Ol Sam 41:1-13
Long daerekta. Singsing blong Deved.
41 Man we i soemaot se i tingbaot ol man we oli no gat nem, hem i glad+Jehova bambae i tekemaot hem, i sevem hem long dei blong trabol.
2 Jehova bambae i lukaot gud long hem mo i holem hem i stap laef.
Bambae ol man long wol oli talem se hem i glad.+
Bambae yu neva letem hem i go long ol enemi blong hem olsem we oli wantem.*+
3 Jehova bambae i gohed blong lukaot long hem taem hem i stap ledaon long bed blong sikman,+Long taem we hem i sik, bambae yu jenisim bed blong hem fulwan.
4 From mi talem se: “O Jehova, yu kaen long mi.+
Mi mi mekem sin agensem yu,+ plis yu hilim mi.”*+
5 Be ol enemi blong mi oli stap tokbaot nogud mi, oli se:“?Wetaem bambae hem i ded mo nem blong hem i lus?”
6 Sipos wan long olgeta i kam blong luk mi, hat blong hem i stap giaman nomo.
Hem i hivimap sam samting we i nogud, blong hem i go talem,Biaen hem i aot i go, i stap tokbaot long evri ples.
7 Olgeta we oli no laekem mi nating, oli stap wispa long olgeta bakegen,Oli stap mekem wan rabis plan agensem mi, oli se:
8 “Wan nogud samting i kasem hem finis.
Naoia we hem i foldaon i stap, bambae hem i no girap bakegen.”+
9 Mo tu, gudfala fren blong mi we mi trastem hem,+Mo i stap kakae bred blong mi, i tanraon i agensem mi.*+
10 Be yu, Jehova, plis yu kaen long mi mo yu leftemap mi,Blong mi save givimbak long olgeta.
11 Bambae mi save se yu glad long mi sipos mi luk samting ya:Taem enemi blong mi i no save winim mi mo i singsingaot from.+
12 Be mi, yu yu sapotem mi from we fasin blong mi i stret,+Bambae yu letem mi mi stap long fes blong yu olwe.+
13 I gud olgeta man oli presem Jehova, we i God blong Isrel,Oltaem gogo i no save finis.+
Amen, Amen.
Ol futnot
^ NT: “folem tingting blong olgeta; letem hem i go long sol blong ol enemi blong hem.” Yu luk Diksonari.
^ NT: “sol blong mi.”
^ PT: “i leftemap leg blong hem agensem mi.”
