Psonm 146:1-10
146 Loue Ya!*
Mon anvi loue Zeova avek tou mon leker.
2 Mon pou loue Zeova tou dilon mon lavi.
Mon pou sant kantik* pour loue mon Bondye osi lontan ki mon vivan.
3 Pa met konfyans dan bann prens*Ni dan okenn dimoun parski zot pa kapab sov ou.
4 Sa dimoun i aret respire* e i retourn dan later.Sa menm zour son bann panse i disparet.
5 Ere sa dimoun ki Bondye Zakob i son led,Ki annan lespwar dan Zeova son Bondye,
6 Sa Enn ki’n fer lesyel ek later,Lanmer e tou sa ki ladan,Sa Enn ki toultan reste fidel,
7 Sa Enn ki donn lazistis bann ki’n ganny vole,Sa Enn ki donn dipen bann ki lafen.
Zeova pe larg bann prizonnyen.*
8 Zeova pe ouver lizye bann aveg.Zeova pe lev bann ki’n kourbe.Zeova i kontan bann ki fer sa ki byen.
9 Zeova pe protez bann etranze.I soutenir bann orfelen* ek bann vev,Me i kas plan bann move dimoun.
10 Zeova pou Lerwa pour touzour,O Siyon, ou Bondye pou Lerwa pour zenerasyon apre zenerasyon.
Loue Ya!*
Bann not
^ Oubyen “Alelouya!” “Ya” i non Zeova dan sa form pli kourt.
^ Oubyen “fer lanmizik.”
^ Oubyen “dimoun enportan.”
^ Literalman, “Son lespri (souf) i sorti.”
^ Literalman, “bann ki’n ganny anmare.”
^ Oubyen “zanfan ki napa papa.”
^ Oubyen “Alelouya!” “Ya” i non Zeova dan sa form pli kourt.