Psonm 127:1-5
Sanson Salomon pour dimoun ki pe monte.
127 Si Zeova pa konstri sa lakaz,I pour nanryen ki bann travayer i travay dir lo la.
Si Zeova pa vey sa lavil,I pour nanryen ki gardyen i reste eveye.
2 I pour nanryen ki ou lev boner,Ki ou reste ziska tar aswar,Ki ou travay dir pour ganny ou manze,Parski i pran swen avek bann ki i kontan e i fer zot dormi byen.
3 Gete! Bann zanfan* i en leritaz sorti kot Zeova.Bann zanfan* i en rekonpans.
4 Bann garson en zonm*I parey bann fles dan lanmen en zonm for.
5 Ere sa zonm ki ranpli son fouro avek sa bann fles.
Zot* pa pou onte,Parski zot* pou koz avek bann lennmi kot baro lavil.
Bann not
^ Oubyen “garson.”
^ Literalman, “Fri vant.”
^ Oubyen “en zonm ki zenn.”
^ Aparaman, sa pe refer avek bann papa.
^ Aparaman, sa pe refer avek bann garson.