Igama lesiGreki lencwadi yeBhayibheli yesAmbulo, elithi A·po·kaʹly·psis, lisho “Ukwembula” noma “Ukuveza.” Leli gama liveza injongo yesAmbulo—ukwambula izindaba ebezifihliwe nokuveza izenzakalo ezaziyokwenzeka esikhathini eside ngemva kokulotshwa kwaso. Eziningi zalezo ziprofetho zisazogcwaliseka.

Okuqukethwe incwadi yesAmbulo

• Isethulo.—IsAmbulo 1:​1-9.

• Izigijimi ezivela kuJesu eziya emabandleni ayisikhombisa.—IsAmbulo 1:10–3:22.

• Umbono kaNkulunkulu esesihlalweni sakhe sobukhosi ezulwini.—IsAmbulo 4:1-11.

• Uchungechunge lwemibono, ngamunye uholela komunye:

  • Izimpawu eziyisikhombisa.—IsAmbulo 5:1–​8:6.

  • Amacilongo ayisikhombisa, awesithathu okugcina ayisethulo somaye abathathu.—IsAmbulo 8:7–14:20.

  • Izitsha eziyisikhombisa, ngasinye sinesishayo esimelela isahlulelo sikaNkulunkulu esizothululelwa emhlabeni.—IsAmbulo 15:1–16:21.

  • Imibono yokubhujiswa kwezitha zikaNkulunkulu.—IsAmbulo 17:1–20:10.

  • Imibono yezibusiso zikaNkulunkulu ezulwini nasemhlabeni.—IsAmbulo 20:11–22:5.

• Isiphetho.—IsAmbulo 22:6-21.

Izihluthulelo zokuqonda incwadi yesAmbulo

1. Incazelo yaso iyakhuthaza, ayizethusi noma izikhungathekise izikhonzi zikaNkulunkulu. Nakuba abaningi behlobanisa igama elithi “apocalypse” nenhlekelele enkulu, incwadi yesAmbulo iqala futhi iphethe ngokuthi labo abayifundayo, bayiqonde futhi basebenzise umyalezo wayo bayojabula.—IsAmbulo 1:3; 22:7.

2. IsAmbulo sisebenzisa ‘izibonakaliso’ eziningi noma izifaniso, okungafanele zithathwe njengoba zinjalo.​—IsAmbulo 1:1.

3. Izinto eziningi ezinkulu noma izifaniso ezikuyisAmbulo kuyakhulunywa ngazo kwezinye izincwadi zeBhayibheli:

   • UJehova—“uNkulunkulu weqiniso emazulwini” noMdali wazo zonke izinto.—Duteronomi 4:39; IHubo 103:19; IsAmbulo 4:11; 15:3.

   • UJesu Kristu—“iWundlu likaNkulunkulu.”—Johane 1:29; IsAmbulo 5:6; 14:1.

   • USathane uDeveli—isitha sikaNkulunkulu.—Genesise 3:14, 15; Johane 8:44; IsAmbulo 12:9.

   • IBhabhiloni Elikhulu—njengeBhabhiloni lasendulo (iBhabhele), isitha sikaJehova uNkulunkulu nabantu bakhe nomthombo wamanga enkolo.—Genesise 11:2-9; Isaya 13:1, 11; IsAmbulo 17:4-6; 18:4, 20.

   • “Ulwandle”—abantu ababi abamelene noNkulunkulu.—Isaya 57:20; IsAmbulo 13:1; 21:1.

   • Izici ezifana nezetabernakele lasendulo elalisetshenziselwa ukukhulekela uNkulunkulu—ezihlanganisa umphongolo wesivumelwano, ulwandle lwengilazi (isitsha sokugezela), izibani, iminikelo yempepho ne-altare lemihlatshelo.—Eksodusi 25:10, 17, 18; 40:24-32; IsAmbulo 4:5, 6; 5:8; 8:3; 11:19.

   • Izilo zasendle—ezifanekisela ohulumeni babantu.—Daniyeli 7:1-8, 17-26; IsAmbulo 13:2, 11; 17:3.

   • Izinombolo ezingokomfanekiso.—Revelation 1:​20; 8:​13; 13:18; 21:16.

4. Imibono ibhekisela “osukwini lweNkosi,” olwaqala lapho uMbuso kaNkulunkulu umiswa ngo-1914 nalapho uJesu eqala ukubusa njengeNkosi. (IsAmbulo 1:10) Ngakho singalindela ukugcwaliseka okukhulu kwesAmbulo ukuba kube sesikhathini sethu.

5. Ukuze siqonde incwadi yesAmbulo, kudingeka zona kanye izinto ezisisiza siliqonde lonke iBhayibheli, kuhlanganise nokuhlakanipha kukaNkulunkulu nosizo lwalabo asebeliqonda kakade.—IzEnzo 8:26-39; Jakobe 1:5.