Bingéngén 24:1-34
24 Mam ma bibéba bi bôt ma lémél bañ we,u kiha bañ to lôñni bo,+
2 inyule miñem nwap mi nhégda ndigi mam mabe,yak bibép gwap bi mpot ndigi i mam mabe ba nsômbôl boñ.
3 Pék yon i mboñ le mut a oñ ndap;*+liyi bagal mam li mboñ le ndap i telep loñge.
4 Yi yon i mboñ le bituñ bi yonni mintén mi tik gwom nwominsôna, yak ni gwom bilam.+
5 Mut pék a gwé ngui;+yi yon i mboñ le ngui mut i keñep.
6 Inyu jo gwét, i mbéda mut nu a ñéga mam loñge,*+ndi i ngéda bati maéba* ba yé ngandak, mut a nla yémbél.*+
7 Bañga pék i yé haa ni jôñ mut;+a gwé bé to jam i pot i nwemel u tison.
8 I mut a nhek bipék bibe,a ga séblana le malét mam mabe.+
9 Bipék bi jôñ mut bi nkena i béba,yak bôt ba ñoo mut mahoda.+
10 Ibale u nimis makénd i kel njiiha,*ngui yoñ y’a ba ititigi.
11 Sôñ bôt ba nke i nyemb,péyés bôt ba yé bebee ni nôla.+
12 Ndi ibale u nkal le: “Di bi yi bé i jam li,”
baa nu a nwan miñem,* a ntehe bé mahoñol moñ?+
Ñ, nu a mbéñge we* a nyi mo,a ga timbhe ki hiki mut inoñnaga ni minson nwé.+
13 A lok yem, je wéi inyule u yé nlam;wéi u u nkuli i babi u ne.
14 Hala nyen yak pék i yé loñge inyu yoñ.*+
Ibale u nléba yo, w’a ba loñge i dilo di nlo,yak botñem yoñ y’a set bé.+
15 U solop bañ bebee ni ndap mut a téé sép inyu boñ nye béba;u tjé bañ to liyééne jé.
16 Inyule mut a téé sép a nla kwo ngélé isaambok, a témb a telep,+ndi njiiha i mboñ le béba mut i baage.+
17 Ibale ñoo woñ a nkwo, u kon bañ maséé;ibale a mbaage, ñem woñ u kon bañ maséé,+
18 tiga le Yéhôva a tehe hala, hala a nlémél bé nye,ndi a unbene ha bé i ñoo woñ.+
19 Njôô i gwel bañ we* inyule u ntehe bibéba bi bôt;mam ma bibéba bi bôt ma lémél bañ to we,
20 Inyule béba mut y’a ba bé loñge i dilo di nlo;+yak lambe i bibéba bi bôt i ga lém.+
21 A lok yem, kon Yéhôva bo kiñe woñi.+
U kiha bañ ni bôt ba nkolba ngomin,*+
22 inyule tjiba yap i ga lo kunda yada.+
Njee a nyi lelaa bo iba* ba ga tjé i bôt ba?+
23 Yak bibañga bini bi yé bibañga bi bôt ba pék:
i ta bé loñge i todol bôt i ngéda u nkéés.+
24 I mut a nkal béba mut le: “U téé sép,”+
matén ma ga tiihe nye, yak biloñ bi ga han nye.
25 Ndi mam ma ga ke loñge inyu bôt ba mbéhe nye;+bisai gwap bi yé le ba ga bana ngandak gwom bilam.+
26 Bôt ba ga sos bibép bi mut nu a ntimbhe ni maliga.*+
27 Tjek bôlô yoñ, u kôôba ki wom woñ;ndi to le u ñoñ ndap yoñ.*
28 U soman bañ mut woñ libôk, ibale u nla bé unda le maliga ma.+
U gwélél bañ bibép gwoñ inyu lôk bôt bape.+
29 U kal bañ le: “M’a boñ nye kiki a bi boñ me;m’a timbhe nye i jam a bi boñ me.”*+
30 Me bi tagbe ipañ wom u mut yeñgi,+bebee ni wom u minkôô mi wai u mut a gwé bé pék.*
31 Me tehe le bikai bi nyon homa nyensôna;disañla di nhô wom wonsôna,yak lipénd li ngok li bi kwo.+
32 Me bi béñge i jam li, me ôt pék;me nun jo, me nigil ki le:*
33 Kônde ke ndék ’ilo, tôñgôl ’ilo ndék,kônde hôô moo i tôl inyu noi,
34 ha nyen liyep joñ li ga puhe we kiki mut wip,yak liyend joñ li ga nyek kiki mut gwét.+
Ndoñi
^ Tole “ndap lihaa.”
^ Tole “nu a ñéga mam ni pék.”
^ Tole “batipék.”
^ Tole “too; kôhna tohi.”
^ Tole “i ngéda nduña.”
^ Tole “mahoñol.”
^ Tole “niñ yoñ.”
^ Tole “i nél we.”
^ Tole “U unup bañ.”
^ Tole “bôt ba nkaa kunde.”
^ Hala wee, Yéhôva bo kiñe.
^ I nla ki ba, “Ndimbhe i maliga i yé wengoñle u nsos mut limañ.”
^ Tole “ndap yoñ lihaa.”
^ Tole “m’a saa nye.”
^ Ni hop Lôk Héber, “ñem.”
^ Ni hop Lôk Héber, “me kôs ki mabéhna le:”