زبور 46:1-11
موسیقار کے لیے۔ قورح کے بیٹوں کا گیت۔ اِس گیت کو علاموت* کے مطابق گایا جائے۔
46 خدا ہماری پناہگاہ اور طاقت ہے؛وہ مصیبت کے وقت فوراً مدد کو تیار ہوتا ہے۔
2 اِس لیے ہم نہیں ڈریں گے، چاہے زمین اُلٹپلٹ جائے؛چاہے پہاڑ سمندر کی گہرائیوں میں ڈوب جائیں؛
3 چاہے سمندر گرجے اور جھاگ اُچھالے؛چاہے اِس میں مچی ہلچل کی وجہ سے پہاڑ لرز جائیں۔ (سِلاہ)
4 ایک دریا ہے جس سے نکلنے والی ندیاں خدا کے شہر کو خوش کرتی ہیںیعنی خدا تعالیٰ کے عالیشان مُقدس خیمے کو۔
5 خدا شہر میں ہے؛ اِس شہر کو ڈھایا نہیں جا سکتا۔
خدا صبح سویرے اِس کی مدد کے لیے آئے گا۔
6 قومیں بھڑکی ہوئی تھیں؛ بادشاہتیں اُلٹ دی گئی تھیں؛لیکن خدا نے اپنی آواز بلند کی اور زمین پگھل گئی۔
7 فوجوں کا خدا یہوواہ ہمارے ساتھ ہے؛یعقوب کا خدا ہماری محفوظ پناہگاہ* ہے۔ (سِلاہ)
8 آؤ اور اپنی آنکھوں سے یہوواہ کے کام دیکھو؛اُس نے زمین پر کتنے حیرانکُن کام کیے ہیں!
9 وہ پوری زمین سے جنگیں ختم کرتا ہے۔
وہ کمان کو توڑ ڈالتا ہے اور نیزے کے ٹکڑے ٹکڑے کر دیتا ہے؛وہ جنگی رتھوں* کو آگ میں جلا دیتا ہے۔
10 وہ کہتا ہے: ”ہار مان لو اور جان لو کہ مَیں ہی خدا ہوں۔
قوموں میں میری تعظیم کی جائے گی،ہاں، زمین پر میری تعظیم کی جائے گی۔“ (سِلاہ)
11 فوجوں کا خدا یہوواہ ہمارے ساتھ ہے؛یعقوب کا خدا ہمارے لیے محفوظ پناہگاہ ہے۔ (سِلاہ)
