ەلشىلەردىڭ ىستەرى 10:1—48
-
كورنەلدىڭ العان ايانى (1—8)
-
پەتىردىڭ تازارتىلعان اڭدار تۋرالى العان ايانى (9—16)
-
پەتىردىڭ كورنەلگە كەلۋى (17—33)
-
پەتىردىڭ باسقا ۇلت ادامدارىنا ىزگى حابار جاريالاۋى (34—43)
-
قۇداي ەشكىمدى الالامايدى (34، 35)
-
-
باسقا ۇلت ادامدارىنىڭ كيەلى رۋحقا كەنەلىپ، شومىلدىرۋ راسىمىنەن ٶتۋى (44—48)
10 كەساريادا كورنەل ەسىمدى كىسى تۇراتىن. ول «يتاليالىق جاساق»* دەپ اتالاتىن اسكەري ٴبولىمنىڭ ٴجۇزباسى* ەدى.
2 كورنەل بۇكىل ٷي ىشىمەن قۇدايدان قورقاتىن ٴدىنشىل ادام بولاتىن. ول مۇقتاجدىق كورگەندەرگە كوپ جاقسىلىق جاسايتىن ٵرى قۇدايعا ۇنەمى جالبارىنىپ دۇعا ەتەتىن.
3 كۇندىزگى توعىزىنشى ساعات*+ شاماسىندا ول ايان الىپ، قۇداي پەرىشتەسىنىڭ كەلگەنىن انىق كوردى. ول: «كورنەل!»— دەپ ٴتىل قاتتى.
4 قورقىپ كەتكەن كورنەل ودان كوز الماي قاراپ تۇرىپ: «تىڭداپ تۇرمىن، مىرزام»،— دەدى. سوندا ول: «سەنىڭ دۇعالارىڭ مەن قايىرىمدى ىستەرىڭ كوككە جەتىپ، قۇداي ولاردى ەسكەردى+.
5 سوندىقتان يوپپەگە ادام جىبەرىپ، پەتىر دەپ تە اتالاتىن شيمون ەسىمدى كىسىنى شاقىرت.
6 قازىر ول تەڭىز جاعاسىندا تۇراتىن شيمون اتتى تەرى يلەۋشىنىڭ ۇيىندە قوناقتا»،— دەدى.
7 وسىنى ايتقاننان كەيىن، پەرىشتە كەتىپ قالدى. ال كورنەل ەكى ٷي قىزمەتشىسىن جانە وزىنە قىزمەت ەتىپ جۇرگەن ساربازداردىڭ ىشىنەن قۇدايدى قاستەرلەيتىن بىرەۋىن شاقىرىپ الىپ،
8 ولارعا ٴبارىن ايتىپ بەردى دە، يوپپەگە اتتاندىردى.
9 كەلەسى كۇنى ولار قالاعا جاقىنداپ قالعاندا، التىنشى ساعات* شاماسىندا پەتىر دۇعا ەتۋ ٷشىن ٷيدىڭ توبەسىنە كوتەرىلدى.
10 ٴبىراق ونىڭ قاتتى قارنى اشىپ، تاماق جەگىسى كەلدى. اس دايىندالىپ جاتقاندا، پەتىر ايان الىپ+،
11 كوكتىڭ اشىلعانىن جانە ۇلكەن زىعىر ماتاعا ۇقساس نارسەنىڭ ٴتورت بۇرىشىنان ۇستالعان كۇيى جەرگە تۇسىرىلگەنىن كوردى.
12 وندا جەردەگى الۋان ٴتۇرلى ٴتورت اياقتى جانۋارلار، باۋىرىمەن جورعالاۋشىلار جانە اسپانداعى قۇستار بار ەكەن.
13 سوندا: «پەتىر، ورنىڭنان تۇر دا، سويىپ جە!»— دەگەن داۋىس ەستىلدى.
14 ال پەتىر: «جوق، يەم. ارام، تازا ەمەس نارسەنى+ ەشقاشان جەگەن ەمەسپىن»،— دەدى.
15 سوندا الگى داۋىس ەكىنشى رەت: «قۇداي تازالاعاندى ەندى ارام دەپ ايتپا»،— دەدى.
16 داۋىس ٷشىنشى رەت شىققاننان كەيىن، زىعىر ماتاعا ۇقساس نارسە دەرەۋ كوككە اكەتىلدى.
17 پەتىر بۇل ايان نەنى ٴبىلدىرۋى مۇمكىن دەپ، اڭ-تاڭ بولىپ تۇرعاندا، كورنەل جىبەرگەن كىسىلەر شيموننىڭ ٷيىن سۇراستىرىپ، قاقپا الدىنا كەلدى+.
18 ولار ٷي يەسىن شاقىرىپ الىپ، شيمون پەتىر ەسىمدى كىسىنىڭ بار-جوعىن سۇرادى.
19 پەتىر كورگەن ايانى تۋرالى ٵلى ويلانىپ تۇرعاندا، كيەلى رۋح+ وعان: «مىنە، سەنى ٷش كىسى ىزدەپ كەلدى.
20 ورنىڭنان تۇرىپ، تومەن ٴتۇس تە، ەش كۇماندانباي سول ادامدارعا ەر، ويتكەنى ولاردى مەن جىبەردىم»،— دەدى.
21 پەتىر استىڭعى قاباتقا ٴتۇستى دە: «سىزدەر ىزدەپ جۇرگەن كىسى مەنمىن. مۇندا نە ٷشىن كەلدىڭىزدەر؟»— دەپ سۇرادى.
22 ولار بولسا: «ٴبىزدى كورنەل+ ەسىمدى ٴجۇزباسى جىبەردى. ول — ٵدىل، قۇدايدان قورقاتىن جانە بۇكىل ياھۋدي حالقىنىڭ قۇرمەتىنە بولەنگەن كىسى. قۇداي وعان پەرىشتەسىن جىبەرىپ، ٴسىزدى ۇيىنە شاقىرتۋدى ٵرى ايتار سوزدەرىڭىزدى تىڭداۋدى بۇيىردى»،— دەدى.
23 سوندا پەتىر ولاردى ۇيگە كىرگىزىپ، قوناق قىلدى.
ال كەلەسى كۇنى تۇرىپ، ولارمەن بىرگە جولعا شىقتى. يوپپەدەگى كەيبىر باۋىرلاستار دا بىرگە ٴجۇردى.
24 پەتىر كەسارياعا ەرتەسىنە كەلىپ جەتتى. كورنەل بولسا تۋىستارى مەن جاقىن دوستارىن جيناپ، ونى كۇتىپ وتىر ەكەن.
25 پەتىر كەلگەندە، كورنەل ونىڭ الدىنان شىعىپ، اياعىنا جىعىلدى دا، تاعزىم ەتتى.
26 ٴبىراق پەتىر ونى تۇرعىزىپ: «تۇرىڭىز، مەن دە ٶزىڭىز سياقتى اداممىن عوي»+،— دەدى.
27 سوسىن ەكەۋى اڭگىمەلەسىپ، ىشكە كىردى. پەتىر ۇيدە كوپ ادام جينالىپ وتىرعانىن كورىپ،
28 بىلاي دەدى: «سىزدەر ٴياھۋديدىڭ باسقا ۇلت ادامىنا جاقىنداۋىنا نە ارالاسۋىنا زاڭىمىز تيىم سالاتىنىن+ جاقسى بىلەسىزدەر. الايدا قۇداي ماعان ەشبىر ادامدى ارام نە تازا ەمەس ساناماۋىم كەرەكتىگىن ٴبىلدىردى+.
29 سوندىقتان مەن شاقىرۋدان باس تارتپاي، وسىندا كەلدىم. ال ەندى مەنى نە ٷشىن شاقىردىڭىزدار، سونى ايتساڭىزدار ەكەن».
30 سوندا كورنەل بىلاي دەدى: «ٴتورت كۇن بۇرىن ۇيدە دۇعا ەتىپ وتىرعان ەدىم. ۋاقىت قازىرگىدەي توعىزىنشى ساعات* بولاتىن. كەنەتتەن كيىمى جارقىراعان ٴبىر كىسى الدىما تۇرا قالىپ:
31 —كورنەل، قۇداي سەنىڭ دۇعالارىڭدى ەستىپ، مۇقتاجدارعا جاساعان قايىرىمدى ىستەرىڭدى ەسكەردى.
32 يوپپەگە ادام جىبەرىپ، شيمون پەتىردى شاقىرت. بۇل كىسى قازىر تەڭىز جاعاسىندا تۇراتىن تەرى يلەۋشى شيموننىڭ ۇيىندە+،— دەدى.
33 وسىنى ەستىگەن سوڭ، مەن ٴسىزدى بىردەن شاقىرتتىم. مۇندا كەلگەنىڭىز جاقسى بولدى. بارلىعىمىز ەحوبا سىزگە نەنى ايتۋدى بۇيىرسا، سونىڭ ٴبارىن تىڭداۋعا ونىڭ الدىندا جينالىپ وتىرمىز».
34 سوندا پەتىر بىلاي دەپ ٴسوزىن باستادى: «قۇداي ەشكىمدى الالامايتىنىن+ ەندى شىنىمەن ٴبىلىپ الدىم.
35 ول وزىنەن قورقاتىن جانە ٵدىل ارەكەت ەتەتىن ٵربىر ادامدى، قاي ۇلتتان شىقسا دا، قابىل الادى+.
36 قۇداي يسرايل حالقىنا ٴسوزىن ارناپ، يسا ٴماسىح ارقىلى كەلەتىن بەيبىتشىلىك* جايلى ىزگى حاباردى+، ياكي يسانىڭ كۇللى حالىقتىڭ يەسى+ ەكەنىن، جاريالادى.
37 جاقيا شومىلدىرۋ ٴراسىمى تۋرالى ۋاعىزداعاننان كەيىن، عاليلەيادان+ باستاپ بۇكىل ياھۋدەيادا جۇرتتىڭ نەنى اڭگىمە ەتكەنىن بىلەسىزدەر:
38 قۇداي نازارەتتىك يسانى كيەلى رۋحىمەن+ جانە قۇدىرەتىمەن مايلادى. سودان ول ەل ارالاپ، يگى ىستەر جاسادى جانە ٸبىلىس قيناعان ادامداردىڭ+ بارلىعىن ساۋىقتىردى، ويتكەنى قۇداي وعان جار بولدى+.
39 ٴبىز ونىڭ ياھۋديلەردىڭ جەرىندە جانە يەرۋساليمدە جاساعان بارلىق ىستەرىنە كۋامىز. الايدا ولار يسانى بورەنەگە ٸلىپ ٶلتىردى.
40 ال قۇداي ونى ٷشىنشى كۇنى قايتا ٴتىرىلتىپ+، وزگەلەرگە كورسەتتى.
41 ول بارلىعىنا ەمەس، قۇداي الدىن الا تاعايىنداعان كۋاگەرلەرگە، ياعني قايتا تىرىلگەننەن كەيىن ونىمەن بىرگە ٸشىپ-جەگەن بىزدەرگە عانا، كورىندى+.
42 سونداي-اق قۇداي ونى ولىلەر مەن تىرىلەردى سوتتاۋعا تاعايىنداعانىن+ جۇرتقا ۋاعىزداۋدى جانە وسى جايلى تۇبەگەيلى كۋالىك بەرۋدى بىزگە ٵمىر ەتتى+.
43 پايعامبارلاردىڭ بارلىعى سوعان سەنگەن ٵربىر ادامنىڭ كۇنالارى ونىڭ ەسىمى ارقىلى كەشىرىلەتىنىن+ ايتىپ، كۋالىك ەتكەن+».
44 پەتىر وسىلار جايلى ايتىپ جاتقاندا، بۇل سوزگە قۇلاق سالىپ تۇرعانداردىڭ بارلىعى كيەلى رۋحقا كەنەلدى+.
45 پەتىرمەن بىرگە كەلگەن سۇندەتتەلگەن باۋىرلاستار قۇداي سيى كيەلى رۋحتىڭ باسقا ۇلت ادامدارىنا توگىلگەنىن كورىپ تاڭعالدى.
46 سەبەبى بۇل ادامداردىڭ باسقا تىلدەردە سويلەپ، قۇدايدى ماداقتاعانىن ەستىدى+. سوندا پەتىر:
47 «ٴبىز سياقتى كيەلى رۋحقا كەنەلگەن وسى ادامداردىڭ سۋعا شومىلدىرۋ راسىمىنەن وتۋىنە كىم تيىم سالا الادى+؟»— دەدى دە،
48 ولارعا يسا ٴماسىحتىڭ اتىنان شومىلدىرۋ راسىمىنەن ٶتۋدى بۇيىردى+. سودان ولار پەتىردەن ٴبىراز كۇنگە قالۋىن ٶتىندى.
سىلتەمەلەر
^ نەمەسە «كوگورتا». بۇل — 600 ساربازدان تۇراتىن ريم جاساعى.
^ نەمەسە «سەنتۋريون».
^ شامامەن تۇسكى 00:15. تۇسىندىرمەنى قاراڭىز.
^ شامامەن كۇندىزگى 00:12.
^ شامامەن تۇسكى :00:15. تۇسىندىرمەنى قاراڭىز.
^ نەمەسە «تاتۋلىق».
