ماتاي 22:1—46
22 يسا ولارعا مىسالدار كەلتىرىپ، تاعى بىلاي دەدى:
2 «كوك پاتشالىعى ۇلىنا ۇيلەنۋ تويىن+ جاساماق بولعان پاتشاعا ۇقسايدى.
3 ول قوناقتاردى شاقىرۋعا قۇلدارىن جىبەرەدى، ٴبىراق تويعا شاقىرىلعاندار كەلگىلەرى كەلمەيدى+.
4 پاتشا تاعى باسقا قۇلدارىن جىبەرىپ، شاقىرىلعاندارعا: —مىنە، قوناقاسىن ازىرلەپ قويدىم. بۇقالار مەن بورداقىلانعان مال سويىلىپ، ٴبارى دايىن تۇر. تويعا كەلە بەرىڭدەر،— دەۋدى تاپسىرادى.
5 ٴبىراق ولار شاقىرۋدى ەلەمەي، ٴبىرى ەگىندىگىنە، ەكىنشىسى ساۋداسىنا كەتىپ قالادى+.
6 ال قالعاندارى قۇلداردى ۇستاپ الىپ، قورلاپ، ٶلتىرىپ تاستايدى.
7 سوندا پاتشا قاھارلانىپ، اسكەرىن جىبەرەدى دە، كىسى ولتىرۋشىلەردىڭ كوزىن قۇرتادى، قالالارىن بولسا ورتەپ جىبەرەدى+.
8 سوسىن قۇلدارىنا: —ۇيلەنۋ تويى دايىن، ٴبىراق شاقىرىلعاندار لايىقسىز بولىپ شىقتى+.
9 سوندىقتان قالادان شىعاتىن جولدارعا بارىپ، كەزدەسكەندەردىڭ ٴبارىن تويعا شاقىرىڭدار+،— دەيدى.
10 قۇلدارى كوشەلەرگە شىعىپ، جاقسىلى-جاماندى كىسىلەردىڭ ٴبارىن جيناپ اكەلەدى. توي وتەتىن جەر داستارقان باسىنا جانتايعان ادامدارعا تولادى.
11 پاتشا قوناقتاردى كورۋگە كەلگەندە، توي كيىمىن كيمەگەن ٴبىر كىسىنى بايقاپ،
12 وعان: —دوستىم، توي كيىمىنسىز مۇندا قالاي كىردىڭ؟— دەيدى. ول ۇندەمەيدى.
13 سوندا پاتشا قىزمەتشىلەرىنە: —ونىڭ قول-اياعىن بايلاپ، سىرتتاعى قارا تۇنەككە تاستاڭدار. سول جەردە ول زار ەڭىرەپ، قينالا تىستەنەتىن بولادى،— دەيدى.
14 سونىمەن، شاقىرىلعاندار كوپ، ال تاڭداپ الىنعاندار از».
15 سول كەزدە پارىزشىلدار ول جەردەن كەتىپ، يسانى سوزدەن ۇستاۋدىڭ جولىن ويلاستىردى+.
16 ٴسۇيتىپ، وعان وزدەرىنىڭ شاكىرتتەرى مەن يرودتىڭ جاقتاستارىن*+ جىبەرىپ، مىنانى سۇراتتى: «ۇستاز، ٴبىز ٴسىزدىڭ شىنشىل ەكەنىڭىزدى ٵرى شىنىمەن قۇداي جولىنا ۇيرەتەتىنىڭىزدى، سونداي-اق وزگەگە جاعىنۋدان اۋلاق ەكەنىڭىزدى بىلەمىز، ويتكەنى ٴسىز ەشكىمنىڭ بەت-جۇزىنە قارامايسىز.
17 بىزگە ويىڭىزدى ايتىڭىزشى، پاتشاعا* الىم-سالىق تولەۋ زاڭدى ما، جوق پا؟»
18 ٴبىراق يسا ولاردىڭ ارام ويلارىن ٴبىلىپ: «مەنى نەگە سىنايسىڭدار، ەكىجۇزدىلەر؟
19 ماعان سالىققا تولەيتىن تيىندى كورسەتىڭدەرشى»،— دەدى. ولار دينار* اكەلىپ بەرگەندە،
20 ول: «مىنا سۋرەت پەن جازۋ كىمدىكى؟»— دەپ سۇرادى.
21 ولار: «پاتشانىكى»،— دەپ جاۋاپ بەردى. سوندا يسا: «ەندەشە، پاتشانىكىن پاتشاعا، ال قۇدايدىكىن قۇدايعا بەرىڭدەر!»+— دەدى.
22 مۇنى ەستىگەندە ولار قايران قالىپ، ونى تاستاپ، جوندەرىنە كەتتى.
23 سول كۇنى وعان قايتا تىرىلۋگە سەنبەيتىن ساددۋكەيلەر+ كەلىپ، مىناداي سۇراق قويدى+:
24 «ۇستاز، مۇسا پايعامبار «ەگەر بىرەۋ بالا كورمەي ٶلىپ كەتسە، باۋىرى ونىڭ جەسىرىنە ۇيلەنىپ، مارقۇمنىڭ ۇرپاعىن جالعاستىرۋ كەرەك»+ دەگەن عوي.
25 ارامىزدا جەتى اعايىندى بار ەدى. سولاردىڭ ۇلكەنى ۇيلەنىپ، ارتىندا ۇرپاق قالدىرماي كوز جۇمدى. ال ونىڭ ايەلىنە باۋىرى ۇيلەندى.
26 ٴبىراق بۇنىسىمەن دە، ۇشىنشىسىمەن دە، ٴتىپتى جەتەۋىنىڭ بارىمەن دە ٴدال وسىلاي بولدى.
27 سوڭىندا ايەل دە دۇنيە سالدى.
28 ولاي بولسا، ولگەندەر قايتا تىرىلگەندە، ول قايسىسىنىڭ ايەلى بولادى؟ جەتەۋى دە وعان ۇيلەنگەن ەدى عوي».
29 يسانىڭ جاۋابى مىناۋ بولدى: «سەندەر جازبالاردى دا، قۇدايدىڭ قۇدىرەتىن دە بىلمەگەندىكتەن قاتەلەسىپ تۇرسىڭدار+.
30 ويتكەنى قايتا تىرىلگەندە، ادامدار ۇيلەنبەيدى دە، كۇيەۋگە دە شىقپايدى. ولار كوكتەگى پەرىشتەلەر ىسپەتتى بولادى+.
31 ولگەندەردىڭ قايتا ٴتىرىلۋى جونىندە قۇدايدىڭ سەندەرگە
32 «مەن ىبىرايىمنىڭ، ىسقاقتىڭ جانە جاقىپتىڭ قۇدايىمىن+» دەگەنىن وقىماپ پا ەدىڭدەر؟ ول — ولگەندەردىڭ ەمەس، تىرىلەردىڭ قۇدايى+».
33 مۇنى ەستىگەن حالىق ونىڭ تالىمىنە قايران قالدى+.
34 يسانىڭ ساددۋكەيلەردى جىم قىلعانىن ەستىگەن پارىزشىلدار جينالىپ، ونىڭ قاسىنا كەلدى.
35 ارالارىنداعى مۇسا زاڭىن جەتىك بىلەتىن بىرەۋى ونى سىناماق بولىپ:
36 «ۇستاز، مۇسا زاڭىنداعى ەڭ باستى زاڭ قايسىسى؟»— دەپ سۇرادى+.
37 ول بىلاي دەدى: «ەحوبا قۇدايىڭدى بار جۇرەگىڭمەن، بۇكىل جان-تانىڭمەن، بارلىق اقىل-ويىڭمەن ٴسۇي!»+
38 ٴبىرىنشى ٵرى ەڭ باستى زاڭ — وسى.
39 ەكىنشىسى دە سوعان ۇقسايدى: «وزگە ادامدى ٶزىڭدى سۇيگەندەي ٴسۇي»+.
40 بۇكىل مۇسا زاڭى مەن پايعامبارلار جازبالارى وسى ەكى زاڭعا نەگىزدەلگەن+».
41 يسا قاسىندا جينالىپ تۇرعان پارىزشىلداردان+:
42 «ٴماسىح تۋرالى نە ويلايسىڭدار، ول كىمنىڭ ۇلى؟»— دەپ سۇرادى. ولار: «ٴداۋىتتىڭ»+،— دەپ جاۋاپ بەردى.
43 سوندا ول مىنانى ايتتى: «ەندەشە، نەگە ٴداۋىت كيەلى رۋحتىڭ جەتەلەۋىمەن+ ونى يەم دەپ اتايدى؟ ول:
44 —ەحوبا مەنىڭ يەمە بىلاي دەدى: «جاۋلارىڭدى اياعىڭنىڭ استىنا سالىپ بەرگەنىمشە، وڭ جاعىمدا وتىر+»،— دەگەن عوي.
45 ەگەر ٴداۋىت ونى يەم دەپ اتاسا، قالايشا ول ونىڭ ۇلى بولادى+؟»
46 ەشقايسىسى وعان بىردە-ٴبىر ٴسوز ايتا المادى. سول كۇننەن باستاپ وعان سۇراق قويۋعا ەشكىمنىڭ باتىلى بارمادى.