Ol Sam 115:1-18
115 O Jehova, i no stret blong leftemap mifala, yes i no stret,*Be man i mas givim glori long nem blong yu nomo+From fasin blong yu blong lavem man oltaem mo fasin blong yu blong holem promes.+
2 From wanem ol nesen oli mas talem se:“?Wehem God blong olgeta?”+
3 God blong mifala i stap long heven,Mo hem i mekem eni samting we hem i wantem.
4 Ol aedol blong olgeta, oli silva mo gol,We man nomo i mekem long han blong hem.+
5 Oli gat maot, be oli no save toktok,+Oli gat ae, be oli no save lukluk,
6 Oli gat sora, be oli no save harem samting,Oli gat nus, be oli no save smelem samting,
7 Oli gat han, be oli no save holem* samting,Oli gat leg, be oli no save wokbaot,+Oli no mekem noes nating long trot blong olgeta.+
8 Ol man we oli mekem olgeta, bambae oli kam sem mak olsem olgeta,+Mo olgeta ya tu we oli trastem ol aedol ya, bambae oli kam olsem olgeta.+
9 O Isrel, yu trastem Jehova,+Hem nao i stap givhan long olgeta, mo hem i sil blong olgeta.+
10 Yufala long haos blong Eron,+ yufala i trastem Jehova,Hem nao i stap givhan long olgeta, mo hem i sil blong olgeta.
11 Yufala we i fraet* long Jehova, yufala i trastem Jehova,+Hem nao i stap halpem olgeta, mo i sil blong olgeta.+
12 Jehova i tingbaot yumi mo bambae i givim blesing.
Bambae hem i blesem olgeta long haos blong Isrel.+
Bambae hem i blesem olgeta long haos blong Eron.
13 Bambae hem i blesem olgeta we oli fraet* long Jehova,Yes olgeta evriwan, smol mo bigwan tu.*
14 Jehova bambae i mekem se yufala i kasem plante moa samting,Yes, yufala mo ol pikinini* blong yufala.+
15 I gud Jehova i blesem yufala,+Man We i Mekem heven mo wol.+
16 Heven, hem i blong Jehova,+Be wol ya, hem i givim long ol man.+
17 Olgeta we oli ded, oli no save presem Jah,+Sem mak long olgeta we oli stap godaon long ples we i kwaet.*+
18 Be yumi, bambae yumi presem JahI stat naoia i go mo blong olwe.
!Presem Jah!*
Ol futnot
^ NT: “O Jehova, i no gat wan samting we i blong mifala, yes i no gat wan samting i blong mifala.”
^ PT: “filim wan.”
^ NT: “tinghevi.”
^ NT: “tinghevi.”
^ NT: “Yes, man nating mo haeman tu.”
^ PT: “boe.”
^ Hemia i min se i no moa gat noes from we oli ded.
^ NT: “!Halelujah!” “Jah” hem i sot nem blong Jehova.