ناقىل سوزدەر 8:1—36
8 دانالىق شاقىرىپ جاتىر ەمەس پە؟!
پارىقتىلىق داۋىستاپ تۇرعان جوق پا+؟!
2 جول بويىنداعى بيىك جەرلەردە+،تۇر ول كوشە قيىلىستارىندا.
3 قالا قاقپالارىنىڭ جانىندا،ەسىك كىرەبەرىستەرىندە جار سالۋدا+:
4 «ۋا، حالايىق، سەندەردى شاقىرامىن،ٵربىر ادامعا ٷن قاتامىن.
5 اڭعالدار، پاراساتتىلىققا ۇيرەنىڭدەر+،ناداندار، تۇسىنەتىن جۇرەككە يە بولىڭدار.
6 تىڭداڭدار، ايتاتىنىم ماڭىزدى،ٴبارى تۋرا اۋزىمنان شىعاتىننىڭ.
7 جۇمساق ەتىپ جەتكىزەمىن شىندىقتى،اۋزىما الۋعا جەركەنەمىن زۇلىمدىقتى.
8 اۋزىمنان شىققاننىڭ بارلىعى ٵدىل،بۇرمالانعان، ارام ٴسوز جوق اراسىندا.
9 پارىقتىعا ونىڭ ٴبارى اپ-انىق،ٴبىلىم تاپقانعا دۇپ-دۇرىس.
10 الىڭدار كۇمىستەن گورى ٴتالىم-تاربيەمدى،ساف التىننان گورى ٴبىلىمدى+.
11 دانالىق مارجاننان دا ارتىق،ادام قۇمارتاتىن ەش نارسە وعان تەڭ كەلمەس.
12 مەن دانالىقپىن، اقىل-پاراساتپەن بىرگە تۇرامىن،ٴبىلىم مەن سانالىلىققا يەمىن+.
13 ەحوبادان قورقۋ دەگەن — جاماندىقتى جەك كورۋ+.
پاڭدىق، وركوكىرەكتىك، زۇلىمدىق پەن ارام ٴسوزدى جەك كورەمىن+.
14 مەندە اقىل-كەڭەس بار، قولدانۋعا ٴتيىمدىمىن+،يەمىن تۇسىنىك+ پەن قۇدىرەتكە+ دە.
15 مەنىڭ ارقامدا پاتشالار بيلىك قۇرادى،اكىمدەر ٵدىل زاڭدار شىعارادى+.
16 مەنىڭ ارقامدا امىرشىلەر باسقارادى،تورەلەر ٵدىل سوت جۇرگىزەدى.
17 مەنى جاقسى كورەتىندەردى مەن دە جاقسى كورەمىن،ٶزىمدى ىزدەگەندەرگە تابىلامىن+.
18 قاسىمدا مەنىڭ بايلىق پەن اتاق-داڭق،تاۋسىلماس داۋلەت* پەن ادىلدىك.
19 جەمىسىم ارتىق التىننان، ٴتىپتى ساف التىننان،ٶنىمىم قۇندى ەڭ تازا كۇمىستەن+.
20 ادىلدىك جولىمەن جۇرەمىن،ادىلەت جولىنىڭ ورتاسىمەن كەلەمىن.
21 ٶزىمدى سۇيگەندەرگە زور مۇرا سيلايمىن،ولاردىڭ قويمالارىن تولتىرامىن.
22 مەن ەحوبانىڭ ەڭ العاشقى جاراتىلىسىمىن+،ەجەلگى ىستەرىنىڭ باستاماسىمىن+.
23 نەگىزىم قالاندى بايىرعى زاماندا+،و باستا، جەر پايدا بولعاننان الدەقايدا ەرتەدە+.
24 تۋىلدىم سۋ تۇڭعيىقتارى جوق كەزدە+،سۋى تاسىعان قاينارلار بولماعاندا.
25 تۋىلدىم تاۋلار ورناتىلماي تۇرعاندا،قىر-توبەلەر ٵلى جوق بولعاندا،
26 ول جەر مەن دالانى،جەردىڭ العاشقى توپىراعىن جاراتپاي تۇرعاندا.
27 اسپاندى ول دايىنداعاندا+، مەن سوندا بولدىم.
سۋ بەتىنە ول كوكجيەكتى سىزعاندا+،
28 اسپانعا بۇلتتاردى جايعاستىرعاندا،تەرەڭ مۇحيتتاردى سۋمەن تولتىرعاندا،
29 تەڭىزگە ارناپ جارلىق بەكىتكەندە،بۇيىرعان جەرىنەن تاسىتپاي سۋىن تەجەگەندە+،جەردىڭ ىرگەتاسىن ورناتقاندا،
30 ونىڭ قاسىندا شەبەر جۇمىسشى بولدىم+.
كۇن سايىن ونى قۋانتىپ+،الدىندا ٵردايىم شاتتانىپ ٴجۇردىم+.
31 تۇرۋعا جايلى جەرگە قاراپ قۋاندىم،ادام بالاسىن ەرەكشە جاقسى كوردىم.
32 سونىمەن، بالالارىم، مەنى تىڭداڭدار،ويتكەنى جولدارىمدى ۇستانعاندار باقىتتى.
33 ٴتالىم-تاربيەمدى الىپ+، دانا بولىڭدار،ەشقاشان وعان نەمكەتتى قاراماڭدار.
34 كۇندە ەرتەمەن ەسىگىمنىڭ الدىنا كەلىپ،بوساعامنىڭ جانىندا كۇتىپ تۇرىپ،ماعان قۇلاق اساتىن ادام باقىتتى.
35 مەنى تاپقان جان ٶمىر تابادى+،ەحوبانىڭ ىقىلاسىنا يە بولادى.
36 ال مەنى ەلەمەگەن وزىنە زيان كەلتىرەدى،مەنى جەك كورگەندەر ٶلىمدى جاقسى كورەدى+».
سىلتەمەلەر
^ نەمەسە «مۇراعا قالدىراتىن قۇندىلىقتار».
