Psonm 46:1-11
Pour direkter lanmizik. En sanson bann garson Kora. Dapre stil lanmizik Alamot.*
46 Bondye i nou landrwa kasyet ek nou lafors.I fasilman ed nou ler nou dan problenm.
2 Sanmenm sa nou pa pou per, menm si later i sanze,Menm si bann montanny i tonm dan fon lanmer,
3 Menm si delo lanmer i fer tapaz e i kimen,Menm si bann montanny i sekwe akoz lanmer i azite. (Sela)
4 I annan en larivyer ki separ an diferan pti larivyer ki anmenn lazwa dan lavil Bondye,Setadir sa gran tabernak* sen ki pour sa Enn Tre O.
5 Bondye i dan sa lavil e i pa pou kapab ganny detrir.
Bondye pou vin ed li ler soley i leve.
6 Bann nasyon ti ankoler, bann rwayonm ti tonbe,Bondye ti koz for e later ti fonn.
7 Zeova Sef larme i avek nou.Bondye Zakob i nou landrwa kasyet* ki an sekirite. (Sela)
8 Vin vwar sa ki Zeova in fer.Pa i’n fer bann keksoz ekstraordiner lo later!
9 I pou met en lafen avek lager lo later antye.
I kas lark* ek lans an morso,I bril bann saret lager.*
10 “Rann lekor e zot pou konnen ki mwan mon Bondye.
Mon pou ganny glorifye parmi bann nasyon.Mon pou ganny glorifye lo later.”
11 Zeova Sef larme i avek nou.Bondye Zakob i nou landrwa kasyet ki an sekirite. (Sela)
Bann not
^ Vwar Leksplikasyon bann mo.
^ Vwar Leksplikasyon bann mo.
^ Oubyen “landrwa o.”
^ Vwar Leksplikasyon bann mo.
^ Oubyen posibleman, “boukliye.”
