Ol Sam 65:1-13
Long daerekta. Singsing blong Deved. Wan singsing.
65 O God, ol man oli stap wet blong presem yu long Saeon.+
Bambae mifala i mekem ol samting we mifala i promes long yu.+
2 O Man blong harem ol prea, bambae olgeta kaen man oli kam long yu.+
3 Ol mastik blong mi oli kavremap gud mi,+Be yu yu fogivim ol sin blong mifala.+
4 Man we yu jusum mo yu tekem hem i kam klosap,Blong i stap long yad blong yu, hem i glad.+
Bambae mifala i harem gud long ol gudfala samting long haos blong yu,+Hemia holi tempol* blong yu.+
5 O God we yu sevia blong mifala,Bambae yu mekem ol samting blong sapraes folem stret fasin, blong ansa long mifala,+Yu nao Man ya we olgeta man long wolWetem olgeta we oli stap longwe olbaot long solwota, oli trastem.+
6 Yu yu* mekem ol bigfala hil oli stanap strong, long paoa blong yu nomo.
Yu yu* werem paoa olsem wan klos.+
7 Yu yu* kwaetem ol rafsi,+Ol wef we oli stap brok mo noes blong ol nesen.+
8 Ol man long ol ples longwe, bambae oli sapraes tumas long ol saen we yu mekem.+
Bambae yu mekem olgeta we oli stap long ples we san i girap, i go kasem ples we san i godaon, oli singsingaot from oli glad.
9 Yu yu lukaot gud long wol ya,Yu mekem i karem plante frut* mo i rij gud.+
Reva we i kam long God, i fulap long wota.
Yu yu givim ol sid long olgeta,+From hemia nao olsem wanem yu mekemrere wol ya.
10 Yu wotarem ol rod blong wota we man i mekemrere finis long garen, mo yu levelem gud graon we oli plao long hem finis.*Yu mekem ren i wasem graon ya i kam sofsof, mo yu blesem ol samting we i gru long hem.+
11 Yu blesem yia ya wetem plante gudfala samting, olsem we yu putum hat blong king long hem.
Ol trak blong leg blong yu, oli fulap long ol samting gogo oli kafkafsaed.*+
12 Ol ples we ol animol oli stap kakae long hem long draeples, i fulap long kakae gogo i kafkafsaed,*+Mo glad i kavremap ol hil olsem klos.+
13 Ol ples blong putum ol animol, oli fulap gud long ol animol,Mo ol wit oli kavremap gud ol vali.*+
Oli stap singsingaot from we oli win, yes oli singsing.+
Ol futnot
^ NT: “tabu ples.”
^ PT: “Hem i.”
^ PT: “Hem i.”
^ PT: “Hem i.”
^ PT: “mekem we hem i karem plante frut gogo i kafkafsaed.”
^ NT: “gud ol longfala hip blong ol graon long hem.”
^ PT: “Ol trak blong leg blong yu, gris i stap ronaot long hem.”
^ PT: “gogo i stap ronaot.”
^ NT: “levelples long medel blong ol hil.”
