Faataoto 12:1-28
12 A te tino e fiafia ki polopolokiga e fiafia ki te iloaga,+Kae ko te tino e takalialia ki polopolokiga ‵mafa e valea.+
2 A te tino ‵lei e maua ne ia te taliaga a Ieova,Kae e taku fakamasei ne Ia te tagata e faitogafiti ma‵sei.+
3 E seai se tagata e saogalemu e auala i amioga ma‵sei,+Kae ko tino amio‵tonu ka se mafai eiloa o unu kea‵tea.
4 A te fafine avaga fakatuagagina se kalauna ki tena avaga,+Kae ko te fafine avaga e fai ne ia a mea fakamasiasi e fai pelā me ne ivi ‵pala o tena avaga.+
5 A mafaufauga o tino amio‵tonu e ‵tonu,Kae ko te takitakiga a tino amio ma‵sei e faka‵se tino.
6 A pati a tino amio ma‵sei e fai pelā me se fili e ‵muni o fakatalitali ke tamate se tino,+Kae ko te gutu o te tino fai mea tonu e faka‵sao ei latou.+
7 Kafai ko fakaseai atu a tino amio ma‵sei, ko ‵galo atu ei latou,Kae ko te fale o tino amio‵tonu ka tumau eiloa.+
8 E maua ne se tagata a vikiga ona ko te poto o tena gutu,+Kae ko te tino e ‵fuli fakakotua tena loto ka fakatakalialiagina.+
9 E ‵lei atu ke fai pelā me se tino malalo kae tokotasi fua tau taviniI lō te fai ne koe a koe ke ‵malu kae seai ne au meakai.*+
10 A te tino amiotonu e tausi faka‵lei ki ana manu fagai,+Kae ko te alofa fakamagalo o te tino amio masei e uiga fakasaua.
11 A te tino e galue i tena laukele ka lotomalie ki meakai,+Kae ko te tino e se lava tena faka‵tau e kausaki atu ki mea sē aoga.
12 A te tagata masei e kaisano i mea a nisi tāgata matagā ne maua,Kae ko aka o tino amio‵tonu e ‵fua mai i ei a fuataga.
13 A te tagata matagā e maleigina ne ana pati agasala eiloa,+Kae ko te tino amiotonu e sao mai i puapuaga.
14 A te tagata e malie ki mea ‵lei e fua mai i ana pati,+Kae ka maua ne ia te taui mai galuega o ana lima.
15 A te auala o te tino valea e tonu eiloa i tena kilokiloga,+Kae ko te tino poto e talia ne ia a pati fakatonutonu.+
16 A te tino valea e fakaasi fakavave* ne ia tena sē fiafia,+Kae ko te tagata atamai e se fia saga atu ki pati fakamasei.
17 A te tino telā e molimau atu mo te fakamaoni ka faipati eiloa ki te mea tonu,*Kae ko te molimau ‵pelo e faipati ki te loi.
18 A pati e fai mo te sē mafaufau e ‵pau mo te ‵suki o se pelu,Kae ko te gutu o te tino poto se faka‵leiga.+
19 A laugutu fakamaoni ka tumau ki te se-gata-mai,+Kae ko te gutu loi ka tumau fua i se taimi toetoe.+
20 A te faitogafiti e maua eiloa i loto o latou kolā e fai olotou aofaga ma‵sei,Kae e fia‵fia a latou kolā e fakamaluga ne latou te filemu.+
21 Ka seai se fakalavelave e oko atu ki te tino amiotonu,+Kae ko tino amio ma‵sei ka ‵fonu i fakalavelave.+
22 A laugutu ‵loi ne mea fakatakalialia ki a Ieova,+Kae ko latou kolā e gasue‵sue mo te fakamaoni e aumai ne latou te fiafia ki a ia.
23 A te tagata atamai e ‵funa tena mea e iloa,Kae ko te loto o te tino valea e laulau atu ne ia tena valea.+
24 A te lima o tino ga‵lue malosi ka pule,+Kae ko lima paie ka faimālō ke fai a galuega ‵mafa.+
25 A te manavase i te loto o se tagata e fai ei ke vāivāi a ia,+Kae ko te pati ‵lei e fakamalosi i ei a te loto.+
26 A te tino amiotonu e salasala ki ana koga moukuā,Kae ko te auala o tino amio ma‵sei e takitaki ‵se ei latou.
27 A te tino paie e se afuli ne ia te manu mo ana kai,+Kae ko te galue malosi se koloa tāua a se tagata.
28 A te auala o te amiotonu e takitaki atu ei ki te ola;+E seai eiloa se mate i ei.
Fakamatalaga mai lalo
^ Epelu, “falaoa.”
^ Io me “i te aso eiloa tenā.”
^ Epelu, “te mea telā e amiotonu.”