Psonm 37:1-40
-
Bann ki annan konfyans dan Zeova pou prospere
En sanson David.
א [Aleph]
37 Pa bezwen ankoler* akoz bann move dimounNi zalou bann ki fer sa ki mal.
2 Zot pou fletri vitman parey zerbE sek parey bann pti zerb ver.
ב [Beth]
3 Annan konfyans dan Zeova e fer sa ki byen.Viv anpe dan sa pei* e azir avek fidelite.
4 Annan bokou lazwa akoz Zeova*E i pou donn ou tou sa ki ou anvi.*
ג [Gimel]
5 Kit tou keksoz dan lanmen Zeova.*Depan lo li e i pou ed ou.
6 I pou fer ou bann bon aksyon briye parey soley leveE ou lazistis parey soley midi.
ד [Daleth]
7 Reste trankil devan ZeovaE esper li avek pasyans.
Pa bezwen ankoler avek en dimounKi reisi dan son bann konplo.
ה [He]
8 Aret ankoler e rezet lakoler.Pa bezwen mekontan e fer sa ki mal.*
9 Parski bann move dimoun pou ganny detrir,Me bann ki annan lespwar dan Zeova pou ganny donnen later.
ו [Waw]
10 Dan ankor en pti pe letan, bann move dimoun pou nepli la,Ou pou al gete kot zot ti eteE zot pou nepli la.
11 Me bann ki annan limilite pou ganny donnen laterE zot pou vreman dan lazwa akoz lape pou annabondans.
ז [Zayin]
12 En move dimoun i fer konplo kont sa enn ki fer sa ki byen.I grens son ledan avek li.
13 Me Zeova pou riy liParski I konnen ki en zour i pou mor.
ח [Heth].
14 Bann move dimoun i tir zot lepe e ploy zot lark*Pour touy bann pov ek bann ki ganny maltreteE detri bann ki fer sa ki byen.*
15 Me zot lepe pou pers zot prop lekerE zot lark pou kase.
ט [Teth]
16 Vo mye sa ptigin ki bann bon dimoun i annanKi sa kantite larises ki bokou move dimoun i annan.
17 Parski lebra bann move dimoun pou ganny kase,Me Zeova pou soutenir bann ki fer sa ki byen.
י [Yod]
18 Zeova i konn byen sa ki bann bon dimoun* i pas atraverE zot leritaz pou dire pour touzour.
19 Zot pa pou onte ler i annan dezas,Zot pou annan dekwa manze dan letan lafanmin.
כ [Kaph]
20 Me bann move dimoun pou ganny detrir.Bann lennmi Zeova pou disparet parey bann zoli laplenn zerb.Zot pou disparet parey lafimen.
ל [Lamed]
21 En move dimoun i demann prete e i pa rann,Me en bon dimoun i zenere* e i kontan donnen.
22 Bann dimoun ki Bondye i beni pou ganny donnen later,Me bann ki I modi pou ganny detrir.
מ [Mem]
23 Zeova i gid lepa en dimoun*Ler I pran plezir dan son fason viv.
24 Menm si i tonbe, i pa pou ganny zet ater,Parski Zeova i tyonbo son lanmen* pour soutenir li.
נ [Nun]
25 Mon ti zenn e aprezan mon’n vin vye,Me mon pa’n zanmen vwar okenn dimoun ki fer sa ki byen* ganny abandonnen,Ni son zanfan pe rod dipen.*
26 I touzour pare pour preteE son bann zanfan pou ganny beni.
ס [Samekh]
27 Aret fer sa ki mal e fer sa ki byenE ou pou viv pour touzour.
28 Parski Zeova i kontan lazistis,I pa pou abandonn son bann fidel.
ע [Ayin]
I pou toultan protez zot.Me desandans bann move dimoun pou ganny detrir.
29 Bann dimoun ki fer sa ki byen* pou ganny donnen laterE zot pou viv lo la pour touzour.
פ [Pe]
30 Parol saz i sorti dan labous sa enn ki fer sa ki byen*E son lalang i koz lo lazistis.
31 Lalwa son Bondye i dan son leker.Son lipye pa pou glise.
צ [Tsade]
32 Sa enn move i get sa enn ki fer sa ki byen,I rod fason pour touy li.
33 Me Zeova pa pou les li dan lanmen sa enn moveNi kondann li ler i ganny zize.
ק [Qoph]
34 Met ou lespwar dan Zeova e swiv son semen,I pou onor ou e donn ou later.
Ou pou vwar ler bann move dimoun i ganny detrir.
ר [Resh]
35 Mon’n vwar ler en move dimoun ki sovazPe prospere parey en zoli pye dibwa ki pouse dan son later.
36 Me deswit i ti disparet e i ti nepli la,Mon ti kontinyen rod li, me mon pa ti trouv li.
ש [Shin]
37 Get byen sa enn ki san repros*E vey sa enn ki fer sa ki byen,Parski a lavenir sa dimoun pou viv anpe.
38 Me tou bann ki fer pese pou ganny detrir,Bann move dimoun pou napa en lavenir.
ת [Taw]
39 Zeova i sov bann ki fer sa ki byenI protez zot dan letan difisil.
40 Zeova pou ed zot e delivre zot.
I pou delivre zot dan lanmen bann move dimoun e sov zot,Akoz zot in rod son proteksyon.
Bann not
^ Oubyen “fristre.”
^ Oubyen “lo sa later.”
^ Oubyen “Pran bokou plezir dan Zeova.”
^ Oubyen “ou leker i anvi.”
^ Literalman, “Roul ou semen lo Zeova.”
^ Oubyen posibleman, “Pa bezwen fristre akoz sa pou zis fer problenm.”
^ Vwar Leksplikasyon bann mo.
^ Oubyen “bann ki zot semen i drwat.”
^ Oubyen “dimoun san repros.”
^ Oubyen “demontre labonte.”
^ Oubyen “i fer lepa en dimoun ferm.”
^ Oubyen “tyonbo li avek Son lanmen.”
^ Oubyen “dimoun drwat.”
^ Oubyen “manze.”
^ Oubyen “dimoun drwat.”
^ Oubyen “En dimoun drwat i koz lo lasazes avwabas.”
^ Oubyen “sa enn ki fidel.”
