Taga 22:1-29
22 Kuncono kuba neligama lelihle* kunekutsi unjinge kakhulu;+Kuhlonishwa* kuncono kunekuba nelisiliva neligolide.
2 Bantfu labanjingile nalabaphuyile bafana ngentfo yinye:
Bonkhe badalwa nguJehova.+
3 Umuntfu lohlakaniphile utsi nakabona ingoti abaleke,Kodvwa lote lwati ucondza ngco kuyo, bese ubhekana nemiphumela lebuhlungu.
4 Kutfobeka nekwesaba Jehova kuletsaUmcebo, ludvumo kanye nekuphila.+
5 Indlela yemuntfu longaketsembeki inemanyeva netingibe,Kodvwa loyo lotsandza kuphila kwakhe uyatibalekela letintfo.+
6 Cecesha umntfwana ngendlela lokufanele aphile ngayo;+Ngisho nalapho sekamdzala ngeke ayishiye.+
7 Injinga ibusa luphuya,Nemuntfu loboleka kulomunye uba sigcili salona lombolekile.+
8 Umuntfu lohlanyela lokungakalungi utawuvuna inhlekelele,+Futsi kucindzetela kwakhe labanye* kutawuphela.+
9 Umuntfu lowephanako* utawubusiswa,Ngobe kudla kwakhe ukudla nalabeswele.+
10 Cosha umuntfu lowedzelelako,Khona kuphikisana kutawuphela;Nekucabana kanye netinhlamba nako kutawuphela.
11 Umuntfu lonenhlitiyo lemsulwa futsi lokhuluma ngemusaUtawuba ngumngani wenkhosi.+
12 Jehova uyalulondvolota lwati,Kodvwa uwenta abe lite emavi alabangaketsembeki.+
13 Livila litsi: “Kunelibhubesi langephandle!
Ngitawutsi nangivela nje emgwacweni lingibulale!”+
14 Umlomo wemfati lokhohlakele* unjengemgodzi loshonako.+
Loyo losalahlwe nguJehova utawugcumkela kuwo.
15 Bulima buboshelwe enhlitiyweni yemntfwana,+Kodvwa kumjezisa ngeluswati kutabususa.+
16 Bantfu labagebenga labeswele kuze banjinge+Kanye nalabo labapha labanjingile tiphoBatawuphuya.
17 Kulalelisise loko lokushiwo bantfu labahlakaniphile,+Kuze inhlitiyo yakho yonkhe yemukele lwati lwami,+
18 Ngobe utawujabula nangabe letintfo utigcina enhlitiyweni yakho,+Futsi nawenta njalo, utawuhlale ukhuluma ngato.+
19 Kuze wetsembele kuJehova,Ngikuchazele tonkhe tintfo lamuhla.
20 Sengivele ngikubhalele,Ngakunika teluleko letinyenti nelwati,
21 Ngakufundzisa emavi laliciniso nalongawetsemba,Kuze ubuyisele umbiko loliciniso kuloyo lokutfumile.
22 Ungamgebengi lophuyile ngobe nje aphuyile,+Futsi umuntfu loweswele ungamcindzeteli esangweni lelidolobha,+
23 Ngobe Jehova utabavikela ecaleni lababekwe lona,+Futsi utababhubhisa* labo lababagebengako.
24 Ungabi ngumngani wemuntfu losheshe acansukeNobe utihlanganise nemuntfu losheshe atfukutsele,
25 Kuze ungayifundzi imikhuba yakhe
Futsi utikhandze sewutifake elugibeni.+
26 Ungabi ngulomunye walabo labajaka kwenta sivumelwane*Sekutsi batawubhadalela labanye tikweleti tabo.+
27 Nangabe ute imali longabhadala ngayo,Kutawutsatfwa umbhedze wakho.
28 Ungayisusi imincele leyabekwa kadzeni,Imincele leyabekwa bokhokho bakho.+
29 Uke wambona yini umuntfu lowenta ngelikhono umsebenti wakhe?
Utawusebentela emakhosi;+Angeke asebentele bantfukatana nje.
Imibhalo lengentansi
^ NgesiHebheru kutsi, “Kutsandvwa.”
^ Nobe “nelidvumela lelihle.”
^ NgesiHebheru kutsi, “indvuku yentfukutselo yakhe.”
^ NgesiHebheru kutsi, “loneliso lelihle.”
^ NgesiHebheru kutsi, “utawubulala umphefumulo.”
^ Nobe “labachawulanako.”