Ol Sam 104:1-35

  • Yumi presem God from ol bigfala wok we hem i mekem

    • Wol bambae i stap olwe (5)

    • Waen mo bred, i blong ol man (15)

    • “!Ol wok blong yu oli plante we plante!” (24)

    • ‘Sipos yu tekemaot win, oli ded’ (29)

104  I gud mi* presem Jehova.+ O Jehova God blong mi, yu yu hae olgeta.+ Paoa blong king* mo ol gudfala samting oli kavremap yu olsem klos.+   Laet i stap raonabaot long yu+ olsem klos blong yu. Yu pulum heven i open bigwan olsem wan kaliko blong tent.+   Hem i putum ol bim blong ol rum blong hem antap, we oli stap long ol wota long skae,*+Hem i mekem klaod olsem jariot blong hem,+Mo win i karem hem i go long wing blong hem.+   Hem i mekem ol enjel blong hem oli spirit,Ol minista blong hem oli olsem faea we i stap bonem evri samting.+   Hem i stanemap wol i stap strong long ol fandesen blong hem,+Bambae i no gat wan samting i save muvumaot hem long ples blong hem,* bambae hem i stap gogo i no save finis.+   Yu mekem ol dip wota oli kavremap hem olsem klos blong hem.+ Ol wota oli hae i bitim ol bigfala hil.   Taem yu tok strong, oli ronwe,+Taem oli harem saon blong tanda blong yu, oli panik nao oli ronwe,   Ol bigfala hil oli kam antap,+ mo ol vali oli godaon,Long ples we yu yu mekem blong oli go stap long hem.   Yu yu putum mak we oli no mas go bitim,+Blong mekem se oli no moa save kavremap wol ya bakegen samtaem. 10  Hem i mekem ol springwota oli ron i go long ol krik,*Oli stap ron long medel blong ol bigfala hil. 11  Ol wael animol long bus oli stap dring ol wota ya,Mo ol wael dongki tu oli dring, taem oli tosta. 12  Ol pijin long skae oli mekem nes blong olgeta antap long ol wota ya,Oli stap insaed long ol lif blong ol tri ya oli stap singsing. 13  Hem i stap long ol rum blong hem antap, i stap wotarem ol bigfala hil.+ Wol i harem gud long ol samting we oli kamaot from ol wok blong yu.+ 14  Hem i stap mekem ol gras oli gru blong ol buluk oli kakaeMo ol plant blong ol man oli yusum,+Blong oli save planem ol kakae long graon ya, 15  Mo waen blong mekem hat blong man i glad,+Mo oel blong mekem fes i saen,Mo bred blong givhan long hat blong man.+ 16  Ol tri blong Jehova oli harem gud,Hemia ol sida blong Lebanon we hem i planem, 17  We ol pijin oli stap mekem nes blong olgeta long hem. Hom blong ol pijin ya stok+ i stap long ol tri ya junipa. 18  Ol bigfala hil we oli hae we oli hae, oli ples blong ol wael nani blong hil.+ Ol klif oli ples we ol animol ya baja oli stap go long hem blong haed.+ 19  Hem i mekem mun blong i makemaot ol stret taem long yia,Mo san i save gud taem blong hem blong i godaon.+ 20  Yu yu mekem tudak i kam, mo i gat naet,+Hemia nao taem blong ol wael animol blong bus oli stap go olbaot. 21  Ol yang laeon* oli stap singsingaot bigwan from kakae blong olgeta+Mo oli stap lukaot kakae blong olgeta we God i givim.+ 22  Taem san i kam antap,Oli gobak, oli stap ledaon long ol hol blong olgeta. 23  Man i go long wok blong hem,Hem i stap wok gogo kasem sapa. 24  !O Jehova, ol wok blong yu oli plante we plante!+Yu yu yusum waes blong mekem olgeta.+ Wol ya i fulap gud long ol samting we yu mekem. 25  I gat solwota we i bigwan we i bigwan,Mo i fulap gud long ol laef samting mo man i no naf blong kaontem evriwan, i gat ol smolwan mo ol bigwan tu.+ 26  Ol sip oli stap ron long hem,Mo yu mekem Leviatan*+ blong i stap pleplei insaed long hem. 27  Olgeta evriwan oli stap wet long yuBlong yu givim kakae long olgeta long stret taem.+ 28  Samting we yu givim long olgeta, oli hivimap.+ Taem yu openem han blong yu, oli harem gud long ol gudfala samting.+ 29  Taem yu haedem fes blong yu, oli fraet. Sipos yu tekemaot win* blong olgeta, oli ded mo oli gobak long das.+ 30  Sipos yu sanem win* blong yu i go, ol samting oli laef,+Mo yu mekem olgeta samting antap long graon oli kam niuwan bakegen. 31  Glori blong Jehova bambae i stap olwe. Jehova bambae i glad long ol wok blong hem.+ 32  Hem i lukluk i kam long wol, nao wol i seksek. Taem hem i tajem ol bigfala hil, ol hil ya oli smok.+ 33  Bambae mi singsing long Jehova+ long ful laef blong mi,Bambae mi singim ol sing blong presem* God blong mi, long olgeta taem we mi laef.+ 34  I gud ol tingting blong mi, oli mekem hem i glad.*Bambae mi glad from Jehova. 35  Ol sinman bambae oli lus long wol ya,Mo ol man nogud bambae oli no moa stap.+ I gud mi* presem Jehova. !Presem Jah!*

Ol futnot

NT: “Haenem.”
NT: “sol blong mi i.”
PT: “insaed long ol wota.”
NT: “i save mekem hem i lelei olbaot.”
NT: “ol wadi.” Yu luk Diksonari.
NT: “Ol man laeon we oli yang mo oli gat plante hea long nek blong olgeta.”
Yu luk Diksonari.
PT: “spirit.”
NT: “spirit.”
NT: “mi plei miusik blong presem.”
MNT: “I gud ol samting long saed blong hem we mi stap tingting dip long olgeta, oli gud.”
NT: “sol blong mi i.”
NT: “!Halelujah!” “Jah” hem i sot nem blong Jehova.