Psonm 65:1-13
Pour direkter lanmizik. Lanmizik ek sanson David.
65 O Bondye, ou pou ganny loue lo Montanny Siyon.Nou pou gard bann ve ki nou’n fer avek ou.
2 Ou sa Enn ki ekout lapriyer, tou sort kalite dimoun* pou vin ver ou.
3 Mon pese i tro bokou pour mwan siporte,Me ou pardonn nou lofans.
4 Ere sa enn ki ou swazir e ki ou fer vinReste dan bann lakour ou tanp.
Nou pou satisfe avek tou bon keksoz ki dan ou lakaz,Ou tanp sen.*
5 O Bondye nou sover,Ou pou reponn nou par fer bann keksoz ki enpresyonan e ki annakor avek ou ladrwatir.Dimoun dan bann landrwa pli lwen lo laterE bann ki reste lot kote lanmer pou annan konfyans dan ou.
6 Ou’n* solidman etabli bann montanny par ou lafors.Ou vreman pwisan.*
7 Ou kalmi lanmer azite,Bann laroul ki kraze ek bann nasyon ki boulverse.
8 Bann zabitan ki reste byen lwen pou vreman etonnen par ou bann siny.Ou pou fer dimoun ki reste depi soley leve ziska soley kouse kriy avek lazwa.
9 Ou pran swen avek later,Ou fer li vin fertil e raport en kantite fri.*
Larivyer Bondye i ranpli avek delo.Ou donn manze bann imen,Parski koumsa ki ou ti prepar later.
10 Ou ranpli son bann transe avek delo e ou fer son later* ki’n ganny pyose vin plat.Ou fer sa later vin mou avek lapli e ou beni sa ki pous lo la.
11 Ou beni* sa lannen avek bann bon keksoz,Semen kot ou marse i ranpli avek en kantite bon keksoz.
12 I annan en kantite zerb dan dezer*E bann pti montanny i dan lazwa.
13 I annan en kantite zannimo dan bann laplenn zerbE bann vale* i kouver avek lagrenn.
Zot selebre, wi, zot sante.
Bann not
^ Literalman, “tou laser.”
^ Oubyen “landrwa sen.”
^ Literalman, “I’n.”
^ Oubyen “Ou’n ganny abiye avek pwisans.”
^ Literalman, “e deborde.”
^ Oubyen “latet montanny.”
^ Oubyen “kouronn.”
^ Vwar Leksplikasyon bann mo.
^ Oubyen “laplenn.”