Tihlabelelo 46:1-11
Sicondziso lesiya kumcondzisi. Ingoma yemadvodzana aKhora.+ Kufanele ihlatjelwe nge-Alamothi.*
46 Nkulunkulu usiphephelo setfu nemandla etfu,+Kumelula kutfola lusito kuye nasicindzetelekile.+
2 Ngiko singeke sesabe, ngisho nobe umhlaba ungatamatama,Ngisho nobe tintsaba tingawela ekujuleni kwelwandle,+
3 Ngisho nobe emanti elwandle angahlokoma futsi aphukuhle emagwebu,+Ngisho nobe tintsaba tinganyakata ngenca yekutfukutsela kwalo. (Sela)
4 Kunemfula lonemifudlana lejabulisa bantfu labahlala edolobheni laNkulunkulu,+Ethendeni lelikhulu lelingcwele laLosetikwako Konkhe.
5 Nkulunkulu ukulelidolobha,+ kungako lingeke lincotjwe.
Nkulunkulu utalisita entsatsakusa.+
6 Bekunesiphitsiphitsi etiveni, imibuso yancotjwa;Nkulunkulu wamemeta, futsi umhlaba wancibilika.+
7 Jehova wemabutfo unatsi;+Nkulunkulu waJakobe uyindzawo yetfu yekukhosela lephephile.* (Sela)
8 Wotani nitewubona imisebenti yaJehova,Nibone kutsi wente tintfo letimangalisako emhlabeni.
9 Ucedza timphi emhlabeni wonkhe.+
Wephula butjoki, ephule nesikhali sibe ticucu;Futsi ushisa tincola temphi* ngemlilo.
10 Yena utsi: “Titfobeni futsi nati kutsi nginguNkulunkulu.
Ngitawuphakanyiswa emkhatsini wetive;+Ngiphakanyiswe nasemhlabeni.”+
11 Jehova wemabutfo unatsi;+Nkulunkulu waJakobe uyindzawo yetfu yekukhosela lephephile.+ (Sela)
Imibhalo lengentansi
^ Fundza Tinchazelo Temagama.
^ Nobe “lephakeme levikelekile.”
^ Kungaphindze kubekwe ngekutsi, “emahawu.”