Пәнд-нәсиһәтләр 10:1—32
10 Сулайманниң тәмсиллири.
Дана оғул атисини хошал қилиду,
Надан оғул болса, анисиға дәрт әкелиду.
2 Қиңғир йол билән тапқан байлиқтин
Пайда-мәнпийәт болмайду, һәққанийлиқ
Һәммә һалактин қутқузиду.
3 Йәһва Илаһ һәққанийниң ач қелишиға
Йол қоймайду, қанунсизларниң қилиғи,
Һәрбир хәсислигини рәт қилиду.
4 Һорунлуқ гадайлиққа йәткүзиду,
Ишләмчан қол болса, бай қилиду.
5 Әқиллиқ оғул яз күни һосул жиғиду,
Әқилсиз оғул ома вақтида ухлайду.
6 Һәққанийниң бешида бәрикәтләр,
Қанунсизниң еғизи яманлиқ төкиду.
7 Һәққаний тоғрилиқ хатирә қелип,
Бәрикәтлиниду, зулумлар исми болса
Чирип, пүтүнләй йоқилиду.
8 Дана қәлби бар киши мәслиһәтләргә
Қулақ салиду, ойлимай сөзләйдиғанлар
Җапа тартип, азаплиниду.
9 Әйипсизликтә жүргән инсан бехәтәрликтә яшайду,
Һә, ким йоллирини әгир қилса,
Паш қилип, җазалиниду.
10 Һейлә-микирликтә қариған киши
Дәрт-һәсрәт елип келиду, еғизлирини
Күзәтмигән киши зиянға учрайду.
11 Һәққанийниң еғизлири — һаятлиқниң мәнбәси,
Қанунсизлар еғизлири пәқәт
Вәһшиликниң намайәндисидур.
12 Өчмәнлик бөлүнүш-маҗра туғиду.
Меһир-муһәббәт болса, һәрқандақ йүз
Бәргән келишмәсликләрни япиду.
13 Диққәтликниң тилида данишмәнлик
Бар, пәмсизниң дүмбисидә таяқ ойнайду.
14 Данишмәнләр билимләрни қәдирләйду,
Наданлар болса, өзлирини һалак қилиду.
15 Бай үчүн байлиғи мустәһкәм шәһәрдәк
Билиниду, намрат үчүн гадайлиғи таяқтур.
16 Һәққанийға соғат — һаятлиқ, вәһши
Үчүн тапқан-тәргини — гунакарлиқ.
17 Һаятлиққа апиридиған йол яхши
Қаидиләрни сақлаштур, нәсиһәтни инкар
Қилған башқиларни адаштуриду.
18 Адавитини йошурған адәм ялғанчилиқ
Ейтмақта, тохтимай ғевәт қиливатқанму
Әқилсиз инсанлар қатариға ятиду.
19 Көп сөзлисәң, гунадин қуруқ қалмайсән,
Ким еғизини күзәтсә, пәм-парасәтликтур.
20 Һәққанийниң тили — әң есил күмүч,
Рәзилниң жүриги бир тийинму турмайду.
21 Һәққанийниң сөзлири нурғунлирини отлитиду,
Әқилсизниң сөзлиригә беқип,
Көплири өлүмгә маңиду.
22 Йәһваниң бәрикити у пәқәт бейитиду
Вә өзи билән хапичилиқни елип кәлмәйду.
23 Яман иш әқли кам үчүн тамашә,
Ойлинидиған кишигә даналиқ тәәллуқ.
24 Гунакар немидин қорқса, шуни ахири учритиду,
Һәққанийниң арзу-арманлири болса,
Ахири орунлиниду.
25 Боһран өтиду вә қанунсиз йоқилиду,
Адил мәңгү һулда туруп қалиду.
26 Сиркә — чишлар вә ис — көзләр үчүн
Қандақ аччиқ болса, шундақла һорун
Ишқа буйруғанлар үчүндур.
27 Йәһва алдида һөрмәт билән әйминиш
Өмүрни узартиду, зулумларниң
Жиллири болса, қисқартилиду.
28 Һәққанийлар үмүти хошаллиқ әкелиду,
Рәзилләр үмүти гумран болиду.
29 Йәһва Рәббниң йоли нуқсансиз үчүн һимайидур,
Явузлар арманлири дәһшәткә елип келиду.
30 Адил киши һечқачан тәврәнмәс,
Рәзилләр болса, йәрдә яшимас.
31 Һәққаний еғизлириниң мевиси —
Даналиқни бериду, бузуқ тиллар тохтайду.
32 Һәққаний илтипатлиқ сөзләрни ейтиду,
Қанунсиз еғизлар пәқәт ялғанчилиқни.
