Olosapo 10:1-32
10 Olosapo via Salomone.+
Omõla ukualondunge o sanjuisa isiaye,+Pole, omõla eveke esumuo lia inaye.
2 Ovokuasi a nganyaliwa levĩho, ka a ka kuata esilivilo,Pole, oku linga eci ca sunguluka ci yovola kolofa.+
3 Yehova ka ka ecelela okuti, ukuesunga o kala onjala,+Pole, eye o ka likala olondingaĩvi ovina vi livela oku kuata.
4 Omunu ukuawesi o ka kala ohukũi,+Pole, omunu ukuambili o ka kala ohuasi.+
5 Omõla ungula pondombo o lekisa olondunge,Pole, omõla o pekela calua vokuenda kuotembo yoku ungula, o li kokela eye muẽle osõi.+
6 Ukuesunga o ka tambula asumũlũho,+Pole, omẽla wondingaĩvi u seleka ungangala.
7 Omunu ukuesunga o ka ivalukiwa loku sumũlũisiwa,+Pole, onduko yondingaĩvi yi ka nyõliwa.+
8 Omunu o kuete utima wolondunge, o ka tava kolonumbi,*+Pole, omunu o vangula uveke o ka nyõliwa.+
9 Omunu endela vekolelo o ka enda loku kolapo,+Pole, wosi okuti ohembi, ka ka tẽla oku limbika eci a linga.+
10 Omunu una o pakola ovaso aye locimãho cĩvi, o koka ohali,+Kuenda omunu o vangula uveke o ka nyõliwa.+
11 Omẽla wukuesunga ono yomuenyo,+Pole, omẽla wondingaĩvi u seleka ungangala.+
12 Onya yi koka ovama,Pole, ocisola ci tuvika akandu osi.+
13 Olondunge vi sangiwa vomẽla womunu ukuelomboloko,+Pole, ombueti oyo yoku veta onyima yomunu eveke.*+
14 Vakualondunge va seleka ukũlĩhĩso,+Pole, omẽla weveke u kasi ocipepi loku nyõleha.+
15 Ovipako* viomunu ohuasi, ovio olupale luaye lu kuete oviteyuilo.
Enyõleho liolohukũi olio uhukũi wavo.+
16 Ovopange wukuesunga a tuala komuenyo;Pole, onima yupange wondingaĩvi yi tuala kekandu.+
17 Una o kakatela kepindiso, o kala onjila yomuenyo ku vakuavo,*Pole, una o likala elungulo o yapuisa vakuavo.
18 Una o seleka onya yaye o vangula ovohembi,+Kuenda una o sandeka asapulo ãvi* eveke.
19 Apa pali olondaka vialua, ka pa kambela oku lueya,+Pole, wosi o lava omẽla waye, o lekisa olondunge.+
20 Elimi liukuesunga li kasi ndopalata ya fina,+Pole, utima wondingaĩvi u kuete esilivilo litito.
21 Omẽla wukuesunga u tekula* valua,+
Pole, eveke li fa omo liekambo liolondunge.+
22 Esumũlũho lia Yehova, olio li lingisa omunu oku kala ohuasi,+Kuenda Eye ka vokiyako ohali* layimue.
23 Oku limba kovilinga vi kutisa osõi ci kasi ndocipapalelo keveke,Pole, omunu ukuelomboloko o kuete olondunge.+
24 Ovina ondingaĩvi yi kuetele usumba, vi keya kokuaye;Pole, ovina ukuesunga a yongola, vi ka eciwa kokuaye.+
25 Ndeci ehunguhungu liofela li nyõla ovina, haico ondingaĩvi yi ka nyõliwa.+
Pole, ukuesunga o kasi ndociseveto otembo ka yi pui.+
26 Ndeci ci kasi indangele vovayo kuenda owisi vovaso,Haico ci kasi omunu ukuawesi ku una u tuma.*
27 Oku sumbila Yehova ku amisa omuenyo,+Pole, anyamo ondingaĩvi, a ka tepuluiwa.+
28 Elavoko liukuesunga li nena esanju,+Pole, elavoko liondingaĩvi li ka nyõleha.+
29 Onjila ya Yehova, oyo ociteyuilo komunu wa pua etondelo,+Pole, kolondingaĩvi yi lomboloka enyõleho.+
30 Ukuesunga lalimue eteke a ka kupuka,+Pole, ondingaĩvi ka yi ka tunga vali kilu lieve.+
31 Omẽla wukuesunga weca apako olondunge,Pole, elimi liuhembi li ka tetiwa.
32 Omẽla wukuesunga wa kũlĩha eci ci sanjuisa,Pole, omẽla wondingaĩvi ũvi.
Atosi Pombuelo
^ Lit., “ovihandeleko.”
^ Lit., “ka kuete utima.”
^ Ale “ovina via velapo.”
^ Ale pamue, “o kasi vonjila yomuenyo.”
^ Ale “olombonde.”
^ Ale “u songuila.”
^ Ale “esumuo; ovitangi.”
^ Ale “ku cime caye cupange.”
