Әфәсликләргә 4:1—32
4 Әнди мән, Һакимдар йолидики мәһбус, силәрдин шуни ялвуримәнки, чақирилған намиңларға лайиқ иш қилиңлар,
2 әқилниң барлиқ мулайимлиғи билән, кичик пейиллиқ һәм узақ сәвирлик, меһир-муһәббәтлик билән бир-бириңларға кәң қосақлиқ болуп,
3 течлиқниң инақлаштуридиған риштилиридә роһниң бирлигини сақлашқа интилиңлар.
4 Бир тән вә бир роһ бар — худди чақирилғанларда пәқәт бир үмүт бардәк,—
5 Һакимдар бир, етиқат бир, чөмдүрүлүш бир,
6 һәммисиниң Атиси һәм Худаси бирдур, У һәммидин үстүн, һәммиси арқилиқ вә һәммисидә.
7 Һәрбиримизгә Мәсиһ бәлгүлигән һәдийәниң өлчими бойичә мол меһирлик көрситилди.
8 Шуңа У мундақ дәйду: «Әршкә көтүрилип, тутқунларни елип кәтти вә һәдийәләр сүпитидә инсанларни бәрди».
9 «Көтүрилип» дегән, у шундақла төвәнки чәкләргә, йәни йәргә чүшкән дегәнликни билдүрмәмду?
10 Йәргә чүшкән болса, һәммигә толуқлуқни* бериш үчүн, шундақла барлиқ асманлардин егиз көтүрүлди.
11 У бәзиләрни әлчиләр, бәзиләрни пәйғәмбәрләр, бәзиләрни инҗилниң вәзичилири, бәзиләрни падичилар һәм устазлар сүпитидә бәрди —
12 муқәддәсләрни түзитиш үчүн, хизмәт иши үчүн, Мәсиһниң тенини мустәһкәмләш үчүн,
13 нәтиҗидә, биз һәмимиз етиқатта бирликкә йетишимиз вә Худаниң Оғлини тоғра билишимиз, чоң кишиниң пишип-йетилишигә, Мәсиһниң толуқлиғиға хас тәрәққият өлчимигә йетишимиз үчүн.
14 Биз әнди қәстлик алдамчилиқниң һелигәрлиги һәм инсаний қувлуқниң васитисидин долқунлар чайқалғандәк, һәрқандақ тәлиматниң шамили билән сәнтүрүлүп жүргән гөдәкләр болмишимиз үчүн уларни бәрди.
15 Амма һәқиқәтни ейтип, баш болған Мәсиһкә һәммә нәрсидә меһир-муһәббәт билән өсүп-йетәйли.
16 Униңдин уйғун қошулуватқан вә һаҗәтлик һәрхил өгиләр васитисидин бир-бири билән һәрикәтлиниватқан пүткүл тән. Өзигә хас көләми бойичә маслишип ишләватқан һәрбир әза, меһир-муһәббәттә мустәһкәмлиниш үчүн, тәнниң өсүшигә ярдәм қилмақта.
17 Шуңлашқа мән буни ейтип, Һакимдар йолида гувалиқ беримәнки, башқа хәлиқләр әқлиниң пайпетәкчилиги бойичә иш тутқандәк, силәр башқа иш тутмаңлар.
18 Улар әқли билән қараңғулуқта болуп, Яратқучидин чиқидиған һаятлиқтин қәлблириниң қопаллиғидин һәм наданлиғидин мәһрум қилинған.
19 Улар һар-номусни жүтирип, ачкөзләрчә һәрқандақ напаклиқ билән шуғуллиниш үчүн, әхлақсиз жүрүш-турушқа берилди.
20 Бирақ силәр Мәсиһни ундақ тонумидиңлар,
21 пәқәт әгәр силәр һәқиқәтән уни аңлап, у тәрипидин үгитилгән болсаңлар — һәқиқәт Әйсада болғанлиқтин —
22 өзиниң алдамчи арзу-һәвәслиридин бузулуп, авалқи һаят тәризи билән маслашқан кона шәхсиңларни ташлап,
23 әқлиңларни ойғитидиған күч билән йеңилинип,
24 Худаниң ирадиси бойичә һәқиқий һәққанийлиқта һәм садиқлиқта яритилған йеңи шәхскә өзгириңлар.
25 Шуниң билән, әнди силәр ялғанчилиқни ташлиғанда, йениңдики кишигә һәрким һәқиқәтни сөзлә, чүнки биз бир-биримизниң әзалиридур.
26 Ғәзәпләнгәндә гуна қилмаңлар, силәр терикип жүрүп, күн петип кәтмисун
27 һәм Иблисқа йол қоймаңлар.
28 Ким оғрилиған болса, башқа оғрилимисун, әксичә, у муһтаҗ болған билән бөлүшүшкә өз қоли билән пайдилиқ әмгәкни пүткүл вуҗудидин қилсун.
29 Ағзиңлардин бирму сесиқ сөз чиқмисун, әксичә, тиңшаватқанларға яхшилиқ әкелиш үчүн — керәк вақитта — пәқәт пайдилиқ сөз мустәһкәмләшкә чиқсун.
30 Төләм билән азатлиниш күнидә мөһүрләнгән силәр Худаниң муқәддәс роһини рәнҗитмәңлар.
31 Һәрқандақ явузлуқ, ғәзәп, қәһәрлик, җедәл һәм аһанәт һәрхил яманлиқтәк, силәрдин нери болсун.
32 Бәлки бир-бириңларға меһриван, чоңқур һәмдәртмән болуңлар. Худайим Мәсиһ арқилиқ силәрни қандақ һиммәтлик кәчүргинидәк, силәрму бир-бириңларни шундақ һиммәтлик кәчүрүңлар.
Изаһәтләр
^ Яки «һәммә нәрсини йәкүнләшкә».
