“Awu Bhetlehema Efratha, . . . kuwe kutawuvela umbusi lotawenta intsandvo yami ka-Israyeli.”

Mikha 5:2

“Ngemuva kwekutalwa kwaJesu eBhetlehema yaseJudiya, ngesikhatsi kubusa iNkhosi Herodi, bantfu labaphengula ngekufundza tinkhanyeti lebebavela eMphumalanga befika eJerusalema.”

Matewu 2:1

“Tehlukaniselana timphahla tami, futsi tenta inkatho ngengubo yami.”

Tihlabelelo 22:18

“Ngesikhatsi emasotja sekabetsele Jesu elugodvweni, atsatsa tingubo takhe tangetulu atehlukanisa taba tincenye letine . . . Lengubo yangephansi beyite umtfungo, kodvwa beyelukiwe kusuka etulu kuya phansi. Lamasotja akhuluma odvwa atsi: ‘Asingayidzabuli, kodvwa asenteni inkatho sitewubona kutsi ngubani lokufanele ayitsatse.’ ”

Johane 19:23, 24

“Uvikela onkhe ematsambo akhe; kute ngisho nalinye lelephukile.”

Tihlabelelo 34:20

“Kodvwa atsi nakefika kuJesu amkhandza sekavele afile, ngako akazange amephule imilente.”

Johane 19:33

“Wahlatjwa ngenca yetono tetfu.”

Isaya 53:5

“Lelinye lalamasotja lamgwaza ngesikhali emhlubulweni, masinyane kwaphuma ingati nemanti.”

Johane 19:34

“Bangiholela tinhlavu telisiliva letingu-30.”

Zakhariya 11:12, 13

“Ngemuva kwaloko, Judasi Skariyothi, lomunye webaphostoli labangu-12, wahamba waya kubaphristi labakhulu, wafike watsi: ‘Yini lenitanginika yona nangingamtsengisa kini?’ Batsi batamnika tinhlavu telisiliva letingu-30.”

Matewu 26:14, 15; 27:5