ايان 5:1—14
5 سوسىن تاقتا وتىرعاننىڭ+ وڭ قولىنان ەكى جاعىندا دا جازۋى بار، جەتى مورمەن بەكىتىلگەن شيىرشىق كوردىم.
2 مەن ٴبىر قۇدىرەتتى پەرىشتەنى دە كوردىم، ول قاتتى داۋىسپەن: «كىم مورلەردى سىندىرىپ، شيىرشىقتى اشۋعا لايىق؟»— دەپ جار سالدى.
3 ٴبىراق كوكتە دە، جەردە دە، جەر استىندا دا شيىرشىقتى اشىپ، وقيتىن ەشكىم بولمادى.
4 شيىرشىقتى اشىپ، وقۋعا لايىق ەشكىم بولماعاندىقتان، مەن قاتتى جىلادىم.
5 الايدا اقساقالداردىڭ ٴبىرى: «جىلاما، ياھۋدا رۋىنان شىققان ارىستان+، ٴداۋىتتىڭ تامىرى+، جەڭىپ شىقتى+. جەتى ٴموردى بۇزىپ، شيىرشىقتى اشۋعا سول لايىق»،— دەدى.
6 سونان سوڭ مەن تاقتىڭ قاسىندا، ٴتورت تىرشىلىك يەسىنىڭ جانە اقساقالداردىڭ ورتاسىندا تۇرعان+ جەتى ٴمۇيىزى، جەتى كوزى بار توقتىنى+ كوردىم. ول قۇرباندىققا شالىنعانداي ەدى+. ونىڭ كوزدەرى بۇكىل جەر بەتىنە جىبەرىلگەن قۇدايدىڭ جەتى رۋحىن+ بىلدىرەدى.
7 ول بارا سالا، تاقتا وتىرعاننىڭ+ وڭ قولىنان شيىرشىقتى الدى.
8 ول ونى العاندا، ٴتورت تىرشىلىك يەسى مەن 24 اقساقال+ توقتىنىڭ الدىندا تىزە بۇگىپ، تاعزىم ەتتى. ٵر اقساقالدىڭ قولىندا ارفا جانە حوش ٴيىستى زات سالىنعان التىن توستاعان بار ەدى. (حوش ٴيىستى زات قاسيەتتىلەردىڭ دۇعالارىن بىلدىرەدى+.)
9 ولار بىلاي دەپ جاڭا ٵن ايتتى+: «سەن شيىرشىقتى الىپ، مورلەرىن اشۋعا لايىقسىڭ. ويتكەنى سەن قۇرباندىققا شالىندىڭ، وسىلاي ٵربىر رۋدان، تىلدەن، حالىقتان جانە ۇلتتان شىققان ادامداردى ٶز قانىڭمەن ساتىپ الىپ+، قۇدايدىڭ مەنشىگى+
10 جانە قۇدايىمىزعا قىزمەت ەتۋ ٷشىن پاتشا+ ٵرى ٴدىني قىزمەتكەرلەر ەتتىڭ+. ولار جەر بەتىنە بيلىك جۇرگىزەدى+».
11 مەن قارادىم دا، تاقتى، تىرشىلىك يەلەرىن جانە اقساقالداردى قورشاپ تۇرعان كوپ پەرىشتەنىڭ داۋسىن ەستىدىم. سول ون مىڭداعان جانە مىڭداعان* پەرىشتە+
12 قاتتى داۋىسپەن: «قۇرباندىققا شالىنعان توقتى+ قۇدىرەتكە، بايلىق پەن دانالىققا، كۇش پەن قۇرمەتكە، داڭق پەن ماداققا لايىق!»+— دەپ جاتتى.
13 سونداي-اق كوك پەن جەردەگى، جەر استى+ مەن تەڭىزدەگىنىڭ ٴبارى: «تاقتا وتىرعان+ جانە توقتى+ ماداق، قۇرمەت+، داڭق پەن قۇدىرەتكە ماڭگى لايىق+!»— دەپ جاتقانىن ەستىدىم.
14 ال ٴتورت تىرشىلىك يەسى: «اۋمين!»— دەپ تۇردى. اقساقالدار بولسا تىزە بۇگىپ، قۇدايعا تاعزىم ەتتى.
سىلتەمەلەر
^ نەمەسە «ون مىڭداعاننان ون مىڭ ەسە كوپ جانە مىڭداعاننان مىڭ ەسە كوپ».
