Olosapo 15:1-33
15 Etambululo liwa li tulumũla onyeño,+Pole, ondaka ya kãla* yi wengula onyeño.+
2 Elimi lia vakualondunge li vangula ovina viwa lia kũlĩha,+Pole, vomẽla waveke mu tunda uveke.
3 Ovaso a Yehova a kasi kuosi,A lavulula omanu vawa lava vavĩ.+
4 Ombangulo yiwa* yi kasi nduti womuenyo,+Pole, ombangulo yĩvi yi koka oku pua elavoko.*
5 Eveke li pembula epindiso lia isiaye,+Pole, omunu ukualondunge o tava elungulo.*+
6 Vonjo yukuesunga muli ovokuasi alua,Pole, onima yupange wondingaĩvi yi kokela ovitangi kokuayo.+
7 Omẽla wukualondunge u sandeka ukũlĩhĩso,+Pole, utima weveke haicoko u linga.+
8 Ocilumba condingaĩvi, ocina cimue cumbondo ku Yehova,+Pole, Eye o sanjukila ohutililo yukuesunga.+
9 Yehova o nyãle onjila yondingaĩvi,+Pole, o sole omunu o sanda esunga.+
10 Ku una wa yapuka vonjila,+ epindiso li molẽha ndu okuti lĩvi,*Pole, wosi o suvuka elungulo o ka fa.+
11 Nda Yehova+ o pondola oku mola vana va kasi Vonjembo* kuenda vocitumãlo cenyõleho,*Ca piãla vali enene, eye o pondola oku mola eci ci kasi vovitima viomanu!+
12 Ukuakupembula ka sole omunu u lungula.*+
Eye ka ka sandiliya ukualondunge.+
13 Utima wa sanjuka u sanjuisa ocipala,Pole, eci omunu a sumua, esumuo liaco liu honguisa.+
14 Utima u kuete olondunge u sanda ukũlĩhĩso,+Pole, omẽla weveke u litekula* luveke.+
15 Oloneke viosi viomunu o tala ohali vĩvi,+Pole, omunu o kuete esanju vutima, wa sanjuka eteke leteke.*+
16 Ca velapo oku kuata citito loku sumbila Yehova,+Oku kuata ukuasi walua lasakalalo, ci sule.+
17 Ca velapo elonga liombelela yamẽla apa okuti pali ocisola,+Ongombe ya lẽla* apa okuti pali esuvu, ci sule.+
18 Omunu o tema lonjanga o koka ema,+Pole, una o livala konyeño o tulumũla ema.+
19 Onjila yukuawesi yeyuka olosongo,+Pole, onjila yukuesunga yi kasi ndelila lia tapika.+
20 Omõla ukualondunge o sanjuisa isiaye,+Pole, omunu eveke o pembula inaye.+
21 Uveke u sanjuisa una ka kuete olondunge,*+Pole, omunu ukuelomboloko o kuama onjila ya sunguluka.+
22 Nda ka pali ombangulo* esokiyo ka li tẽlisiwa,Pole, lolondunguli vialua pa kala onima yiwa.+
23 Omunu o sanjuka poku eca etambululo liwa,*+Kuenda ondaka yi popiwa votembo ya sokiyiwa, yiwa calua!+
24 Una o kuete olondunge endela vonjila yi loña komuenyo,+Kuenje o yuvula onjila yi lokila Konjembo.*+
25 Yehova o ka nyõla onjo ya vakuakulipanda,+Pole, eye o ka teyuila olongave viofeka yocimbumba.+
26 Yehova o suvuka esokiyo lĩvi liondingaĩvi,+Pole, Eye o sole olondaka viwa.+
27 Wosi o kuata onganyu yuhembi, o kokela ovitangi* vakuanjo yaye,+Pole, una o suvuka ovitukiko o kamamako lomuenyo.+
28 Ukuesunga o sokolola vutima osimbu ka tambuluile,*+Pole, omẽla wondingaĩvi u vangula ovina vĩvi.
29 Yehova o kasi ocipãla lolondingaĩvi,Pole, o yevelela ohutililo ya vakuesunga.+
30 Ocinyi covaso* ci sanjuisa utima;Esapulo liwa li kavuluisa akepa.*+
31 Wosi o yevelela kelungulo li eca omuenyo,O tunga pokati ka vakualondunge.+
32 Wosi ka tava kepindiso o pembula omuenyo waye,+Pole, wosi o yevelela kelungulo o kuata elomboloko.*+
33 Oku sumbila Yehova ku longisa omunu oku kala ukualondunge,+Kuenda kovaso yumbombe ku iya ulamba.+
Atosi Pombuelo
^ Ale “yi vala.”
^ Ale “Ombangulo yi sakula.”
^ Lit., “oku sumuisiwa kuespiritu.”
^ Ale “epindiso.”
^ Ale “lia kãla.”
^ Okuti, ocitumãlo mu kendiwa omanu va fa.
^ Ale “kuenda Abadone.”
^ Ale “u pindisa.”
^ Ale “u sanda.”
^ Ale “Eye wa sanjuka ndu okuti eteke leteke o kuete ocipito.”
^ Lit., “ya tekuiwa pocililo covinyama.”
^ Lit., “ka kuete utima.”
^ Ale “ombangulo yoku ũhila.”
^ Lit., “etambululo li tunda vomẽla waye.”
^ Okuti, ocitumãlo mu kendiwa omanu va fa.
^ Ale “esepu.”
^ Ale, “o sokolola lutate ndomo a tambulula; o sokolola osimbu ka vanguile.”
^ Lit., “li lẽlisa akepa.”
^ Ale “Oku vanja lesanju ku.”
^ Lit., “utima.”
