دانيال 7:1—28
7 بابىل پاتشاسى بەلشازاردىڭ+ بيلىك قۇرۋىنىڭ ٴبىرىنشى جىلى دانيال توسەگىندە جاتىپ، ٴتۇس كوردى+. سوندا ول تۇسىندەگى كورىنىستەردى جازىپ+، بولعان جايتتاردى تۇگەل باياندادى.
2 دانيال بىلاي دەدى:
«تۇندە وسى كورىنىستەردى كورىپ جاتىپ، قاراسام، اسپاننىڭ ٴتورت جەلى ۇلان-عايىر تەڭىزدىڭ استان-كەستەنىن شىعارىپ جاتىر ەكەن+.
3 سوسىن تەڭىزدەن ٴبىر-بىرىنە ۇقسامايتىن ۇلكەن-ۇلكەن ٴتورت اڭ+ شىقتى.
4 ٴبىرىنشىسى ارىستانعا+ ۇقسايدى ەكەن، ونىڭ بۇركىتتىكىندەي+ قاناتتارى بار. قاراپ تۇرعانىمدا، ونىڭ قاناتتارى جۇلىنىپ تاستالدى. سوسىن اڭ جەردەن كوتەرىلىپ، ارتقى ەكى اياعىنا ادام سياقتى تۇرعىزىلدى. سونداي-اق وعان ادامنىڭ جۇرەگى بەرىلدى.
5 سوسىن باسقا ٴبىر اڭدى كوردىم، وسى ەكىنشى اڭ ايۋعا+ ۇقسايدى ەكەن. ونىڭ ٴبىر اياعى كوتەرىلىپ تۇردى، اۋزىندا تىستەگەن ٷش قابىرعا بار ەكەن. وعان: «ورنىڭنان تۇر دا، كوپ ەت جە»،— دەلىندى+.
6 ودان ٵرى قاراپ تۇرعانىمدا، قابىلانعا+ ۇقساعان تاعى ٴبىر اڭ كورىندى. اڭنىڭ ارقاسىندا قۇستىكىندەي ٴتورت قاناتى بار ەكەن، سونداي-اق ونىڭ ٴتورت باسى بولدى+. وعان بيلىك بەرىلدى.
7 تۇنگى كورىنىسكە ٵلى دە قاراپ تۇرعانىمدا، ٴتورتىنشى اڭ كورىندى. ول وتە قورقىنىشتى، جان تۇرشىكتىرەتىن، ەرەكشە كۇشتى ەدى. ونىڭ ۇلكەن تەمىر تىستەرى بولدى. اڭ ٴبارىن جالماپ، قيراتىپ، قالعانىن اياقتارىمەن تاپتاپ جانشىدى+. ول وزىنە دەيىنگى اڭداردىڭ ەشقايسىسىنا ۇقسامادى. ونىڭ باسىندا ون ٴمۇيىزى بار ەدى.
8 وسى مۇيىزدەرگە نازار سالىپ تۇرعانىمدا، اراسىنان ٴبىر كىشكەنتاي ٴمۇيىز شىقتى+، ونىڭ الدىندا الگى مۇيىزدەردىڭ ۇشەۋى جۇلىنىپ تاستالدى. بۇل ٴمۇيىزدىڭ ادامدىكىنە ۇقساعان كوزدەرى جانە پاڭدانا* سويلەپ تۇرعان اۋزى بار ەكەن+.
9 ٵلى دە قاراپ تۇردىم، سوندا تاقتار قويىلىپ، ەجەلدەن بار ٴتاڭىر يە+ ٶز تاعىنا وتىردى+. ونىڭ كيىمى اپپاق قارداي+، شاشى اپپاق* جۇندەي ەكەن. وتىرعان تاعى لاۋلاعان جالىنداي، ال تاقتىڭ دوڭگەلەكتەرى جانىپ تۇرعان وتتاي ەدى+.
10 تاعىنىڭ الدىنان وتتى وزەن شىعىپ، اعىپ جاتتى+. وعان ميلليونداعان پەرىشتە قىزمەت ەتىپ، ٴجۇز ميلليونداعانى الدىندا تۇردى+. سوت+ ٶز ٸسىن باستاپ، كىتاپتار اشىلدى.
11 مەن ٴمۇيىزدىڭ پاڭدانا سويلەپ جاتقانىن+ ەستىپ، قاراپ تۇرا بەردىم. سودان الگى اڭ ٶلتىرىلىپ، دەنەسى وتقا تاستالىپ، جويىلدى.
12 ال قالعان اڭداردان+ بيلىك الىنىپ قويىلدى. ايتسە دە ومىرلەرى بەلگىلى ٴبىر ۋاقىتقا، مەرزىمگە دەيىن ۇزارتىلدى.
13 سول تۇنگى كورىنىسكە قاراپ تۇرعانىمدا، ادام ۇلىنا+ ۇقساعان بىرەۋدىڭ بۇلتتارمەن كەلە جاتقانىن كوردىم. وعان ەجەلدەن بار ٴتاڭىر يەنىڭ+ الدىنا بارۋعا رۇقسات ەتىلدى، ول سونىڭ الدىنا اپارىلدى.
14 وعان حالىقتار، ۇلتتار مەن ٵرتۇرلى ٴتىلدىڭ ادامدارى قىزمەت ەتۋ ٷشىن، قولىنا بيلىك+، داڭق+ پەن پاتشالىق بەرىلدى+. ونىڭ بيلىگى — ەش بىتپەيتىن ماڭگىلىك بيلىك، پاتشالىعى ەشقاشان جويىلمايدى+.
15 سوندا مەن، دانيال، كورگەن كورىنىستەرىمنەن قورقىپ، قاتتى ابىرجىدىم+.
16 وسى جايتتاردىڭ شىنايى ٴمانىن سۇراۋ ٷشىن، سول جەردە تۇرعانداردىڭ بىرىنە باردىم. ول ماعان ٴتىل قاتىپ، بۇلاردىڭ ٴمانىن ٴتۇسىندىرىپ بەردى:
17 «ۇلكەن-ۇلكەن ٴتورت اڭ+ جەر بەتىنەن شىعاتىن ٴتورت پاتشانى بىلدىرەدى+.
18 ٴبىراق اللا تاعالانىڭ قاسيەتتىلەرى+ پاتشالىققا يە بولادى+. ولار پاتشالىقتى ۇزاق ۋاقىت، ٴتىپتى ماڭگىلىك بويى يەمدەنەدى+».
19 كەيىن مەن باسقالارىنا ۇقسامايتىن ٴتورتىنشى اڭ جايلى كوبىرەك بىلگىم كەلدى. بۇل تەمىر تىستەرى مەن مىس تىرناقتارى بار وتە قورقىنىشتى اڭ ەدى. ول ٴبارىن جالماپ، قيراتىپ، قالعانىن اياقتارىمەن تاپتاپ جانشىپ جاتتى+.
20 مەن ونىڭ باسىنداعى ون ٴمۇيىز جايلى+، سونداي-اق كەيىن شىققان ٴمۇيىز جايلى دا بىلگىم كەلدى. وسى ٴمۇيىزدىڭ الدىندا ٷش ٴمۇيىز ٴتۇسىپ قالعان ەدى+، ونىڭ كوزدەرى جانە پاڭدانا سويلەپ جاتقان اۋزى بولدى. ول باسقا مۇيىزدەرگە قاراعاندا ۇلكەنىرەك ەدى.
21 مەن قاراپ تۇرعاندا، وسى ٴمۇيىز قاسيەتتىلەرگە قارسى سوعىسىپ، ولاردان باسىم ٴتۇسىپ وتىردى+.
22 سوسىن ەجەلدەن بار ٴتاڭىر يەگە+ كەلىپ، اللا تاعالانىڭ قاسيەتتىلەرىنىڭ مۇددەسىن قورعاپ ۇكىم شىعاردى+. ٴسۇيتىپ، قاسيەتتىلەر پاتشالىقتى يەمدەنەتىن الدىن الا بەلگىلەنگەن ۋاقىت كەلىپ جەتتى+.
23 ول بىلاي دەدى: «ٴتورتىنشى اڭ جەر بەتىندە پايدا بولاتىن ٴتورتىنشى پاتشالىقتى بىلدىرەدى. بۇل پاتشالىق باسقا پاتشالىقتاردان وزگەشە بولادى. ول بۇكىل جەردى جالماپ، تاپتاپ، تالقاندايدى+.
24 ال ون ٴمۇيىز وسى پاتشالىقتان شىعاتىن ون پاتشانى بىلدىرەدى. سولاردان كەيىن تاعى ٴبىر پاتشا شىعادى. ول الدىڭعىلارعا ۇقسامايدى، ٷش پاتشانى وزىنە باعىندىرادى+.
25 ول اللا تاعالاعا قارسى سويلەيتىن بولادى+ جانە اللا تاعالانىڭ قاسيەتتىلەرىنىڭ تىنباي مازاسىن الادى. ول ۋاقىتتار مەن زاڭدى وزگەرتپەك بولادى جانە ونىڭ قولىنا قاسيەتتىلەر ٴبىر ۋاقىت، ەكى ۋاقىت جانە جارتى ۋاقىتقا* بەرىلەدى+.
26 الايدا سوت ٶز ٸسىن باستاپ، ونى جويىپ، كوزىن ٴبىرجولاتا قۇرتۋ ٷشىن، ودان بيلىكتى الىپ قويدى+.
27 اسپان استىنداعى پاتشالىقتاردىڭ پاتشالىعى، بيلىگى مەن ٴسان-سالتاناتى اللا تاعالانىڭ قاسيەتتى حالقىنا بەرىلدى+. ولاردىڭ پاتشالىعى — ماڭگىلىك پاتشالىق+، بارلىق ۇكىمەت ولارعا قىزمەت ەتىپ، مويىنسۇناتىن بولادى».
28 وسىمەن مەنىڭ كورىپ-ەستىگەن جايتتارىم اياقتالدى. مەن، دانيال، ٶز ويىمنان قاتتى شوشىپ، ٶڭىم قۇپ-قۋ بولىپ كەتتى. سوندا دا ٴبارىن كوڭىلىمە ٴتۇيىپ الدىم».
سىلتەمەلەر
^ نەمەسە «ماقتانا».
^ سوزبە-ٴسوز «تاپ-تازا».
^ سوزبە-ٴسوز «ۋاقىت، ۋاقىتتار جانە جارتى ۋاقىت».
