Ol Sam 127:1-5
Wan Singsing Blong Go Antap. Singsing blong Solomon.
127 Sipos Jehova i no bildim haos,Hadwok blong ol bilda long haos ya i blong nating nomo.+
Sipos Jehova i no gad long wan taon,+Gad i stap wekap blong nating nomo.
2 I blong nating nomo we yufala i girap eli,Mo yufala i stap wekap kasem medel naet,Mo yufala i stap wok had from kakae blong yufala,From hem i stap givim samting long ol man we hem i lavem olgeta, mo semtaem hem i mekem se oli slip gud.+
3 !Yufala i luk! Ol boe* oli ol gudfala samting we Jehova i givim,+Ol pikinini ya we yufala i bonem, oli ol presen.+
4 Ol boe we man i bonem taem i yang yet,+Oli olsem ol ara long han blong wan strong man.
5 Man we i fulumap ol ara olsem long basket blong hem, hem i glad.+
Bambae oli no save sem,From we bambae oli toktok long ol enemi long get blong taon.
Ol futnot
^ NT: “Ol pikinini.”
