Sikhumbuto Sekufa KwaJesu
NgeMgcibelo, April 12, 2025
Njalo ngemnyaka, BoFakazi BaJehova bakhumbula kufa kwaJesu njengobe ayala nakatsi: “Chubekani nikwenta, ningikhumbula.”—Lukha 22:19.
Sikumema kutsi ube khona kulomkhosi.
Imibuto Bantfu Labavamise Kuyibuta
Utsatsa sikhatsi lesingakanani lomkhosi?
Utsatsa cishe li-awa.
Utawube ukuphi?
Kuze utfole indzawo, buta lomunye waBoFakazi BaJehova.
Kuyabhadalwa yini kuze ungene?
Cha.
Litawuba khona yini lipulete lemnikelo?
Cha.
Kufanele ngigcoke njani?
Ngisho nobe kute indlela lecondzile lokufanele ugcoke ngayo, kodvwa BoFakazi BaJehova betama kulandzela seluleko seliBhayibheli ngekutsi bagcoke ngendlela lezitsile nalehloniphekile. (1 KuThimothi 2:9) Timphahla lotigcokako akudzingeki tibe nguletidulile.
Kutawentiwani eSikhumbutweni?
Lomhlangano ucala uphindze uphetse ngengoma kanye nangemthantazo lowentiwa ngulomunye waBoFakazi BaJehova. Kutawuba nenkhulumo lesekelwe eBhayibhelini letawuchaza kutsi bekubaluleke ngani kutsi Jesu afe kanye nendlela tsine lokusizuzisa ngayo loko Nkulunkulu naKhristu labasentele kona.
Kuze utfole lokunyenti, fundza sihloko lesitsi “Yini Leyenta BoFakazi BaJehova Bagubhe Sidlo SeNkhosi Sakusihlwa Ngendlela Leyehlukile Kweyaletinye Tinkholo?”
Sikhumbuto sitawuba ngamaphi emalanga kuleminyaka letako
2025: NgeMgcibelo, April 12
2026: NgaLesine, April 2
Lokunye Longatsandza Kukuhlola
SIKHUMBUTO
Kukhumbula Kufa KwaJesu
Sikumema kutsi ugubhe natsi kufa kwaJesu ngendlela lacela kutsi kwentiwe ngayo. Fundza kutsi kuphila kwaJesu nekufa kwakhe kungakuzuzisa njani wena.
TIMFUNDZISO TELIBHAYIBHELI LETIBALULEKILE
Kungani Jesu Afa?
Kungenteka uke weva kutsi wafela tono tetfu. Kodvwa kungenteka kanjani kutsi kufa kwemuntfu munye kuzuzise tigidzigidzi tebantfu?