Bingéngén 8:1-36
8 Baa pék bé yon i nsébél bôt?
Baa yi bé yon i nlond?+
2 I téé i bahoma ba nyôgi+ ipañ nloñ,i makanda ma nloñ.
3 I nlond makeñi+ bebee ni manwemel ma tison,i lijubul li tison,i kalak le:
4 “A bôt ba binam, bé bon me nsébél;bé bobasôna* bon me yé i pôdôs.
5 A bé ba ni gwé bé yi, niglana i yoñ yihe;+a bé bijôñ bi bôt, yina jam.*
6 Emblana me inyule i jam me mpot li yé nseñ,bibép gwem bi mpot mam ma téé sép;
7 inyule nyo wem u nsooga maliga,bibép gwem bi ñoo mam mabe.
8 Bipôdôl gwobisôna bi nyo wem bi téé sép.
To jada mu li ta bé bitembee, to nkoda.
9 Gwobisôna bi ntomb i nok inyu bôt ba nyi bagal mam,bi bak maliga inyu bôt ba gwé yi.
10 I yé nseñ le u pohol bikodlene gwem iloole u pohol silba,u pohol ki yi iloole u pohol bañga gôl.+
11 Inyule pék i yé nseñ iloo tik ngok i tuye;*tik yom ipe yo ki yo i nla bé bana mahee kiki pék.
12 Me pék, me ni yihe di nyééne homa wada;me bi léba ki yi lôñni ngap i wan mam.+
13 I kon Yéhôva woñi i yé i oo béba.+
Me ñoo lipamal ni ngôk,+ maboñok mabe ni bipôdôl bi mpuñgu.+
14 Me ntina maéba malam ni bañga pék;+bañga yi+ ni lipémba+ bi yé i meeni.
15 Men me mboñ le bikiñe bi kônde ane,yak bôt ba ngomin bakeñi le ba pémés mambén ma téé sép.+
16 Men me mboñ le baane ba kônde ane,yak mintôô mi bôt le mi kéés ni telepsép.
17 Me ngwés i bôt ba ngwés me,i bôt ba nyéñ me, ba ga léba me.+
18 Lingwañ ni lipém bi yé i meeni,nkus u u nom,* yak ni telepsép.
19 Likébla me nti li nloo gôl, bañga gôl yaga,i yom me nti i nloo silba i i nlôôha ba ilam.+
20 Me nkil i njel i telepsép,i ñem nloñ i het mbagi i téé sép;
21 i bôt ba ngwés me, m’a ti bo ngababum ikeñi,me yônôs ki mandugi map.
22 Me yé nu bisu le Yéhôva a bi hek,+ikété minson nwé nwominsôna, men a bi hek ibôdôl behee.+
23 Ibôdôl kôba, a bi téé me i tel yem,+ibôdôl i bibôdle, ilole hisi hi nhéga.+
24 Me bi gwéé* i ngéda ndip malép i bé ngi ba,+malép mo ngi bôdôl pémél i mangen.
25 Me bi gwéé, dikôa dikeñi ngi ba,to bon ba dikôa,
26 i ngéda a bé ngi hek hisi to bikai,to nluñ ték u bisu.
27 I ngéda a bé kôôba ngii,+ me bé ha;i ngéda a bi téé nwaa* ipôla ngii ni tuye,+
28 i ngéda a bi bii* ond i ngii,i ngéda a bi hek lipigil li malép ma tuye,
29 i ngéda a bi ti tuye mbén,le malép mé ma lel bañ nwaa a bi téé,*+i ngéda a bi tek* dikuu di hisi,
30 me bé ipañ yé kiki loñge ngwelnson.+
Me bé kônha nye maséé+ hiki kel;me konok maséé i bisu gwé ngéda yosôna;+
31 me bé kon maséé le a bi kôôba hisi le bôt ba binam ba yééne mu,me gwéhék ki bôt ba binam* ngandak.
32 Nano ni, a bilok gwem, emblana me;i bôt ba nkil i manjel mem, ba yé maséé.
33 Emblana maéba+ mem, ni bana pék,ni yanak bañ mo kekikel.
34 I mut a ñemble me a yé kimasoda,nu a mpule* hiki kel i manwemel mem,a bemek bebee ni lijubul li ndap yem;
35 inyule nu a nléba me, wee a nléba niñ,+a ga lémél ki Yéhôva.
36 Ndi i mut a gwé bé ngéda yem, a mboñ nyemede* béba,i bôt ba ñoo me, wee ba ngwés nyemb.”+
Ndoñi
^ Ni hop Lôk Héber, “bé bon ba bôt.”
^ Ni hop Lôk Héber, “noga ñem.”
^ Yon ba nsébél ni hop Pulasi le Corail. Béñge Ndoñi bibuk.
^ Tole “ngababum.”
^ Tole “me bi gwéé wengoñle i ngéda nkôôga u ngwel muda.”
^ Ni hop Lôk Héber, “ngiiña.”
^ Ni hop Lôk Héber, “a bi lédés.”
^ Tole “ma lel bañ oda yé.”
^ Tole “a bi ti oda inyu.”
^ Tole “bon ba bôt.”
^ Tole “a nyén péé.”
^ Âme ni hop Pulasi. Béñge Ndoñi bibuk.
