قۇداي مەن يسا تۋرالى اقيقات
ادامدار ٴتۇرلى تاڭىرلەرگە تابىنىپ جاتادى، ٴبىراق شىنايى قۇداي جالعىز (جوحان 17:3). ول — ٴبارىن جاراتىپ، كۇللى تىرشىلىككە باستاۋ بەرگەن اللا تاعالا. قۇلشىلىق ەتۋىمىزگە ول عانا لايىق (دانيال 7:18؛ ايان 4:11).
قۇداي جايلى نەنى بىلگەن ٴجون؟
قۇدايدىڭ ەسىمى. قۇداي ٶز سوزىندە: «مەن ەحوبامىن. بۇل — مەنىڭ ەسىمىم»،— دەپ ايتقان (يشايا 42:8). ونىڭ دارا ەسىمى كيەلى جازبالاردا شامامەن 7000 رەت كەزدەسەدى. ٴبىراق كيەلى جازبالاردى اۋدارعان كوپتەگەن ادامدار قۇدايدىڭ «ەحوبا» دەگەن ەسىمىن الىپ تاستاپ، «جاراتۋشى يە» دەگەن سياقتى اتاۋلارمەن الماستىرعان. قۇداي سىزبەن دوس بولعىسى كەلەدى، سوندىقتان ونىڭ «ەسىمىن اتاپ شاقىرعانىڭىزدى» قالايدى (ٴزابۇر 105:1).
ەحوبانىڭ اتاقتارى. كيەلى جازبالاردا ەحوبا «قۇداي»، «قۇدىرەتى شەكسىز»، «جاراتۋشى»، «يە»، «الەمنىڭ ٵمىرشىسى»، «اكە» دەگەن سوزدەرمەن دە اتالعان. قۇدايعا ارنالعان كوپتەگەن دۇعالاردا ادامدار ونىڭ دارەجەسىن كورسەتەتىن اتاقتارىنا ەحوبانىڭ ەسىمىن قوسىپ ايتقان (دانيال 9:4).
جوحان 4:24). كيەلى جازبالاردا: «قۇدايدى ەشكىم ەشقاشان كورگەن ەمەس»،— دەپ ناقتى جازىلعان (جوحان 1:18). سونداي-اق وندا قۇدايدىڭ سەزىمسىز ەمەس ەكەنى ايتىلادى. ادامداردىڭ ارەكەتتەرىنە قاراپ، قۇداي يا قايعىرادى، يا سۇيسىنەدى (ناقىل سوزدەر 11:20؛ ٴزابۇر 78:40، 41).
قۇدايدىڭ سيپاتتارى. قۇداي — كوزگە كورىنبەيتىن رۋح (قۇدايدىڭ كوركەم قاسيەتتەرى. قۇداي تاعالا بارلىق ۇلتتىڭ ادامدارىنا بىردەي قارايدى، ول ەشكىمدى ەشكىمنەن ارتىق سانامايدى (ەلشىلەردىڭ ىستەرى 10:34، 35). سونىمەن قاتار ول «مەيىرىمدى دە جاناشىر، اشۋلانۋعا اسىقپايتىن، اينىماس سۇيىسپەنشىلىگى مول جانە ٵردايىم سوزىنە ادال» (مۇسانىڭ 2-جازباسى 34:6، 7). ونىڭ اسىرەسە ٴتورت قاسيەتى ەرەكشە تارتىمدى.
قۇدىرەتى. «قۇدىرەتى شەكسىز قۇداي» بولعاندىقتان، ول نەنى ۋادە ەتسە، سونى ورىنداۋعا كۇشى جەتەدى (مۇسانىڭ 1-جازباسى 17:1).
دانالىعى. قۇدايدىڭ دانالىعىنان اسىپ تۇسەتىن دانالىق ەشكىمدە جوق. كيەلى كىتاپتا ول «دانالىقتىڭ بىردەن-ٴبىر يەسى» دەپ جازىلعانى دا سوندىقتان (ريمدىكتەرگە 16:27).
ادىلدىگى. قۇداي نە ىستەسە دە، ٴبارىن دۇرىس ىستەيدى. ونىڭ ىستەرى كەمەلدى جانە ول «ەش ادىلەتسىزدىك جاسامايدى» (مۇسانىڭ 5-جازباسى 32:4).
سۇيىسپەنشىلىگى. كيەلى جازبالاردا: «قۇداي — سۇيىسپەنشىلىك»،— دەپ جازىلعان (جوحاننىڭ 1-حاتى 4:8). قۇداي سۇيىسپەنشىلىك تانىتادى دەۋ جەتكىلىكسىز، ويتكەنى ونىڭ بار بولمىسى — تۇنىپ تۇرعان سۇيىسپەنشىلىك. وسى تەڭدەسسىز سۇيىسپەنشىلىگى ونىڭ ٵر ىسىنە قوزعاۋ سالادى ٵرى ٴبىز ٷشىن تيگىزەر يگىلىگى كوپ.
قۇداي مەن ادامداردىڭ دوستىعى. كيەلى جازبالاردا قۇداي سۇيىسپەنشىلىگى مول «كوكتەگى اكەمىز» دەپ اتالعان (ماتاي 6:9). وعان سەنىم ارتساق، دوسى بولا الامىز (ٴزابۇر 25:14). قۇدايدىڭ ٶزى ٴسىزدى دۇعا ايتۋ ارقىلى وعان جاقىنداپ، بار ۋايىمىڭىزدى وعان ارتۋعا شاقىرادى، «سەبەبى ول قامىڭىزدى ويلايدى» (پەتىردىڭ 1-حاتى 5:7؛ جاقىپ 4:8).
قۇداي مەن يسا ٴماسىح تەڭ بە؟
يسا قۇداي ەمەس. يسانى قۇداي جاراتقاندىقتان، ونى قۇدايعا تەڭەۋ مۇلدەم اقىلعا قونىمسىز. ٴبىراق باسقا جاراتىلىستاردان ٴبىر ەرەكشەلىگى — ول قۇدايدىڭ ٶز قولىنان شىققان جالعىز تۇلعا. سوندىقتان كيەلى كىتاپتا ول قۇدايدىڭ ۇلى دەپ اتالعان (جوحان 1:14). ال يسانى جاراتقاننان كەيىن، ول ەحوبانىڭ «شەبەر جۇمىسشىسى» بولىپ، قالعاننىڭ ٴبارىن ەكەۋى بىرگە جاراتتى (ناقىل سوزدەر 8:30، 31؛ قولوستىقتارعا 1:15، 16).
جوحان 7:29). شاكىرتىنىڭ بىرىمەن سويلەسكەندە، يسا ەحوبانى «ٶزىمنىڭ جانە سەندەردىڭ اكەلەرىڭ»، «ٶزىمنىڭ جانە سەندەردىڭ قۇدايلارىڭ» دەپ اتاعان (جوحان 20:17). يسا ولگەن سوڭ، ەحوبا قۇداي ونى كوكتە ٶمىر ٴسۇرۋ ٷشىن قايتا ٴتىرىلتتى دە، وعان وراسان زور بيلىك بەرىپ، وڭ جاعىنا وتىرعىزدى (ماتاي 28:18؛ ەلشىلەردىڭ ىستەرى 2:32، 33).
يسا ٴماسىح ٶزىن ەشقاشان قۇدايمىن دەپ ايتپاعان. ول ٶزىنىڭ كىم ەكەنىن ٴتۇسىندىرىپ: «مەن... [قۇدايدىڭ] اتىنان كەلدىم، مەنى جىبەرگەن — سول»،— دەگەن (يسا ارقىلى قۇدايعا جاقىن بولا الاسىز
يسا جەرگە اكەسى جايلى ۇيرەتۋ ٷشىن كەلگەن. ەحوبانىڭ ٶزى يسا جايلى: «بۇل — مەنىڭ سۇيىكتى ۇلىم. ونى تىڭداڭدار»،— دەپ ايتقان (مارقا 9:7). قۇدايدى يسادان ارتىق ەشكىم بىلمەيدى. يسا بۇل جايىندا بىلاي دەگەن: «اكەنىڭ كىم ەكەنىن ۇلىنان جانە ۇلى اشقىسى كەلگەن ادامنان باسقا ەشكىم بىلمەيدى» (لۇقا 10:22).
يسا قۇدايدىڭ قاسيەتتەرىن كەمەل تۇردە تانىتتى. يسا اكەسىنىڭ كوركەم قاسيەتتەرىن اينا قاتەسىز قايتالاعانى سونشا: «مەنى كورگەن ادامنىڭ اكەنى دە كورگەنى»،— دەپ ايتقان (جوحان 14:9). يسانىڭ سوزىنەن دە، ىسىنەن دە قۇداي سۇيىسپەنشىلىگىنىڭ ەسىپ تۇرعانىن كورگەن ادامدار قۇدايعا جاقىنداي تۇسكەن. ول ٶزى جايلى: «جول، شىندىق جانە ٶمىر — مەنمىن. مەن ارقىلى بولماسا، ەشكىم دە اكەگە كەلە المايدى»،— دەدى (جوحان 14:6). ال تاعى ٴبىر سوزىندە: «شىنايى عيبادات ەتۋشىلەر اكەگە كيەلى رۋحقا جانە شىندىققا ساي عيبادات ەتەدى... قۇداي وزىنە وسىلاي عيبادات ەتكىسى كەلەتىندەردى ىزدەۋدە»،— دەگەن (جوحان 4:23). كوردىڭىز بە، ەحوبا قۇداي ول تۋرالى اقيقاتتى ىزدەپ، شىندىققا سۋساعان ٴسىز سياقتى ادامداردى ىزدەيدى!