ايان 4:1—11
4 وسىدان كەيىن قارادىم دا، كوكتە اشىلعان ەسىكتى كوردىم جانە كەرنەي ۇنىنە ۇقسايتىن ٴبىرىنشى داۋىستى ەستىدىم. ول ماعان: «مۇندا كوتەرىل، ساعان بۇدان كەيىن نە بولۋعا ٴتيىس ەكەنىن كورسەتەمىن»،— دەدى.
2 سول ساتتە ماعان كيەلى رۋح اسەر ەتىپ، كوكتە تۇرعان تاقتى جانە ونىڭ ۇستىندە وتىرعان بىرەۋدى كوردىم+.
3 تاقتا وتىرعاننىڭ سىرت كورىنىسى ياشماعا+ جانە قىزىل ٴتۇستى اسىل تاسقا ۇقسايدى ەكەن. ال تاقتى ٴزۇبارجات ىسپەتتى كەمپىرقوساق قورشاپ تۇردى+.
4 سول تاقتى اينالدىرا تاعى 24 تاق تۇر ەكەن، ولاردا اق كيىم، التىن ٴتاج كيگەن 24 اقساقال وتىردى+.
5 تاقتان نايزاعاي جارقىلداپ+، داۋىستار شىعىپ، كۇننىڭ كۇركىرى ەستىلدى+. ال تاق الدىندا جەتى شام جالىنداپ جانىپ تۇردى، ولار قۇدايدىڭ جەتى رۋحىن بىلدىرەدى+.
6 تاق الدىندا ٴموپ-ٴمولدىر* شىنى تەڭىزگە ۇقساس+ نارسە دە بار ەكەن.
تاق تۇرعان ورتادا جانە تاقتى اينالدىرا دەنەلەرىنىڭ الدى-ارتى كوزگە تولى ٴتورت تىرشىلىك يەسى تۇردى+.
7 ولاردىڭ ٴبىرىنشىسى ارىستانعا+، ەكىنشىسى جاس بۇقاعا+، ٷشىنشىسىنىڭ+ بەتى ادامدىكىنە، ال ٴتورتىنشىسى+ ۇشىپ بارا جاتقان بۇركىتكە ۇقساس ەكەن+.
8 ٴتورت تىرشىلىك يەسىنىڭ ٴارقايسىسىنىڭ التى قاناتى بار، ال قاناتتارىنىڭ استى كوزگە تولى ەدى+. ولار كۇنى-ٴتۇنى تىنباي: «بۇرىن بولعان، قازىر دە بار ٵرى بولاشاقتا كەلەتىن+ قۇدىرەتى شەكسىز ەحوبا قۇداي كيەلى، كيەلى، كيەلى+!»— دەپ جاتتى.
9 ٴتورت تىرشىلىك يەسى تاقتا وتىرعاندى — ماڭگى جاسايتىندى+ — داڭقتاپ، وعان قۇرمەت كورسەتىپ، ريزاشىلىق بىلدىرگەن سايىن،
10 الگى 24 اقساقال+ تاقتا وتىرعاننىڭ — ماڭگى جاسايتىننىڭ — الدىندا تىزەرلەپ تاعزىم ەتىپ، تاجدەرىن تاق الدىنا تاستاپ، بىلاي دەۋمەن بولدى:
11 «قۇدايىمىز ەحوبا، سەن داڭققا+، قۇرمەت+ پەن كۇش-قۇدىرەتكە+ يە بولۋعا لايىقسىڭ! ويتكەنى ٴبارىن جاراتقان — ٶزىڭسىڭ+، ٴبارى دە سەنىڭ ەركىڭمەن بار بولدى ٵرى جاراتىلدى».
سىلتەمەلەر
^ نەمەسە «حرۋستال ىسپەتتى».
