Olosapo 24:1-34
24 Ku ka kuatele onya omanu vãvi,Kuenda ku ka livele ukamba wavo,+
2 Momo utima wavo u sokolola ungangala,Kuenda omẽla wavo wamamako oku vangula eci catiamẽla koku kokela ovitangi vakuavo.
3 Omo liolondunge, onjo* yimue yi tungiwa,+Kuenda omo lielomboloko oyo yi kolisiwa.
4 Omo liukũlĩhĩso, olohondo viayo vi yukisiwaLovokuasi osi a velapo hao awa.+
5 Omunu ukualondunge, o kuete uloño woku litunda ciwa,+Kuenda lukũlĩhĩso omunu o vokiya unene waye.
6 Ove o ka linga uyaki wove lolonumbi* vi tunda komunu umue wa loñoloha.+
Kuenda lolondunguli vialua kuli eyulo.*+
7 Olondunge viocili via tĩla keveke oku vi sanga;+Eye ka kuete lacimue coku vangula pombundi yolupale.
8 Wosi o sokiya oku linga cĩviO ka tukuiwa hati, cime covisimĩlo vĩvi.+
9 Asokiyo eveke ekandu,Kuenda omanu va nyãle ukuakupembula.+
10 Nda wa sumua keteke liohali,*Ongusu yove yi ka kala yitito.
11 Yovola vana va kasi oku ambatiwa koku fa,Kuenda tiula vana va kasi oku enda loku yengenga kepondelo.+
12 Pole, nda ove o popia hati: “Etu ka tua ci kũlĩhĩle,”Anga hẽ Una o kũlĩhĩsa ovitima ka ka ci limbuka?+
Ocili, Una o ku lete o ka ci limbuka
Kuenda o ka fetuluinya omunu lomunu ndomo ci likuata lovilinga viaye.+
13 Amõlange, lia owiki momo uwa;Owiki u tunda kocingo, u sõsã vomẽla.
14 Cimuamue haico, kũlĩha okuti olondunge viwa kokuove.+
Nda wa vi sanga, o ka kuata ekalo liwa kovaso yoloneke.
Kuenda elavoko liove ka li ka nyõliwa.+
15 Ku ka lavekele vonutula ocipepi lonjo yukuesunga locimãho cĩvi;Ku ka nyõle ocitumãlo caye cepuyuko.
16 Momo ukuesunga o pondola oku kupuka olonjanja epanduvali, kuenje o ka votoka vali,+Pole, ondingaĩvi yi ka lilondoka omo liohali.+
17 Eci unyãli wove a kupuka ku ka sanjuke,Kuenda eci eye a lilondoka utima wove ka u ka yolele;+
18 Sanga Yehova o ka ci mola kuenje o sumua,Kuenda Eye o ka liwekapo oku tema lunyãli wove.+
19 Ku ka sumue* omo liomanu vãvi;Ku ka kuatele onya olondingaĩvi,
20 Momo omunu ũvi ka kuete elavoko;+Ondiyelo yolondingaĩvi yi ka imiwa.+
21 Amõlange, sumbila Yehova kuenda soma.+
Ku ka likongele la vakuesino,+
22 Momo efengi liavo li keya ocipikipiki.+
Helie wa kũlĩha enyõleho kavali kavo* va ka nena kokuavo?+
23 Olondaka evi via tiamẽlavo komanu vakualondunge:
Ka ca sungulukile oku lekisa ocame kekanga.+
24 Wosi o sapuila ondingaĩvi hati: “Ove ukuesunga,”+Eye o ka siñaliwa lomanu;kuenda o ka pisiwa lolofeka.
25 Pole, vana vo lemẽla va ka litunda ciwa;+Asumũlũho a keya kokuavo.+
26 Omanu va ka sipula omẽla wa una o tambulula locili.*+
27 Pongiya upange wove kosamua kuenda angiliya ovina viosi vepia;Noke tunga onjo yove.*
28 Ku ka imbe uvangi woku pisa omunu o lisungue love nda ku kuete esunga liwa lioku ci linga.+
Ku ka kembe vakuene lomẽla wove.+
29 Ku ka popie hati: “Ndi ka linga kokuaye ndeci eye a linga kokuange;Ndi ko fetuluinya omo lieci a ndinga.”+
30 Nda pita vepia liukuawesi,+Vocumbo cayuva comunu eveke.*
31 Nda mola okuti, via yunda losoka;Osi yeyuka lonjunde,Kuenda ocimbaka caco covawe, ca kupuka.+
32 Ame nda ci luluvala kuenda nda sokolola lutate;Nda ci mola kuenje nda lilongisilako ulandu owu:*
33 Oku pekelapo kamue loku suñilapo kamue,Oku liketikapo kamue ovaka locimãho coku puyuka,
34 Kuenje uhukũi wove u keya ndocimunu,Kuenda usuke wove ndulume umue wa limalẽha.+
Atosi Pombuelo
^ Ale “vakuanjo.”
^ Ale “alungulo olondunge.”
^ Ale “onima yiwa; epopelo.”
^ Ale “otembo yovitangi.”
^ Ale “oku li sakalaisa.”
^ Okuti, Yehova kuenda soma.
^ Ale pamue, “Oku tambulula lonjila yimue ya sunguluka, ci kasi ndoku eca esipulo.”
^ Ale “tunga epata liove.”
^ Lit., “ka kuete utima.”
^ Lit., “nda liupilako epindiso:”
