Ol Sam 34:1-22
Singsing blong Deved, long taem ya we hem i giaman long fes blong Abimelek, i mekem olsem we hem i krangke,+ nao Abimelek i ronemaot hem, nao hem i go.
א [Aleph]
34 Bambae mi presem Jehova oltaem,Maot blong mi bambae i presem hem oltaem.
ב [Beth]
2 Bambae mi* tok flas from Jehova.+
Ol man we oli gat tingting daon bambae oli harem mi mo oli glad.
ג [Gimel]
3 Yufala i joen wetem mi blong presem Jehova,+I gud yumi joen blong leftemap nem blong hem.
ד [Daleth]
4 Mi mi askem samting long Jehova, mo hem i ansa long mi.+
Hem i tekemaot mi long olgeta samting we i mekem mi mi fraet.+
ה [He]
5 Olgeta we oli lukluk i go long hem, oli saen,Man i no save mekem olgeta oli sem.
ז [Zayin]
6 Man ya we i nating nomo i singaot mo Jehova i harem hem.
Hem i sevem hem, i tekemaot hem long olgeta trabol blong hem.+
ח [Heth]
7 Enjel blong Jehova i kamp raon long olgeta we oli fraet* long Hem,+Mo hem i stap tekemaot olgeta long trabol.+
ט [Teth]
8 Yu testem mo luk se Jehova i gud,+Man we i go long hem blong haed, hem i glad.
י [Yod]
9 Yufala i mas fraet* long Jehova, yufala ol tabu man blong hem,From olgeta we oli fraet* long hem, oli no sot long wan samting.+
כ [Kaph]
10 Ol strong yang laeon* tu oli hanggri we oli hanggri,Be olgeta we oli stap lukaotem Jehova, bambae oli no sot long ol gudfala samting.+
ל [Lamed]
11 Ol boe blong mi, yufala i kam, yufala i lesin long mi,Bambae mi tijim yufala long fasin blong fraet* long Jehova.+
מ [Mem]
12 ?Hu long yufala i harem gud blong laefMo i wantem blong luk plante gudfala dei?+
נ [Nun]
13 Ale i gud yu blokem tang blong yu blong i no talem wan nogud samting,+Mo lips blong yu blong i no giaman.+
ס [Samekh]
14 Yu tanem baksaed long samting we i nogud, mo yu mekem samting we i gud,+Yu lukaot rod blong mekem pis mo yu holemtaet.+
ע [Ayin]
15 Ae blong Jehova i stap long ol stret man,+Mo sora blong hem i stap lesin long olgeta, taem oli krae from help.+
פ [Pe]
16 Be Jehova i tanem fes blong hem long olgeta we oli stap mekem ol nogud samting,Blong hem i waepemaot nem blong olgeta long tingting blong ol man long wol.+
צ [Tsade]
17 Oli krae long hem, mo Jehova i harem olgeta,+Hem i tekemaot olgeta long ol trabol blong olgeta.+
ק [Qoph]
18 Jehova i stap klosap long olgeta we hat blong olgeta i brok,+Hem i sevem olgeta we tingting blong olgeta i foldaon.*+
ר [Resh]
19 Plante hadtaem* i stap kasem stret man,+Be Jehova i stap tekemaot hem long olgeta hadtaem ya.+
ש [Shin]
20 Hem i stap lukaot gud long ol bun blong hem,I no gat wan long olgeta i brok.+
ת [Taw]
21 Disasta bambae i kilim ol man nogud oli ded,Olgeta we oli no laekem nating ol stret man, bambae man i faenemaot se oli rong.
22 Jehova i stap pembak laef* blong ol man blong wok blong hem,Olgeta we oli stap go long hem blong haed, ol man bambae oli no faenem wan rong long olgeta.+
Ol futnot
^ NT: “Sol blong mi bambae i.”
^ NT: “tinghevi.”
^ NT: “tinghevi.”
^ NT: “tinghevi.”
^ NT: “ol man laeon we oli yang mo oli gat plante hea long nek blong olgeta.”
^ NT: “tinghevi.”
^ NT: “olgeta we oli harem nogud tumas long tingting blong olgeta.”
^ NT: “Bigfala trabol.”
^ NT: “sol.”
