Sembulo Lesembulelwa Johane 3:1-22
3 “Ingilosi yelibandla laseSadesi yibhalele utsi: Nati tintfo latishoko loyo lonemimoya yaNkulunkulu lengu-7,+ netinkhanyeti letingu-7:+ ‘Ngiyatati tento takho, kutsi ubonakala shengatsi* uyaphila kantsi ufile.+
2 Caphela+ futsi ucinise tintfo letisele lebesetitawukufa, ngobe ngiyabona kutsi awukatenti tonkhe tintfo Nkulunkulu wami lafuna utente.
3 Ngako ubohlale ukukhumbula loko lowakwemukela nalowakuva, uchubeke ukugcina futsi uphendvuke.+ Nangabe ungaphaphami ngitawufika njengelisela,+ ngeke uze usati nesikhatsi lengitawufika ngaso kuwe.+
4 “‘Kepha unabo labambalwa* eSadesi labangazange batingcolise tingubo tabo,+ futsi batawuhamba nami bagcoke letimhlophe+ ngobe bakufanele.
5 Loncobako+ utawugcoka tingubo letimhlophe,+ ngeke ngize ngilesule* libito lakhe encwadzini yekuphila,+ kodvwa ngiyawumvuma embikwaBabe nasembikwetingilosi takhe.+
6 Lonendlebe akeve loko umoya lokushoko emabandleni.’
7 “Ingilosi yelibandla laseFiladelfiya yona yibhalele utsi: Nati tintfo latishoko loyo longcwele,+ loliciniso,+ lonesikhiya saDavide,+ lovula kube bete lovalako, nalovala kube bete lovulako:
8 ‘Ngiyayati imisebenti yakho, futsi ngikubekele umnyango lovuliwe+ lokute muntfu longawuvala. Ngiyati kutsi unemandla lamancane, nekutsi uligcinile livi lami waphindze wetsembeka egameni lami.
9 Labo lababelisinagoge laSathane labatsi bangemaJuda babe bangesiwo,+ kodvwa babe bacamba emanga, ngitabenta bete bakhotsame embikwakho, futsi ngitabenta bati nekutsi ngiyakutsandza.
10 Ngenca yekutsi ukwentile loko lowakuva mayelana nekucinisela kwami,*+ nami ngitakugcina ngesikhatsi sekuvivinywa+ lesitawufikela umhlaba wonkhe, lokutawuvivinywa ngaso labo labahlala kuwo.
11 Ngiyeta masinyane.+ Ngako chubeka ubambelela kuloko lonako, kuze kube bete lotsatsa umchele wakho.+
12 “‘Loncobako ngitamenta abe yinsika yelithempeli laNkulunkulu wami, ngeke asaphuma kulo, futsi kuye ngitawubhala libito laNkulunkulu wami,+ nelibito lelidolobha laNkulunkulu wami, lokuyiJerusalema Lensha+ leyehla ezulwini ivela kuNkulunkulu wami, ngibhale nelibito lami lelisha.+
13 Lonendlebe akeve loko umoya lokushoko emabandleni.’
14 “Ingilosi yelibandla laseLawodisiya+ yona yibhalele utsi: Nati tintfo latishoko loyo longu-Amen,+ fakazi+ lowetsembekile naloliciniso,+ losicalo sendalo yaNkulunkulu:+
15 ‘Ngiyatati tento takho, kutsi awubandzi futsi awushisi. Ngifisa shengatsi ngabe uyabandza nobe-ke uyashisa.
16 Njengobe usivuvu, ungashisi+ futsi ungabandzi,+ ngitakukhafula emlonyeni wami.
17 Ngobe wena utsi: “Nginjingile,+ nginemcebo, kute nalengikudzingako,” kodvwa awati kutsi ulusizi, uwekuhawukelwa, weswele, awuboni emehlweni, futsi ungcunu.
18 Ngikukhutsata kutsi ute kimi utsenge ligolide lelicwengwe ngemlilo kuze unjinge, utsenge netimphahla letimhlophe kuze ugcoke futsi ufihle lihlazo lebungcunu bakho,+ utsenge nemutsi wemehlo+ kuze ugcobise emehlo akho khona utewubona.+
19 “‘Bonkhe lengibatsandzako ngiyabekhuta ngiphindze ngibayale.+ Ngako-ke timisele futsi uphendvuke.+
20 Buka, ngime emnyango ngiyanconcotsa. Nangabe umuntfu eva livi lami avule umnyango, ngitawungena endlini yakhe ngidle naye kudla kwakusihlwa, naye adle nami.
21 Loncobako+ ngitamvumela kutsi ahlale nami esihlalweni sami sebukhosi,+ njengobe nami ngancoba ngase ngihlala+ naBabe esihlalweni sakhe sebukhosi.
22 Lonendlebe akeve loko umoya lokushoko emabandleni.’”
Imibhalo lengentansi
^ Nobe “udvume ngekutsi.”
^ NgesiGriki kutsi, “unawo emagama alabambalwa.”
^ Nobe “ngilicishe.”
^ Kungaphindze kubekwe ngekutsi, “ukulingisile kucinisela kwami.”
