Hofu ya Kifo—Unaweza Kuishindaje?
Jibu la Biblia
Tuna sababu nzuri ya kuogopa kifo kama tunavyomwogopa adui na kuchukua hatua zinazofaa ili kujilinda. (1 Wakorintho 15:26) Lakini, kuogopa kifo kwa sababu ya mafundisho ya uwongo au ushirikina husababisha watu ‘watiishwe chini ya utumwa katika maisha yao yote.’ (Waebrania 2:15) Kujua ukweli kutakuweka huru kutokana na kuogopa kifo—hofu ambayo inaweza kuharibu shangwe yako.—Yohana 8:32.
Ukweli kuhusu kifo
Wafu hawajui lolote. (Zaburi 146:4) Hupaswi kuogopa kwamba baada ya kufa utapata maumivu au utateseka, kwa sababu Biblia inalinganisha kifo na usingizi.—Zaburi 13:3; Yohana 11:11-14.
Wafu hawawezi kutuumiza. Hata wale ambao walikuwa adui zetu wanakuwa “wasiojiweza katika kifo.” (Methali 21:16) Biblia inasema kwamba “chuki yao na wivu wao tayari zimepotea.”—Mhubiri 9:6.
Kifo si mwisho wa kuwepo kwetu. Mungu atawafufua wafu.—Yohana 5:28, 29; Matendo 24:15.
Mungu anaahidi wakati “kifo hakitakuwapo tena.” (Ufunuo 21:4) Kuhusu siku hiyo, Biblia inasema: “Waadilifu wenyewe wataimiliki dunia, nao watakaa milele juu yake,” wakiwa huru kabisa na bila hofu ya kifo.—Zaburi 37:29.
Huenda Ukapenda Pia
ESSENTIAL BIBLE TEACHINGS
Wafu Wako Katika Hali Gani?
Biblia inaahidi kwamba kuna wakati ambapo watu wengi watafufuliwa, kama tu Lazaro alivyofufuliwa.
MNARA WA MLINZI
Maoni ya Biblia Kuhusu Uhai na Kifo
Je, kuna sehemu fulani inayoendelea kuishi baada ya mtu kufa? Je, tuna nafsi isiyoweza kufa? Wafu wako wapi?
AMKENI!
Mtoto Wako Anapokuuliza Kuhusu Kifo
Mambo manne yanayoweza kukusaidia kujua jinsi ya kumjibu mtoto wako na kumsaidia kukubaliana na kifo kinapotokea
MAJIBU YA MASWALI YA BIBLIA
Ufufuo Ni Nini?
Huenda ukashangaa kujua ni nani watakaofufuliwa wakati ujao.
