Olosapo 17:1-28
17 Oku lila ocimuanyuila combolo ya kukuta vonjo yimue muli ombembua,* ca velapo+Okuti onjo yeyuka ovipito* kumue lovama ci sule.+
2 Nda omõla a cime o linga akutisasõi, upika umue o kuete olondunge, o ka tumĩla omõlaco;Eye o ka tambulavo ocipiñalo cimue nda umue pokati komãla va cime caco.
3 Opalata lulu vi yenguluiwa vondalu oco vi yelisiwe,+Pole, Yehova eye o kũlĩhĩsa eci ci kasi vutima womunu lomunu.+
4 Ondingaĩvi yi luluvalela kolondaka vi valula,Kuenda omunu ohembi o yevelela ovina vĩvi vakuavo va vangula.+
5 Wosi o sepula ohukũi o pembula Ululiki waye,+Kuenda wosi o sanjukila ohali ya vakuavo o ka yambuiwa.+
6 Olonekulu vi kasi ndekolowa ku vana va kuka,Kuenda omãla va tambula onduko yiwa omo liolonjali* viavo.
7 Eveke ka lia kũlĩhĩle ndomo li vangula eci ca sunguluka.*+
Cimuamue haico okuti, ka ca sungulukile ombiali* yimue oku vangula ovina viuhembi!+
8 Ombanjaile yimue yi kasi ndewe limue lia tĩla* ku muẽleaco;+Eye o kuata onima yiwa kovina viosi a linga.+
9 Omunu wosi ecela* ekandu, o sanda ocisola,+Pole, una amamako oku vangula catiamẽla kondaka yimue o tepa akamba vawa.+
10 Omunu wosi o kuete elomboloko o kuatisiwa calua eci a lunguiwa+Okuti oku veta eveke ocita kolonjanja, ci sule.+
11 Omunu ũvi o sanda lika esino,Pole, omunga yĩvi yi ka tumiwa oco yi ko yambule.+
12 Ca velapo oku sanga o ursu yomange ya nyẽlisa omãla vayo,Okuti oku li sanga leveke limue li kolela kuveke waye muẽle ci sule.+
13 Nda omunu umue o fetuluinya eci ciwa leci cĩvi,Ũvi ka u ka tunda vonjo yaye.+
14 Oku fetika uyaki ci kasi ndoku ecelela ovava oku pita;*Osimbu ema ka lia fetikile, tundapo.+
15 Omunu wosi o yovuisa ondingaĩvi kuenda omunu wosi o pisa ukuesunga,+Kavali kavo va vĩha ku Yehova.
16 Ci silivila nye eveke oku kuata epondolo lioku kuata olondungeNda olio ka li kuete onjongole* yoku kuata olondunge viaco?*+
17 Ekamba liocili li lekisa ocisola otembo yosi,+Kuenda olio li linga manjove kotembo yohali.+
18 Omunu wa kamba olondunge* o linga ohuminyo yimueYoku likapelako oku feta ofuka ya vakuavo kovaso yomunu a lisungue laye.+
19 Omunu wosi o sole ema o sole ekandu.+
Omunu wosi o lepisa ombundi yaye o sanda enyõleho.+
20 Omunu o kuete utima ũvi ka ka kuata onima yiwa,*+Kuenda una o vangula uhembi o ka sanga enyõleho.
21 Isia yomõla umue eveke o ka kuata esumuo;Kuenda isia yomõla wa kamba olondunge ka kuete esanju.+
22 Utima umue wesanju u kasi ndovihemba vi kayisa,*+Pole, utima wa sumua u lingisa etimba oku leñela.*+
23 Omunu wosi ondingaĩvi o ka tambula ovitukiko vuyombeki*Oco a pengise onjila yesunga.+
24 Omunu ukuelomboloko ocimãho caye oku kuata olondunge.
Pole, ovaso eveke a tungayala toke kasulilo o kilu lieve.+
25 Omõla eveke o kokela isiaye esumuoKuenda o sumuisa* inaye una wo cita.+
26 Ka ca sungulukile oku yambula ukuesunga.
Kuenda ka ca sungulukile oku tipula omanu va sumbiwa.
27 Omunu o kuete ukũlĩhĩso o lava olondaka viaye,+Omunu ukuelomboloko amamako oku tula utima.*+
28 Ndaño muẽle eveke, eci li ũha li tendiwa okuti li kuete olondunge.
Kuenda una o munĩha omẽla waye o tendiwa okuti, o kuete elomboloko.
Atosi Pombuelo
^ Lit., “ovilumba.”
^ Ale “etulumũho.”
^ Ale, “vakuepata.”
^ Ale, “Ciwa.”
^ Ale “ombuale.”
^ Ale “ewe limue li nena ohenda.”
^ Lit., “o tuvika.”
^ Ale “oku yulula ociva cimue.” Lit., “oku ecelela ovava.”
^ Lit., “utima.”
^ Ale “Nda eye eveke lio vutima?”
^ Lit., “wa kamba utima.”
^ Lit., “ka ka sanga uwa.”
^ Ale “uwa poku sakula.”
^ Ale “u kukutisa akepa.”
^ Lit., “ovitukiko vi tunda ponete.”
^ Lit., “oku lula.”
^ Lit., “o talala vespiritu.”
