Tihlabelelo 37:1-40
Ingoma yaDavide.
א [Aleph]
37 Ungatfukutseli* ngenca yebantfu lababiNobe ube nemona ngalabenta lokubi.+
2 Batawusheshe babune njengetjani+Babune njengetjani lobuluhlata lobusandza kumila.
ב [Beth]
3 Yetsemba Jehova, wente lokuhle;+Uhlale emhlabeni,* futsi wetsembeke.+
4 Jabula kakhulu ngaJehova,Futsi yena utawenetisa tifiso tenhlitiyo yakho.
ג [Gimel]
5 Vumela Jehova akuhole;*+Yetsembela kuye, futsi yena utakusita.+
6 Utakwenta kulunga kwakho kugcame njengekukhanya kwasekuseni,Ente kulunga kwakho kubonakale njengelilanga lasemini.
ד [Daleth]
7 Thula embikwaJehova+Futsi umlindzele ngekulangatelela.*
Ungatfukutseli ngenca yemuntfuLophumelelako ebucilini bakhe.+
ה [He]
8 Yekela kutfukutsela, uyekele nekuba nelulaka;+Ungacansuki, futsi ungakwenti lokubi.*
9 Ngobe bantfu lababi batawucedvwa,+Kodvwa labetsembela kuJehova batawudla lifa lemhlaba.+
ו [Waw]
10 Ngemuva nje kwesikhashana, bantfu lababi ngeke basaba khona;+Utawubuka lapho bebatfolakala khona,Kepha batawube bangasekho.+
11 Kodvwa labamnene batawudla lifa lemhlaba,+Futsi batawujabulela kuthula lokukhulu.+
ז [Zayin]
12 Umuntfu lomubi wakha emacebo lamelene nalolungile;+Uyatfukutsela* nakambona.
13 Kodvwa Jehova utamhleka,Ngobe uyati kutsi lusuku lwekubhujiswa kwakhe luyeta.+
ח [Heth]
14 Lababi bahoshula tinkemba tabo, bagobe nebutjoki baboKuze bawise labacindzetelekile nalabeswele,Futsi babulale labo labacotfo.
15 Kodvwa inkemba yabo itawugwaza tinhlitiyo tabo;+Nebutjoki babo butawephuka.
ט [Teth]
16 Lokuncane lanako lolungile kunconoKunenala labanayo bantfu labanyenti lababi.+
17 Ngobe imikhono yalababi itawephulwa,Kodvwa Jehova utabasekela labalungile.
י [Yod]
18 Jehova uyakwati loko lababhekana nako labamsulwa,*Futsi lifa labo litawuhlala kuze kube phakadze.+
19 Ngeke bahlazeke ngelilanga lenhlekelele;Ngesikhatsi sendlala, bona batawuba nenala.
כ [Kaph]
20 Kodvwa lababi batawushabalala;+Titsa taJehova titawubuna njengemadlelo laluhlata;Tinyamalale njengentfutfu.
ל [Lamed]
21 Lomubi uyaboleka kepha angabuyiseli,Kodvwa lolungile uyephana* futsi unemusa.+
22 Bantfu lababusiswe nguNkulunkulu batawudla lifa lemhlaba,Kodvwa labo labacalekisile batawubhujiswa.+
מ [Mem]
23 Jehova uyamcondzisa* umuntfu+Nangabe indlela laphila ngayo imjabulisa.+
24 Ngisho nobe angagileka, angeke awe bhu phansi,+Ngobe Jehova utawubamba sandla sakhe.*+
נ [Nun]
25 Ngake ngaba mncane, futsi nyalo sengimdzala,Kodvwa angikaze ngimbone lolungile alahliwe,+Nebantfwana bakhe abahambi bacela kudla.*+
26 Uhlale abolekisa ngekukhululeka,+Futsi bantfwana bakhe batawubusiswa.
ס [Samekh]
27 Kubalekele lokubi, wente lokuhle,+Futsi utawuhlala emhlabeni kuze kube phakadze.
28 Ngobe Jehova uyakutsandza kulunga,Futsi angeke abalahle labetsembekile kuye.+
ע [Ayin]
Batawuhlala balondzekile;+Kodvwa bantfwana balababi batawubhujiswa.+
29 Labalungile batawudla lifa lemhlaba,+Futsi bahlale kuwo kuze kube phakadze.+
פ [Pe]
30 Umlomo walolungile ukhuluma tintfo letihlakaniphile,*Nelulwimi lwakhe lukhuluma lokulungile.+
31 Umtsetfo waNkulunkulu wakhe usenhlitiyweni yakhe;+Nakahamba angeke ashelele.+
צ [Tsade]
32 Lomubi ubukisisa lolungileKuze ambulale.
33 Kodvwa Jehova angeke amshiye esandleni salomubi+Nobe amtfole anelicala nakamehlulela.+
ק [Qoph]
34 Yetsemba Jehova futsi uhambe ngendlela yakhe,Utakuphakamisa, futsi utawudla lifa lemhlaba.+
Utawubona lapho lababi babhujiswa.+
ר [Resh]
35 Ngike ngambona umuntfu losidlova futsi lomubiAkhula njengesihlahla lesikhulu lesiluhlata, lesisemhlabatsini lesamilela kuwo.+
36 Kodvwa ngekushesha nje wafa futsi wanyamalala;+Ngachubeka ngimfuna, kodvwa angizange ngimtfole.+
ש [Sin]
37 Mnakisise lomsulwa,*Futsi uhlale umbukile lolungile,+Ngobe umuntfu lonjalo utawuba nekuthula.+
38 Kodvwa bonkhe labenta lokubi batawubhujiswa;Futsi bantfu lababi bete likusasa.+
ת [Taw]
39 Insindziso yalabalungile ivela kuJehova;+Uyindzawo yabo yekukhosela ngesikhatsi sebumatima.+
40 Jehova utawubasita futsi abakhulule.+
Utawubakhulula kubantfu lababi futsi abasindzise,Ngobe bakhosela kuye.+
Imibhalo lengentansi
^ Nobe “Ungafutfumali.”
^ Nobe “eveni.”
^ NgesiHebheru kutsi, “Gicitela indlela yakho kuye.”
^ Nobe “ngesineke.”
^ Kungaphindze kubekwe ngekutsi, “Ungacansuki, ngobe loko kungakwenta ulimale.”
^ NgesiHebheru kutsi, “Ucucudza ematinyo.”
^ NgesiHebheru kutsi, “uyawati emalanga alabamsulwa.”
^ Nobe “uyasitana.”
^ Nobe “uyamcinisa.”
^ Nobe “utambamba ngesandla sakhe.”
^ Nobe “sinkhwa.”
^ Nobe “ukhuluma tintfo letihlakaniphile ngelivi leliphansi.”
^ Nobe “umuntfu logcina bucotfo.”
