Faataoto 20:1-30
20 O le uaina e faatauemu ai,+ ma o le ʻava malosi e lē mafai ona pulea ai;+O sē e faasesēina ai e lē atamai o ia.+
2 O le mataʻutia o se tupu e pei o le tagi a le leona;*+O sē e faatupuina le ita o le tupu, ua faia e ia le mea e lamatia ai lona lava ola.+
3 O se mea mamalu i se tagata le taumamao mai i le misa,+A o ē e vālea e matuā aafia ai.+
4 O le tagata paiē e na te lē suatia le fanua i le tau mālūlū,O lea, e ‘aisi o ia i le taimi o le seleselega ina ua leai se mea iā te ia.*+
5 O manatunatuga* i le loto o le tagata, e pei o vai loloto ia,A o le tagata e iai le faautaga loloto, e na te utufia mai ai.
6 E toʻatele tagata e ta‘uta‘u atu lo latou alofa faamaoni,A o ai e na te maua se tagata faamaoni?
7 E savali ma le faamaoni le tagata amiotonu.+
E fiafia lana fanau* pe a mavae atu o ia.+
8 Pe a afio le tupu i lona nofoālii e faia faamasinoga,+E na te faataapeina mea leaga uma i ona fofoga.+
9 O ai e mafai ona faapea ane: “Ua ou faamamāina loʻu loto;+Ua ou mamā mai i laʻu agasala”?+
10 O fua lē faamaoni ma fua pepelo,*O nei mea e lua e inosia e Ieova.+
11 E oo lava i se tamaitiiti e mafai ona iloa i ana gaoioiga,Pe e lelei ma tonu lana amio.+
12 O taliga e faalogo ai ma mata e vaai ai,O Ieova na faia ia mea uma e lua.+
13 Aua e te naunau i le moe, neʻi e mativa ai.+
Ia pupula ou mata, ona e maʻona ai lea i meaʻai.+
14 Ua faapea mai le tagata faatau, “E lē lelei, e lē lelei lenei mea!”Ona alu ese lea o ia ma gugutu e faatatau iā te ia lava.+
15 Ua iai auro, ua iai foʻi le tele o maa tāua,*A o laugutu e iai le poto, e tautele ia.+
16 Ia ave se ofu o se tasi pe afai ua faamaonia e ia le aitalafu a se tagata ese;+Ia ave se mea mai iā te ia e faamau ai le aitalafu, pe afai na ia faamaonia le aitalafu a se fafine ese.*+
17 E manaia i le tagata le tofo o le meaʻai e maua i se auala taufaa‘ole‘ole,Ae e mulimuli ane o le a tumu lona gutu i ‘ili‘ili.+
18 E taulau* fuafuaga pe a fetalanoaa‘i,+Ma ia tau lau taua e ala i taʻitaʻiga atamai.+
19 O lē e taufaaleaga, e fealualuaʻi solo o ia ma taʻu atu mataupu faalilolilo;+Aua e te faifaimea faatasi ma lē e fiafia e faitala.*
20 O sē e faamalaia i lona tamā ma lona tinā,E tineia lona molī pe a oo mai le pogisa.+
21 O le tofi e maua i le amataga ona o le matape‘ape‘a,O le a lē avea o se faamanuiaga mulimuli ane.+
22 Aua e te faapea ane: “Ou te taui atu le leaga!”+
Ia faamoemoe iā Ieova,+ ona ia faaolaina ai lea o oe.+
23 O fua lē faamaoni* e inosia e Ieova,Ma e lē lelei fua faatautau taufaasesē.
24 E faatonutonu e Ieova laasaga o se tagata;+E faapefea ona malamalama se tagata i lona lava ala?*
25 O se mailei pe a valaau vave atu le tagata, “Ua paia!”+
Ma e faato‘ā mafaufau mulimuli ane i le mea na tautō ai.+
26 O se tupu atamai e na te faataapeina tagata amioleaga,+Ma faataavale i o latou luga le uili e soli ai saito.+
27 O le mānava o le tagata o le molī lea a Ieova,O loo suʻesuʻe i lona tagata i totonu.
28 Ua leoleoina le tupu e le alofa faamaoni ma le faamaoni;+Ua ia faatumauina lona nofoālii i le alofa faamaoni.+
29 O le matagofie o tauleleʻa o lo latou malosi lea,+Ma o le mamalu o toeaina o lo latou ulusinā lea.+
30 O tino ua totoulia ma manuʻa, ua aveesea* ai le leaga,+Ma o tā e faamamā ai le tagata i totonu.
Faamatalaga Pito i Lalo
^ Po o “se tamaʻi leona taanoa.”
^ Pe atonu “E saʻili o ia i le taimi o le seleselega ae e lē maua se mea.”
^ Po o “faanaunauga.” Epe., “fuafuaga.”
^ Epe., “ona atalii.”
^ Po o le “O maa eseese e lua e fua ai le mamafa o se mea ma ato eseese e lua e fua ai le tele o se mea.”
^ Po o “ʻamu.” Tagaʻi i le Uiga o Upu.
^ Po o “se tagata ese.”
^ Po o le “faatumauina.”
^ Po o “lē e faatosina i ona laugutu.”
^ Po o le “O maa eseese e lua e fua ai le mamafa o se mea.”
^ Po o le “i le ala e alu ai?”
^ Po o le “faamamā ese.”