Faataoto 8:1-36
8 E a, e se ko te poto tenei e kalaga mai?
E a, e se ko te atamai i te faiga o faka‵tauga ‵lei tenei e maluga tena leo?+
2 I koga ma‵luga+ i tafa o te auala,E tu ei a ia i maga o auala.
3 I tafa o mataloa o ‵pui o te fakai kolā e olo atu ki loto i te fakai,I auala o mataloa,E tagi a ia i ei i se leo maluga:+
4 “Au e kalaga atu ki a koutou, e tino;E avaka toku leo ki luga ki a koutou katoa.*
5 Koutou e tino kolā e se lasi te otou iloa, tauloto ki te atamai;+Koutou e tino va‵lea, fai ke maua te loto malamalama.*
6 Faka‵logo mai, me e tāua a mea kolā ka fai atu ne au,A oku laugutu e fai‵pati ki te mea tonu;
7 Me e musumusu atu eiloa toku gutu e uiga ki te munatonu,Kae takalia‵lia oku laugutu ki te mea masei.
8 A pati katoa o toku gutu e amio‵tonu.
E seai eiloa se mea pikopiko io me e se tonu i ei.
9 E ‵sao katoatoa a mea konā ki te tino e atamai i te faiga o faka‵tauga ‵leiKae ‵tonu ki a latou kolā ko maua ne latou te iloaga.
10 Puke ki aku polopolokiga i lō siliva,Mo te iloaga i lō te ‵toe aulo ‵lei,+
11 Me i te poto e ‵lei atu i lō kamu;*A nisi mea tāua katoa e se mafai o faka‵pau ki ei.
12 Au ko te poto e ‵nofo fakatasi mo te atamai;Ko oti ne maua ne au te iloaga mo te malosi o te mafaufau.+
13 A te mataku ki a Ieova ko te takalialia ki te masei.+
E takalialia au ki te fia maluga mo te fakamatamata+ mo te auala matagā mo faipatiga fakaloiloi.+
14 E maua ne au a pati fakatonutonu ‵lei mo te aoga o te poto;+Te malamalama+ mo te malosi+ i a aku.
15 E auala i a au e tumau ei a tupu i te pule atu,Kae ko ofisa ma‵luga e fai a fakatonuga i te amiotonu.+
16 E auala i a au e tumau ei a pelenise i te pule atu,Kae ko tino tāua e fai a fakamasinoga i te amiotonu.
17 Au e alofa ki a latou kolā e a‵lofa mai ki a au,Kae ko latou kolā e ‵sala mai ki a au ka maua eiloa ne latou au.+
18 E maua ne au a koloa mo te ‵malu,Te maumea tumau* mo te amiotonu.
19 Aku fuataga e ‵lei atu i lō te aulo, ke oko foki ki aulo ne faka‵ma,Kae ko mea e tuku atu ne au e ‵lei atu i lō toe siliva ‵lei.+
20 E sasale au i te ala o te amiotonu,I te kogaloto o auala o te fakamasinoga tonu;
21 E tuku atu ne au se tofi tāua ki a latou kolā e a‵lofa mai ki a au,Kae e faka‵fonu ne au olotou fale ‵teu koloa.
22 Ne fai ne Ieova au e pelā me ko te kamataga o tena auala,+Ko te mea muamua eiloa o ana galuega ne fai i aso mua.+
23 Au ne fakatu aka mai i taimi mua eiloa,*+Mai te kamataga, kae koi tuai o isi se lalolagi.+
24 Au ne fanau* i te taimi ne seki ai ei ne vai ‵poko,+I te taimi ne seki ai ei ne vaipuna e ‵fonu maligiligi i vai.
25 Koi tuai o faka‵tu a mauga i olotou tulaga,Koi tuai o isi ne tamā mauga, ne fanau ei au,
26 I te taimi ne seki faite ei ne ia a te lalolagi mo ana laukeleIo me ko fakaputuga one muamua o te lalolagi.
27 I te taimi ne fakatoka ei ne ia te lagi,+ ne nofo au i konā;I te taimi ne fakamailoga ei ne ia a te kapakapalagi* i luga i te vai,+
28 I te taimi ne faka‵mautakitaki* ei ne ia a kaumana i luga,I te taimi ne fakavae ei ne ia a punavai o koga ‵poko,
29 I te taimi ne fai ei ne ia te fakatonuga mō te taiKo ana vai ke mo a ma silia atu i tena fakatonuga,+I te taimi ne faka‵mautakitaki* ei ne ia a fakavae o te lalolagi,
30 Tenā ne nofo atu ei au i ana tafa e pelā me se tufuga apo i te faite mea.+
Ko au te tino telā ne alofa fakapito a ia ki ei+ i aso takitasi;Ne fiafia au i ana mua i taimi katoa;+
31 Ne fiafia au ki tena lalolagi nofoaki,Kae ne alofa fakapito eiloa au ki tama a tāgata.*
32 Nei la, e aku tama, faka‵logo mai ki a au;Ao, e fia‵fia a latou kolā e tausi ki oku auala.
33 Fakalogo ki polopolokiga+ ke poto koe,Kae ke mo a eiloa ma manatu māmā ki ei.
34 E fiafia te tagata telā e fakalogo mai ki a auMai te vau i te tafataeao ki* oku mataloa i aso takitasi,Mai te faka‵tali i tafa o pou o oku mataloa;
35 Me i te tino e maua ne ia au ka maua ne ia te ola,+Kae maua foki ne ia te taliaga mai i a Ieova.
36 Kae ko te tino e se fia saga mai ki a au e fakalogo‵mae ne ia a ia eiloa,Kae ko latou kolā e takalia‵lia mai ki a au e fia‵fia ki te mate.”+
Fakamatalaga mai lalo
^ Epelu, “ki tama a tāgata.”
^ Epelu, “malamalama i te loto.”
^ Io me “Tofi tāua.”
^ Io me “Mai te fia senitenali.”
^ Io me “aumai e pelā mo te ‵mae o se fafine telā ka fanau.”
^ Epelu, “se mea pukupuku.”
^ Epelu, “fai ke malosi.”
^ Io me “fakatonu.”
^ Io me “tino.”
^ Io me “Mai te tumau i te matapulapula i.”
