Faataoto 26:1-28
26 E pei o le kiona i le tau māfanafana ma le timu i le taimi o le seleselega,E faapena ona lē talafeagai o le mamalu mo se tagata valea.+
2 E pei ona iai le māfuaaga e lele ese ai se manulele ma feleleaʻi ai se peʻapeʻa,E faapena ona lē oo mai se mala e aunoa ma se māfuaaga tatau.*
3 O le sasa e mo le solofanua, o le faagutu e mo le asini,+Ma le laau e mo papatua o tagata vālea.+
4 Aua e te tali atu i se tagata valea e tusa ma lona faavalevalea,Ina neʻi pei ai oe o ia.*
5 Ia tali atu i le tagata valea e tusa ma lona faavalevalea,Ina neʻi manatu e atamai o ia.+
6 E pei o lē e na te faapipili ona lava vae ma faatigā iā te ia lava,*E faapena le tagata ua ia tuuina atu mataupu i le tagata valea.
7 E pei o le fetoso* o vae o se tagata pipili,E faapena fo‘i se faataoto i gutu o tagata vālea.+
8 E pei o le nonoaina o se maa i se maatā,E faapena le tuuina atu o le mamalu i se tagata valea.+
9 E pei o se laau tuitui ua maua i le lima o se tagata onā,E faapena fo‘i se faataoto i gutu o tagata vālea.
10 E pei o le tagata fanafana aū e fana ma lavea ai so o se mea,*E faapena o lē e faafaigaluegaina se tagata valea, po o ē o loo ui ane i le auala.
11 E pei ona toe foʻi o le taʻifau i lona puaʻiga,E faapena foʻi ona toe faia e le tagata valea o lona faavalevalea.+
12 Po ua e vaai i se tagata e manatu e atamai o ia?+
E telē atu le faamoemoe mo le tagata valea nai lo o ia.
13 Ua faapea ane le tagata paiē: “O loo iai se tamaʻi leona i le ala,O se leona i le nofoaga faitele!”+
14 E pei ona feliuliuaʻi o le faitotoʻa i ona faamau,*E faapena le tagata paiē i luga o lona moega.+
15 O le tagata paiē e natia lona lima i le ipu faaofuofu ua iai meaʻai,Ae ua matuā lē lavā o ia e tuu se meaʻai i lona gutu.+
16 E manatu le tagata paiē e sili atu lona atamaiNai lo o tagata e toʻafitu ua tali mai ma le atamai.
17 E pei o se tasi e tago i taliga o le taʻifau,E faapena lē ua ui ane ma ita tele* i le misa a isi tagata.+
18 E pei o se tasi ua faalētonu le mafaufau o loo fanafana aū mumū, o aū, ma le oti,*
19 E faapena le tagata ua ia ʻolegia lona tuaoi ma faapea atu, “O la‘u mea ula a na fai!”+
20 E pē le afi pe a leai ni fafie,Ma e lē toe iai ni vevesi pe a leai se tagata taufaaleaga.+
21 E pei o le malala mo le afi o le a pē ma fafie mo le afi,E faapena foʻi le tagata faamisa ua faatuputele ai se misa.+
22 O upu a le tagata taufaaleaga e pei o fasi mea‘ai mananaia;*E folo patatō ifo i totonu o le manava.+
23 E pei o siliva iila ua ufitia ai le taʻega ipu omea,E faapena upu alofa* mai i se loto e leaga.+
24 O lē e ʻinoʻino i isi ua ia natia lona ‘ino‘ino i ona laugutu,Ae e na te teuloto le taufaasesē.
25 E ui lava e logolelei ana upu, aua e te talitonu iā te ia,Auā e fitu mea inosia o loo i lona loto.*
26 E ui ina natia lona ʻinoʻino i le taufaasesē,Ae o le a faaalialia lona leaga i le faapotopotoga.
27 O lē e na te elia se lua, e pa‘ū lava i ai o ia,Ma o lē e na te faataavale ese se maa, e toe taavale mai lava iā te ia.+
28 O le laulaufaiva e pepelo e ʻinoʻino i ē e na te tu‘imomomoina,Ma o le gutu taufaa‘ole‘ole e tupu ai le malaia.+
Faamatalaga Pito i Lalo
^ Pe atonu “E faapena ona lē oo se fetuu e fai fua.”
^ Po o le “Ina neʻi tutusa ai oulua.”
^ Epe., “inu i le sauā.”
^ Po o le “tautau.”
^ Po o le “e faamanuʻalia tagata uma.”
^ Po o “sooga.”
^ Pe atonu “ma osovale ai.”
^ Po o le “ma aū e oti ai.”
^ Po o le “e pei o mea e ʻai faaatuatuvale.”
^ Epe., “laugutu faatauanau.”
^ Po o le “Auā e matuā inosia lona loto.”
