەڭسەسى ٴتۇسىپ كەتتى، ٴبىراق بەرگەن انتىنا جانە داستارقان باسىنا جانتايعاندارعا بولا، قىزدىڭ ٶتىنىشىن ەلەۋسىز قالدىرعىسى كەلمەدى.
27 سودان دەرەۋ وققاعارىن جىبەرىپ، جاقيانىڭ باسىن الىپ كەلۋدى بۇيىردى. ول تۇرمەگە بارىپ، جاقيانىڭ باسىن شاۋىپ الدى دا،
28 تاباققا سالىپ، قىزعا ۇسىندى، ال قىز شەشەسىنە بەردى.
29 مۇنى ەستىگەندە، جاقيانىڭ شاكىرتتەرى كەلىپ، ونىڭ سۇيەگىن الىپ كەتىپ، قابىرگە قويدى.
30 ەلشىلەر قايتادان يسانىڭ قاسىنا جينالىپ، وزدەرىنىڭ جاساعان ىستەرى مەن بەرگەن تالىمدەرى تۋرالى تۇگەل ايتىپ بەردى+.
31 سوندا ول: «جۇرىڭدەر، مەنىمەن بىرگە وڭاشا جەرگە بارىپ، ازداپ تىنىعىپ الىڭدار»+،— دەدى. ويتكەنى كەلىپ-كەتىپ جاتقان جۇرتتىڭ كوپتىگىنەن ولاردىڭ ٴتىپتى تاماقتانۋعا ۋاقىتى بولماعان ەدى.
32 سودان وزدەرى عانا قايىقپەن وڭاشا ٴبىر جەرگە كەتتى+.
33 ٴبىراق ولاردىڭ قايدا كەتىپ بارا جاتقانىن كورگەن جانە بۇل تۋرالى ەستىپ بىلگەن جۇرت بارلىق قالالاردان شىعىپ، جۇگىرە وتىرىپ، سول جەرگە ولاردان بۇرىن جەتتى.
34 يسا قايىقتان تۇسكەندە، قالىڭ جۇرتتى كورىپ، ولاردى اياپ كەتتى+. سەبەبى ولار باعۋشىسى جوق قويلارداي ەدى+. ٴسۇيتىپ، ولاردى كوپ نارسەگە ۇيرەتە باستادى+.
35 ٴتۇس قايتا وعان شاكىرتتەرى كەلىپ: «بۇل — ەلسىز جەر، ٵرى كەش ٴتۇسىپ كەلەدى+.
36 جۇرتتى تاراتىپ جىبەرىڭىز. جاقىن ماڭداعى اۋىلدار مەن ەلدى مەكەندەرگە بارىپ، وزدەرىنە تاماق ساتىپ السىن»،— دەدى+.
37 ٴبىراق يسا: «ولارعا تاماقتى سەندەر بەرىڭدەر»،— دەپ جاۋاپ قاتتى. شاكىرتتەرى بولسا: «الدە بارىپ، 200 دينارعا* نان ساتىپ الىپ، جۇرتتى تاماقتاندىرايىق پا؟»— دەدى+.
38 ول: «قانشا ناندارىڭ بار؟ بارىپ، كورىپ كەلىڭدەر»،— دەپ تاپسىردى. ولار كورىپ كەلىپ: «بەس نان، ەكى بالىق بار ەكەن»،— دەدى+.
39 سوندا ول حالىققا توپ-توپقا ٴبولىنىپ، كوگالعا جايعاسۋدى بۇيىردى+.
40 ولار جۇزدەن، ەلۋدەن توپتاسىپ جايعاستى.
41 يسا بەس نان مەن ەكى بالىقتى الىپ، كوككە قاراپ دۇعا ەتتى دە+، حالىققا ۇلەستىرۋ ٷشىن ناندى سىندىرىپ، شاكىرتتەرىنە بەرە باستادى، ەكى بالىقتى دا بارلىعىنا ٴبولىپ بەردى.
42 سودان ٴبارى تاماقتانىپ تويىپ الدى.
43 سوڭىنان ولار ارتىلعان بالىقتى ەسەپتەمەگەندە، 12 سەبەتتى تولتىرا نان ۇزىمدەرىن جيناپ الدى+.
44 ال نان جەگەن ەر كىسىلەردىڭ سانى 5000 ەدى.
45 سوسىن يسا دەرەۋ شاكىرتتەرىنە قايىقپەن ارعى جاعاداعى بەتسايدا جاققا بارا بەرۋدى تاپسىرىپ، ٶزى جۇرتتى تاراتۋ ٷشىن سوندا قالدى+.
46 ولارمەن قوشتاسقان سوڭ، دۇعا ەتۋ ٷشىن تاۋعا كوتەرىلدى+.
47 ىمىرت تۇسكەندە قايىق تەڭىز ورتاسىنا جەتتى، ال يسا تاۋدا جالعىز قالا بەردى+.
48 ٴبىر كەزدە ول شاكىرتتەرىنىڭ ەسكەكپەن ارپالىسىپ جاتقانىن كوردى، سەبەبى جەل قارسى سوعىپ تۇرعان ەدى. يسا ٴتورتىنشى كۇزەت* شاماسىندا سۋ بەتىمەن ولارعا قاراي ٴجۇرىپ، جاندارىنان ٶتىپ كەتپەك سىڭاي تانىتتى.
49 شاكىرتتەرى بىرەۋدىڭ تەڭىز بەتىمەن ٴجۇرىپ كەلە جاتقانىن كورگەندە، ەلەس ەكەن دەپ ويلاپ، بار داۋىستارىمەن ايقايلاپ جىبەردى.
50 ويتكەنى ٴبارى ونى كورىپ، قورقىپ كەتكەن ەدى. ٴبىراق يسا دەرەۋ ٴتىل قاتىپ: «باتىل بولىڭدار، بۇل — مەنمىن! قورىقپاڭدار!»— دەدى+.
51 ٴسۇيتىپ، قايىققا ٴمىندى، سول كەزدە جەل باسىلدى. بۇعان شاكىرتتەرى قاتتى قايران قالدى.
52 ويتكەنى ولار نانمەن بولعان كەرەمەتتىڭ ٴمانىن ۇقپاعان ەدى، ٵرى جۇرەكتەرى تۇسىنۋگە ٵلى دە جابىق بولاتىن.
53 سونىمەن، ولار تەڭىزدەن ٶتىپ، گەنەسارەتكە كەلىپ، جاعالاۋعا جاقىن جەرگە توقتادى*+.
54 ولاردىڭ قايىقتان تۇسكەنى سول-اق ەكەن، حالىق يسانى تانىپ قويىپ،
55 بۇكىل توڭىرەكتى جۇگىرە ارالاپ، اۋرۋ-سىرقاۋلاردى توسەنىشتەرىمەن كوتەرىپ، وعان اكەلە باستادى.
56 ول قاي اۋىلعا، قالاعا نە ەلدى مەكەنگە بارماسىن، جۇرت ناۋقاستارىن بازار الاڭدارىنا اكەلىپ، ودان، ەڭ بولماعاندا، جامىلعىسىنىڭ شاشاعىنا قول تيگىزۋگە رۇقسات ەتۋىن ٶتىندى+. قول تيگىزگەندەردىڭ ٴبارى ساۋىعىپ كەتىپ جاتتى.
سىلتەمەلەر
^ سوزبە-ٴسوز «بەل قالتاعا سالىنعان مىس».
^ سوزبە-ٴسوز «ەكى كيىم كيمەۋدى».
^ اياقتىڭ شاڭىن قاعۋ ادامنىڭ ٶز موينىنان جاۋاپكەرشىلىكتى الىپ تاستاۋىن بىلدىرەدى.
^ ياعني يرود انتيپاس. تۇسىندىرمەنى قاراڭىز.
^ ياعني قۇدايدىڭ تالاپتارىنا ساي ٶمىر سۇرەتىن.
^ B14 قوسىمشاسىن قاراڭىز.
^ شامامەن تۇنگى 00:3 مەن تاڭعى 00:6 ارالىعى. تۇسىندىرمەنى قاراڭىز.
^ نەمەسە «زاكىر تاستادى».