Isaya 11:1-16
11 Lihlumela+ liyawuhluma esiphuntini saJese,+Futsi lihlumela+ lelivela etimphandzeni takhe liyawutsela titselo.
2 Umoya waJehova uyawuhlala kuye,+Umoya wekuhlakanipha+ newekucondza,Umoya weseluleko nemoya wemandla,+Umoya welwati newekwesaba Jehova.
3 Yena utawujabula ngekwesaba Jehova.+
Angeke ehlulele ngaloko lokubonakala emehlweni akhe,Futsi angeke amane nje asole ngaloko lakuva ngetindlebe takhe.+
4 Yena uyawumehlulela ngekulunga umuntfu lophansi,Uyawusola ngekulunga, entele labo labalungile labahlala emhlabeni.
Uyawushaya umhlaba ngentfonga yemlomo wakhe+Abulale lababi ngemoya wetindzebe takhe.+
5 Kulunga kuyawuba libhande lelukhalo lwakhe,Futsi kwetsembeka kuyawuba libhande letingculu takhe.+
6 Imphisi iyawuhlala sikhashana nelizinyane lemvu,+Ingwe iyawulala eceleni kwelizinyane lembuti,Litfole nelibhubesi nesilwane lesikhuluphele kuyawuba ndzawonye;*+Kuyawuholwa ngumfanyana nje.
7 Inkhomo nelibhele kuyawudla ndzawonye,Nematfole ako ayawulala ndzawonye.
Libhubesi liyawudla tjani njengenkunzi.+
8 Umntfwana losamunya uyawudlala emgodzini waphemphetfwane,Nemntfwana lolunyuliwe uyawufaka sandla sakhe emgodzini wenyoka lenebutsi.
9 Angeke tilimate lutfo+Futsi angeke tibangele umonakalo kuyo yonkhe intsaba yami lengcwele,+Ngobe umhlaba uyawugcwala lwati ngaJehovaNjengobe nemanti agcwalisa lwandle.+
10 Ngalelolanga, imphandze yaJese+ iyawukuma ibe luphawu lwebantfu.+
Tive tiyawusifuna kuye sicondziso,*+Futsi indzawo yakhe yekuphumula iyawugcwala inkhatimulo.
11 Ngalelolanga, Jehova uyawuphindze anikele ngesandla sakhe kwesibili, kuze abuyise bantfu bakhe labasele e-Asiriya,+ eGibhithe,+ ePhathrosi,+ kumaKushe,+ e-Elamu,+ eShinari,* eHamathi nasetichingini telwandle.+
12 Uyawuphakamisela tive luphawu aphindze ahlanganise bantfu baka-Israyeli+ labasakatekile, futsi uyawuhlanganisa bantfu bakaJuda labasakatekele emagumbini lamane emhlaba.+
13 Umona wa-Efrayimu uyawuphela,+Futsi labo labahlupha Juda bayawucedvwa.
Efrayimu angeke amdlele umona Juda,NaJuda angeke amhluphe Efrayimu.+
14 Bayawukwehla etindzaweni letehlelako* temaFilisti enshonalanga;Bakanyekanye, bayawutitsatsela bantfu lababahlaselako baseMphumalanga.
Bayokwelula sandla sabo simelane na-Edomu+ kanye naMowabi,+Futsi bayawubusa ema-Amoni.+
15 Jehova utakwehlukanisa* sihlenge selwandle* lwaseGibhithe+Aphindze ajikitise sandla sakhe etikweMfula.*+
Ngemoya wakhe loshisako, uyawushaya imifudlana lengu-7 lesuka kuwo,*Futsi uyawubangela bantfu kutsi bawele bafake tincabule.
16 Kuyawuba nemgwaco lomkhulu+ losuka e-Asiriya webantfu bakhe labasele labatawuphuma khona,+Njengobe wawukhona newema-Israyeli ngelilanga laphuma ngalo eveni laseGibhithe.
Imibhalo lengentansi
^ Kungaphindze kubekwe ngekutsi, “Litfole nelibhubesi kuyawudla ndzawonye.”
^ Nobe “Tive tiyawumfuna.”
^ Lokusho, iBhabhulona.
^ NgesiHebheru kutsi, “lihlombe.”
^ Kungaphindze kubekwe ngekutsi, “utakomisa.”
^ NgesiHebheru kutsi, “lulwimi.”
^ Lokusho, iYufrathe.
^ Kungaphindze kubekwe ngekutsi, “utawushaya wehlukane ube yimifudlana lengu-7.”