Faataoto 14:1-35
14 Ua atiaʻe e le fafine atamai lona fale,+A o le fafine valea ua ia lepeti i lalo lona fale i ona lava lima.
2 E mataʻu iā Ieova le tagata e savali i lana amio saʻo,A o le tagata e faa‘ole‘ole* ona ala e ʻinoʻino iā te Ia.
3 E iai i le gutu o le tagata valea le tootoo o le faasausili,A o laugutu o tagata atamamai e puipuia ai i latou.
4 A leai ni povi, ua mamā le falepovi,Ae e tele le seleselega e maua ona o le malosi o le povi poʻa.
5 O le molimau faamaoni e lē pepelo o ia,A o le molimau pepelo e pepelo i taimi uma.+
6 Ua saʻili e le tagata tauemu le atamai ae e na te lē mauaina,Ae e mauagofie e le tagata malamalama le poto.+
7 Ia faamamao ese mai i le tagata valea,Auā e te lē mauaina le poto i ona laugutu.+
8 O le atamai o le tagata e iai le utaga mamao, e malamalama ai o ia i lona ala,Ae ua ‘olegia tagata vālea* i lo latou valea.+
9 E ula ē e vālea i a latou agasala,*+A o ē e amio saʻo e lotomalilie i latou e faia se faaleleiga.
10 Ua iloa e le loto lona lava tigā,E lē tofusia foʻi se tagata ese i lona olioli.
11 E faatamaʻia fale o tagata amioleaga,+A o tagata amio saʻo e faatumauina* o latou faleʻie.
12 Ua iai le ala e tonu i le manatu o le tagata,+A o lona taunuuga e i‘u i le oti.+
13 E ui ina ʻataʻata ae e ono tigā le loto,Ma e ono iʻu le olioli i le faanoanoa.
14 O lē ua fouvale lona loto e selesele o ia i iʻuga o ona ala,+A o le tagata lelei e selesele i le taui o ana feutagaʻiga.+
15 E talitonu le tagata ua leai se poto masani i upu uma,A o le tagata e iai le utaga mamao, e manatunatu i ona laasaga uma.+
16 E faaeteete le tagata atamai ma liliuese mai i le leaga,A o le tagata valea e faatalalē* ma soona mautinoa.
17 O lē e vave ona ita e gaoioi ma le valea,+A o le tagata e mafaufau lelei e inosia o ia.
18 O ē ua leai se poto masani e fai ma o latou tofi le valea,A o ē e iai le utaga mamao, e faapaleina i le poto.+
19 O le a ifo lava tagata leaga i luma o tagata lelei,E ifo foʻi tagata amioleaga i faitotoʻa o tagata amiotonu.
20 E inosia e isi le tagata mativa, e oo lava i ona tuaoi,+A o le tagata mauʻoa e toʻatele ana uō.+
21 E agasala lē e ʻinoʻino i lona tuaoi,A o lē e tigā alofa i ē e faatauvaa e fiafia o ia.+
22 Pe e lē fesēa‘i ea i latou o ē e fafauina mea leaga?
A o ē e naunau e faia mea lelei, e faaalia i ai le alofa ma le faamaoni.+
23 E iai aogā o so o se ituaiga o galuega mamafa,Ae o le tau ina tautala e i‘u ai i le mativa.+
24 O le pale o ē e atamamai, o lo latou tamaoaiga lea;A o le valea o ē e valelea, o le valea lava lea.+
25 O le molimau moni e laveaʻiina ola,A o le molimau taufaasesē e pepelo i taimi uma.
26 E iai le faatuatuaga malosi i le mata‘u iā Ieova,+Ma o se mea e malu ai lana fanau.+
27 O le mataʻu iā Ieova o le vaipuna o le ola,Ina ia liliuese ai se tasi mai i mailei o le oti.
28 E mamalu se tupu pe a iai tagata e toʻatele,+Ae e to‘ilalo se pule pe a leai ni tagatānuu.
29 O lē e telegese lona ita e tele lona faautaga loloto,+A o lē e lē lava le onosaʻi e faaalia lona valea.+
30 O le loto e toʻafilemu o le ola lea o le tino,*A o le lotoleaga e pala ai ivi.+
31 O lē ua ave faagaoi mea a tagata faatauvaa, ua ia faalumaina Lē na faia o ia,+A o lē e tigā alofa i lē e mativa, ua ia faamamaluina o Ia.+
32 E faatoʻilaloina lē e amioleaga i lona lava leaga,A o le tagata amiotonu e malu o ia i lona faamaoni.+
33 O le tagata malamalama e lē faaalialia lona atamai,+A o le tagata valea e na te faaalialia pea mea e na te iloa.
34 O le amiotonu e faaeaina ai se atunuu,+A o le agasala e faalumaina ai se nuu.
35 E fiafia le tupu i le auauna e gaoioi ma le tofā mamao,+Ae e toʻasā o ia i lē e faia mea matagā.+
Faamatalaga Pito i Lalo
^ Po o le “faapiʻopiʻo.”
^ Pe atonu “Ae ua ʻolegia e tagata vālea isi.”
^ Po o “i le faia o faaleleiga.”
^ Epe., “uluola.”
^ Po o le “matuā ita.”
^ Po o le “e mālōlō ai le tino.”
