Luku 3:1-38
3 To owhe 15tọ gandudu Tibeliu Sesali tọn mẹ, to whenuena Pọntiu Pilati yin ayimatẹn-gán Jude tọn, Hẹlọdi*+ yin ogán agbegbe* Galili tọn, Filipi nọvisunnu etọn yin ogán agbegbe otò Itulea po Tlakoniti po tọn, bọ Lisania yin ogán agbegbe Abilene tọn,
2 to azán Annas yẹwhenọgán po Kaifa yẹwhenọ daho po tọn lẹ gbè,+ ohó Jiwheyẹwhe tọn wá Johanu+ visunnu Zekalia tọn dè to danfafa ji.+
3 Enẹwutu, e wá otò he lẹdo Jọdani pé lẹ mẹ, bo to yẹwhehodọ, dọ nuhudo tin na baptẹm he yin ohia lẹnvọjọ tọn na jona ylando lẹ tọn,+
4 kẹdẹdile e ko yin kinkandai to owe yẹwhegán Isaia tọn mẹ do dọmọ: “Mẹde to awhádo jẹgbonu to danfafa ji dọ: ‘Mì jla aliho Jehovah* tọn lọ do! Mì jlọ omọ́ji etọn lẹ.+
5 Agbàdo lẹpo dona yin súsú, podọ osó po okọ́ta lẹpo po wẹ yè na gbigbá; aliho he gbán lẹ dona lẹzun aliho jijlọ lẹ, bọ aliho kanṣankanṣan lẹ na lẹzun aliho mimẹ́ lẹ;
6 podọ agbasalan* lẹpo wẹ na mọ whlẹngán* Jiwheyẹwhe tọn.’”+
7 Enẹwutu, e jẹ didọna gbẹtọgun he to tintọ́n wá e dè nado yin bibaptizi gbọn ewọ dali lẹ ji dọmọ: “Mì ovi amàpoe tọn lẹ emi, mẹnu wẹ ko na mì avase nado họ̀n sọn homẹgble he ja lọ mẹ?+
8 Enẹwutu, mì de sinsẹ́n he jẹna lẹnvọjọ tọ́n. Mì jẹ didọ ji to mìdelẹ mẹ dọ, ‘Míwlẹ tindo Ablaham taidi otọ́’ blo. Na yẹn dọna mì dọ Jiwheyẹwhe penugo nado de ovi lẹ tọ́n na Ablaham sọn zannu ehelẹ mẹ.
9 Na nugbo tọn, asiọvi lọ ko tin to adọ̀ atin lẹ tọn go. Enẹwutu, atin depope he ma sẹ́n sinsẹ́n dagbe na yin sinsánliai bo yin zizedlan miyọ́n mẹ.”+
10 Gbẹtọgun lẹ sọ nọ kanse e dọmọ: “To whelọnu lo, etẹwẹ mí dona wà?”
11 E nọ gblọnna yé dọmọ: “Mì gbọ mẹhe tindo awù awe* ni má hẹ mẹhe ma tindo depope, podọ mì gbọ ewọ he tindo nuhe e na dù ni wà nudopolọ.”+
12 Tòkuẹ-ṣinyantọ lẹ lọsu tlẹ wá nado yin bibaptizi,+ yé sọ dọna ẹn dọmọ: “Mẹplọntọ, etẹwẹ mí dona wà?”
13 E dọna yé dọmọ: “Mì biọ* nudepope hú tòkuẹ he yin bibiọ lọ blo.”+
14 Awhànfuntọ lẹ lọsu nọ kanse e dọmọ: “Etẹwẹ mí dona wà?” E sọ dọna yé dọmọ: “Mì gbidikọna* kavi sawhẹ agọ̀ dokọna mẹde blo,+ ṣigba mì tindo pekọ po nuhe yin awú etọn wle dai na mì lẹ po.”*
15 Todin, gbẹtọ lẹ tin to nukundido mẹ bọ yemẹpo to nulẹnpọn to ahun yetọn mẹ gando Johanu go dọ, “Vlavo be e ma yin ewọ wẹ Klisti lọ?”+
16 Johanu gblọn bo dọna yemẹpo dọmọ: “Na yẹn tọn, yẹn yí osin do baptizi mì, ṣigba mẹhe ja dohuhlọn hú mi, afọpakàn mẹhe tọn yẹn ma jẹ nado tún.+ Ewọ wẹ na yí gbigbọ wiwe po miyọ́n po do baptizi mì.+
17 Fẹli núfúfú tọn etọn tin to alọ etọn mẹ nado zà likun-flétẹn etọn wé-ṣeke bo bẹ likun lẹ pli do agbànhọ etọn mẹ, ṣigba ofló lẹ wẹ e na yí miyọ́n he ma sọgan yin ṣíṣí do fiọ.”
18 Johanu sọ dọho tudohomẹnamẹ tọn susu devo lẹ bo to wẹndagbe lọ lá na gbẹtọ lẹ zọnmii.
19 Ṣigba, Hẹlọdi ogán agbegbe tọn lọ, he Johanu wọhẹ na Hẹlọdia, asi nọvisunnu etọn tọn wutu, podọ na nuylankan he Hẹlọdi ko wà lẹpo wutu,
20 sọ wà oylan devo dogọ, yèdọ: E wle Johanu sú do gànpamẹ.+
21 Todin, to whenue gbẹtọ lọ lẹpo ko yin bibaptizi, Jesu lọsu yin bibaptizi.+ Dile e to dẹ̀ho, olọn hùndonuvo,+
22 bọ gbigbọ wiwe he sọawuhia taidi apoe de jẹte do e ji, ogbè de sọ wá sọn olọn dọmọ: “Hiẹ wẹ Visunnu ṣie, mẹyiwanna lọ; yẹn ko kẹalọyi we.”+
23 Whenue Jesu+ bẹ azọ́n etọn jẹeji, e tindo nudi owhe 30,+ dile yè lẹn do, e yinvisunnu Josẹfu tọn,+visunnu Heli tọn,
24 visunnu Mattati tọn,visunnu Levi tọn,visunnu Mẹlki tọn,visunnu Janna tọn,visunnu Josẹfu tọn,
25 visunnu Mattatiasi tọn,visunnu Amọsi tọn,visunnu Nahumi tọn,visunnu Esli tọn,visunnu Naggai tọn,
26 visunnu Mati tọn,visunnu Mattatiasi tọn,visunnu Semẹi tọn,visunnu Josẹki tọn,visunnu Joda tọn,
27 visunnu Joanani tọn,visunnu Lẹsa tọn,visunnu Zelubabẹli tọn,+visunnu Ṣealtiẹli tọn,+visunnu Nẹli tọn,
28 visunnu Mẹlki tọn,visunnu Addi tọn,visunnu Kosami tọn,visunnu Elmadami tọn,visunnu Ẹẹli tọn,
29 visunnu Jesu tọn,visunnu Eliezẹli tọn,visunnu Jolimi tọn,visunnu Mattati tọn,visunnu Levi tọn,
30 visunnu Simeọni tọn,visunnu Juda tọn,visunnu Josẹfu tọn,visunnu Jonami tọn,visunnu Eliakimi tọn,
31 visunnu Melea tọn,visunnu Menna tọn,visunnu Mattata tọn,visunnu Natani tọn,+visunnu Davidi tọn,+
32 visunnu Jẹsse tọn,+visunnu Obẹdi tọn,+visunnu Boazi tọn,+visunnu Salmọni tọn,+visunnu Naṣọni tọn,+
33 visunnu Aminadabi tọn,visunnu Alni tọn,visunnu Hẹzloni tọn,visunnu Pelẹzi tọn,+visunnu Juda tọn,+
34 visunnu Jakọbu tọn,+visunnu Isaki tọn,+visunnu Ablaham tọn,+visunnu Tela tọn,+visunnu Nahọli tọn,+
35 visunnu Selugi tọn,+visunnu Leu tọn,+visunnu Pelẹgi tọn,+visunnu Ebeli tọn,+visunnu Ṣela tọn,+
36 visunnu Kainani tọn,visunnu Alpakṣadi tọn,+visunnu Ṣẹmi tọn,+visunnu Noa tọn,+visunnu Lamẹki tọn,+
37 visunnu Mẹtusela tọn,+visunnu Enọku tọn,visunnu Jalẹdi tọn,+visunnu Maleleẹli tọn,+visunnu Kainani tọn,+
38 visunnu Enọṣi tọn,+visunnu Ṣẹti tọn,+visunnu Adam tọn,+visunnu Jiwheyẹwhe tọn.
Nudọnamẹ Odò Tọn
^ To paa mẹ, “tẹtlalkes.” Ahọvi lẹdo tọn he nọ ze afọ ahọluigba-gán Lomu tọn dai.
^ Kavi “gbẹtọvi.”
^ Kavi “aliho mẹwhlẹngán tọn.”
^ Kavi “awù devo.”
^ Kavi “yí.”
^ Kavi “sloalọna.”
^ Kavi “po azọ́nkuẹ mìtọn lẹ po.”
