Olosapo 20:1-30
20 Ovinyu yi lingisa omunu oku pembuiwa+ kuenda ovinyua vi koluisa vi lingisa omunu oku kala ukuambuanja;+Wosi o yapuisiwa lavio ka kuete olondunge.+
2 Ndeci ci kasi oku koma kuohosi,* soma o kokela omanu oku kala lusumba walua;+Wosi o wengula onyeño yaye o kapa kohele omuenyo waye.+
3 Omunu o yuvula oku lihoya o sesamẽla esumbilo,+Pole, omunu wosi eveke o ka litengamo.+
4 Ukuawesi ka limi vokuenye,Omo liaco, eye o ka pinga pinga vokuenda kuotembo yoku ungula eci ka kuata cimue.*+
5 Ovisimĩlo* viutima womunu vi kasi ndovava a longa,Pole, omunu ukuelomboloko o a tapamo.
6 Omanu valua va popia lolukandi eci catiamẽla kocisola cavo ka ci pongoloka,Pole, helie o pondola oku sanga omunu umue wa koleliwa?
7 Ukuesunga o kasi oku endela vesunga liaye.+
Omãla vaye vana veya noke liaye, va sumũlũha.+
8 Eci soma a tumãla kocalo caye oco a sombise,+Ovaso aye a limbuka* ũvi wosi.+
9 Helie o pondola oku popia hati: “Ame nda yelisa utima wange;+Nda yela, si kuete ekandu”?+
10 Ovilemo viesanda kuenda oviyongelo viesanda,*Ovina via vĩha ku Yehova.+
11 Ndaño muẽle omõla, o kũlĩhĩwa kovilinga viaye,Nda ovilinga viaye viwa kuenda via sunguluka.+
12 Ovatũi ana a yeva yeva kuenda ovaso a vanja vanja,Yehova eye wa vi lulika.+
13 Ku ka sole otulo sanga o ka kala ohukũi.+
Patulula ovaso ove oco o kuate okulia kualua.+
14 “Ka ciwako, ka ciwako!” oco ca popia ukuakulanda;Kuenje eye enda loku lipanda omo liomĩlu a linga.+
15 Kuli ulu kuenda kulivo o koral yalua,*Pole, omẽla wa vana va kuete olondunge owo wa velapo vali.+
16 Tambula uwalo womunu nda eye wa likapelako oku feta ofuka yomunu ka kũlĩhĩwile;+Tambula ocina cimue kokuaye ndonjeke nda eye wa likapelako oku feta ofuka yukãi umue ocingendeleyi.+
17 Ombolo yi nganyaliwa luhembi yi pepa komunu,Pole, noke omẽla waye u yuka leseke.+
18 Nda pali ombangulo* asokiyo a kuata onima yiwa,*+Linga uyaki wove lolonumbi* vi tunda komunu umue wa loñoloha.+
19 Ukualundi o situlula olondaka vioku ũhila;+Ku ka likongele la una o sole olombonde.*
20 Wosi o siñala isiaye la inaye,Ondiyelo yaye yi ka ima eci kuiya owelema.+
21 Ukuasi u fetikiwa locipululu,Ka u ka kala esumũlũho kesulilo.+
22 Ku ka popie hoti: “Ndi ka fetuluinya ũvi omo liũvi va ndingila!”+
Talamẽla ku Yehova+ kuenje eye o ka ku popela.+
23 Ovilemo viesanda* via vĩha ku Yehova,Kuenda olomesaliso viesanda ka viwako.
24 Olonjila viomunu vi songuiwa la Yehova;+Omunu o tẽla ndati oku kuata elomboloko lionjila yaye muẽle?*
25 Omunu umue oku popia lonjanga okuti: “Ci Kola!” onjanjo+Kuenje noke oco lika a sokolola kueci a likuminya.+
26 Soma umue ukualondunge o sandola olondingaĩvi+
Kuenda o pitisa kokuavo elola lioku sasa.+
27 Efuimo liomunu olio ondiyelo ya Yehova,Oyo yi kũlĩhĩsa ovina via longa vio vutima.
28 Ocisola ka ci pongoloka kuenda ekolelo vi teyuila soma;+Omo liocisola ka ci pongoloka, eye o kolisa ocalo caye.+
29 Ulamba wamalẽhe ongusu yavo,+Kuenda eposo liava va kuka owele wavo.+
30 Oku lemẽhiwa kuenda apute vi imũla* ũvi,+Kuenda oku vetiwa ku yelisa ovina via longa vio vutima.
Atosi Pombuelo
^ Ale “eyove liohosi.”
^ Ale pamue, “Eye o ka sanda vokuenda kuotembo yoku ungula, pole, ka ka sanga lacimue.”
^ Ale “olonjongole.” Lit., “elungulo.”
^ Ale “a sisa.”
^ Ale “Ovilemo vivali viovawe kuenda ovikuata vivali vioviyongelo.”
^ Tala Elomboluilo.
^ Ale “elungulo.”
^ Ale “a kolisua.”
^ Ale “alungulo olondunge.”
^ Ale “o yapuisa lomẽla.”
^ Ale “Ovilemo vivali viovawe.”
^ Ale “onjila a kuama?”
^ Ale “vi yelisa.”
